Blader door transcripties » Stadsarchief Mechelen

archieftoegang 2, inventarisnummer 952, pagina 43

Kerstiaen van Erpe tot synen behoeff, ende oic tot behoef van Kathelinen
van Eeckele synen wive Twee huysen metten hoven gronde etcetera
die den voirscreven wylen Marien Marten van Ryemen, toe plagen te
hoven, gelegen deen neven dandere inde Coestrate opten hoeck
vander Jeudestraten, tusschen de selve Jeudestrate aen deen
zyde ende des voerscreven Kerstiaens ende syns wyfs ander huys, aen dander
zijde. A Domino Mechliniensi, Waranderende. Opte weerde van sestien scellingen groten
Brabants gelts dair jaerlix vutgaende
XXI decembris
Bartelmeus van Ryemen
Langeester Gheylinck
Item. De voergenoemde Kerstiaen, heeft bewesen den voirgenoemde momboeren tot
ende een huer
behoef vanden voerscreven Bartelmeus van Ryemen, Sesse gouden Andries
gulden, Te wetene veertich groten Vlaems voir elken van dien gerekent
jaerliker lyfpensien, Te heffene altyt tot Sinte Martensmisse Op
ende aen syn voirgenoemde twee huysen met haeren voirgenoemde toebehoeren. A Domino Mechliniensi,
Waranderende supra, met alsulker condicien, dat de voirgenoemde Kerstiaen sal moegen
lossen ende quiten altyt als hem dat gelieven sal, de voirgenoemde Sesse
gouden Andries gulden der voirscreven lyfrenten, Te wetene elken
gulden dairaff met neghen gelike gouden Andries gulden van
alsulken pryse ende weerden, als de selve nu ter tyt cours ende ganck
hebben inder voerscreven stad, oft de selve Kerstiaen sal die den voerscreven
Bartelmeusen tot synen live moegen bewysen, Op andere goede erffelike
panden, dair dat den selven Bartelmeus vast ende zeker zyn
ut supra
Machiel Cools
Item. Katheline van Maldere Jans van Maldere dochter met
Pasquet Geskiere haeren man, heeft vercocht Machiel Cools cramere
vier gouden Andries gulden, elken van dien tot veertich groten Vlaems
gelts gerekent erffelix chys Te heffene altyt tot Kersmisse, Op ende
aen haer huys metten gronde etcetera gelegen achter der scepenen huys van
Mechelen aen dest:t; tusschen Jans vander Hulst erve aen deen zyde ende
Henrick Boys erve aen dander zyde. A Domino Mechliniensis, Waranderende. Op Sesse
chysgulden, ende sesse gouden Rynsgulden vanden voerscreven pryse daer
jaerlix voir vutgaende, Om welke vier gouden Andries gulden
alsoe te betalen, Ende om der meerder zekerheit den voirgenoemde Machiels
daeraf te doene, Soe hebben de voirgenoemde Jan van Maldere als een
tochtenere ende de voirgenoemde Katheline syn dochter met haeren voerscreven
man als erfgenaem, den selven Machielen dair voir verbonden
ende tonderpande geset, haerlieder hof met eenen duyfhuyse dair
op staende ende oic metten gronde etcetera gelegen inde Penningstrate ende ven
te in Onser Vrouwen prochien, tusschen Willem Luytens erve aen deen
zijde ende Thomaes de Hertoge erve aen dander zyde, opte weerde van
achtendertich groten Vlaems gelts daer jaerlix te voir vutgaende
Assignavit XIIII
ut supra
Jan Smens et uxore
Lange, Mol, Gheylinck. Jan vander Messen, wettich soon van wylen Gregoris
vander Messyen, heeft openbairlic voir ons bekent dat hy gehadt
ende ontfangen heeft van Janne Sarens ende van Jehannen van Haecht
synen wive de somme van hondert ende twintich ponden groten Brabants
gelts, die sy den selven Janne vander Messen vut zaken vanden
coepe van zekeren synen leeft leengoeden ende erfgoeden beempden
wynnende landen chysen ende pachten ende anderen haeren toebehoerten, inder
prochien van Lippeloe ende onder oppersse opte Claudeert gelegen
tegen hem gedaen, sculdich ende tachter waren, ende zy hem tot zekeren
overledenen termynen, gelooft hadden te betalen, van welker
sommen van hondert ende twintich der voerscreven ponden groeter ende
oic van al tgene dat hy henlieden vut allenst:t; van dien soude
ende syne nacomelingen
moegen heysschen, heeft de voirgenoemde Jan vander Messien
Quytgesconden los vry ende ledich, der voirgenoemde Jehannen
van Haech, tot haeren ende haers voerscreven mans behoef ende alle
andere dies quitancie behoeven geheelic ende al
XXIIII decembris
Jan van Bost
Gottingnies, Lange, Senior, Jacop van Heffene heeft, Opgedragen ende
getransporteert tot behoef van Meester Janne van Bost, alle syn
recht deel ende actie die hy hadde ende die hem byder doot van wylen
Marten de Gorttere synen neve gebleven ende verstorven zyn, in alle
de erffelike goeden metten gronde etcetera bynnen etcetera gelegen, na des
selfs wylen Martens doot gebleven Transferens ac volens ut supra
Forma
XXIX decembris
Jacop vanden Scryeke
Borch, Voesdonck. Margriete Guedens ende van wylen Jan van Heyden cum tutore
als een tochtenersse, Ende Jan van Hoedonck ende Bartelmeus Herregodt van svaders
wegen ende Willem van Beveren ende Jan Guedens vander moeder wegen, als
momboeren ende inden name van Janne ende Lysbetten van Haesdonck, der voirgenoemde
weduen kynderen onder haer jaeren etcetera wesende die zy in hen vervingen, als
erffgenamen, hebben Terve gegeven Jacopen vanden Scryeke Smoutslagere
Een huys met eender mont moelen dair bynnen staende ende oic metten hove gronde
ende allen anderen synen toebehoerten, dat den voergenoemde wylen Janne van Haesdonck
toebeh toe plach te hoeren, gelegen buyten der Overster poirten leden deen
beemputte aldair inde strate gaende ten huyse weert vanden ziekenlieden
tusschen Jan Goeyheers erve aen deen zyde ende Aerts vanden Scryeke erve
aen dander zyde. A Domino Mechliniensi. Te besittene, Op eenen erffeliken chys van
thien gouden Andries guldenen, elken van dien tot veertich groten Vlaems gelts
gerekent, Ende die te betalene altyt tot Alreheyligemisse, Ende opten voirchys
vander weerden van drie scellingen ende sesse penningen groten Brabants gelts, dair
vutgaende, Om welke thien gouden Andries gulden des voerscreven chys