Blader door transcripties » Stadsarchief Mechelen

archieftoegang 2, inventarisnummer 952, pagina 42

tot twee terminen
Te wetene deen
helft daeraf tot
Sinte Jansmisse ende
dander helft
Kersmisse
ende termyn van drie jaeren lanck duerende, Elcx jaers van dien altyt
tot Kersmissevyftich gouden Andries gulden, elken van dien tot
veertich groten Vlaems gelts gerekent, dair af den jersten termyn van
tot Sinte Jansmisse
betalingen wesen sal van Kersmissest:t;st:t;
ende
naervolgende, zonder eenich wederseggen, voirtaen hebben oic
De voergenoemde Jan vanden Eynde ende Katheline syn wyf gelooft gelyc
voir dat zy alle tgene dat sy tot hueren coste ende gerieve zelen
doen breken ende maken inde voerscreven herberge, tot haeren afscheyden
van dier weder zelen doen heermaken ende stellen inden selven
state, alsoe zy aenveerden ende vanden zelen, Ende oft by des
voerscreven Jans vanden Eynde synder huysvrouwen ende haeren huys gesinne
ende Fancken, toe doen ende sculden, eenich ongeval van Brande oft anderssins
inde voerscreven herberge quame dat God verhuede, dat sy dat gulden
betalen ende oprichten zelen, der voerscreven weduen ende haeren voerscreven
kynderen, alsoe dat van rechts wegen behoeren sal, Om welke
gelooften alsoe volstentelic tonderhoudene, Ende om der meerder
zekerheit, der voerscreven Lysbetten der weduen, Jacoppen jouffrou Lysbetten
ende Kathelinen van Oprode haeren kynderen ende Janne vander Eyken, dairaff
te doene, Soe hebben de voirgenoemde Jan vanden Eynde ende Katheline
syn wyf der selver weduen ende Jacoppen haeren sone, tot haeren behoef
ende oic tot behoef vanden voerscreven jouffrou Lysbetten ende Kathelinen van Oprode
ende van Janne vander Eyken, in tytule van gewarigen pande dair voir
verbonden ende te pande geset, alle haerst:t; haer lyff, Ende dair toe
alle haer haeffelike ende beruerlike goeden, waer die bevonden zelen
worden, die zy nu tertyt hebben, ende hier namaels oic hebben ende
vercrigen zelen
XXIII decembry
Jan vanden Weerde
Lange, Mol, Stocman. Henrick vander Nuwermoelen wylen Mathys vander
Nuwermoelen soon, voir de twee vyfstedeelen, Jan vander Nuwermoelen
voir tderde vyfstedeel, te ende Jaspar vander Nuwermoelen syn brueder
voir tvierde vyfstedeel, Ende de selve Jan ende Jaspar vander Nuwermoelen
ende Jan Meynaert als momboeren ende inden name van Petronellen vander
Nuwermoelen wylen Augustyns vander Nuwermoelen dochter, die brueder
was doen hy leefde vanden voirgenoemde Janne ende Jasparen vander Nuwermoelen
onder haer jaeren etcetera wesene, die zy in hen vervingen voir tvyfste vyfstedeel
vander helft vanden huyse hier naer bescreven, hebben vercocht Janne vanden
weerde beydere, de helft van Eenen huyse metten hove gronde etcetera
die wylen Janne Gast toe plach te hoiren, ende die den voerscreven vercoeperen
by desselfs wylen Jan Gast haers oude oems doot gebleven ende verstorven
es, gelegen inde Coestrate over de ierste brugge, tusschen thuys
Dendeken geheeten, den selven Janne vanden Weerde toebehoerende aen de
zyde ende desselfs Jans vander Weerde ander huys, aen dander zyde
A Domino Mechliniensi, Waranderende etcetera.
Assignavit L Peter eens
ut supra tempore simile
Jasper vanden gelem
Lange, Vos, Stocman. Jan vanden Acke, heeft Opgedragen ende overgegeven
tot behoef van Jasparen vanden Wageviere, Een huys metten hove
borreputte gronde etcetera gelegen buyten Sinte Kathelinen poirte, opten
Pennenpoel, tusschen Andries Cleren erve aen deen zyde ende Jan Frykens
des jongen erve aen dander zyde. A Domino Mechliniensi, Waranderende etcetera. Opten chys der
jaerlix vutgaende
XXIII decembris
Matheus vanden Hoeck
Item. Jouffrou Lysbeth vanden Eynde wedue van wylen Jacoppen vanden
Hoede, als eene tochtenersse ende Barble vanden Hoede haer dochter ende
als erfgenaem, hebben vercocht Matheus vanden Hoede, wylen Willems
vanden Hoede soone, de helft van Twintich scellinge ouder groten Turnoysen
erffeliker renten, die zy hadden, Opte stad van Mechelen ende die
jaerlix dair op vallen ende verschinen, tot twee terminen, Te wetene
deen helft dairaf opten sessentwintichsten dach van februario van
dander helft opten sessentwintichsten dach van augusto, gelyc dat
claerlike byden brieve dair op gemaect ende bezegelt metten groten zy
blyct
der voergenoemde stad clairliker we Ac Renunciavent promisse ende
Waranderende ut in forma, Ende tot desen heeft, Henrick de Lange een der
rentmeesters vander voerscreven stad, behoudelic der selver stad dair inne haeren
rechte, haer consent gegeven
ut supra tempore simile
Jan tSermartens wylen Rommonts sone, heeft vercocht Bartelmeus
Smet diemen heet van Boeven, Twee gouden Rynsgulden, van sinen seven
gelike gouden Rynsgulden, elken van dien tot veertich groten Vlaems gelts
gerekent erffelix chys, die hy heeft, Op een huys metten vetteryen gronde
etcetera, toebehoerende Rommonden van Yetegheem huyvetter, gelegen inden Ouden Bruel
tusschen Gielis Gielis diemen heet Zoeten erve aen deen zyde ende der weduen
ende kynts erve van wylen Meester Jacopen vander Marck, aen dander zyde
A Domino Mechliniensi, Waranderende etcetera.
Assignavit den X denier
Jan van Ryemen ende Jan Lemmens diemen heet ende Croone van
wegen, als momboeren ende inden name
svaders wegen ende Jan de Kempenere ende Jan vander moeder
Jan van Erpe
Lange, Mol, Gheylinck. Jacop van Ryemen wylen Martens van Ryemen soon voir
deen derdendeel ende Jan van Ryemen ende Jan Lemmens diemen heet inde
vander moeder wegen, als momboeren ende inden name van Bartelmeus ende
Croene van svaders wegen, ende Jan de Kempenere ende Jan Godevaerts
Jan van Ryemen, des voirgenoemde Jacops bruederen, onder haer jaeren etcetera wesende
die zy in hen vervingen, voir de twee ander derdedeelen, hebben vercocht