Blader door transcripties » Stadsarchief Mechelen

archieftoegang 2, inventarisnummer 952, pagina 44

alsoe te betalene, Ende om der meerder zekerheit der voirgenoemde wedue
ende haeren kynderen dair voir te doene, Soe heeft de voirgenoemde Jacop vanden
Scryeke henlieden dair voir verbonden ende tonderpande geset, Syn
huys metten hove gronde etcetera gelegen tot Oudegheem alsoemen gaet int
Vrybroeck, tusschen Jans de Blick erve aen deen zyde ende de strate
aldair aen dander zyden, Opte weerde van vyf scellingen groten
Brabants gelts daer jaerlix voir vutgaende, met alsulker
condicien, dat de voergenoemde Jacop vanden Scryeke sculdich sal syn te
lossene ende te quitene de vier gouden Andries gulden vanden
voirgenoemde thien gouden Andries gulden des voergenoemde chys, totten termynen
hier naer volgende, te wetene den eenen gulden dairaf tot
Alreheyligemisse naestcomende, Ende van dan voirtaen alle daerst:t;
alsdan deen na dander terstont volgende, Eenen der selver guldenen
tot elken alle heyligen misse
tot dier tyt toe, dat deselve vier gouden Andries gulden geheeten
ende al gequeten zelen syn, Ende dander seve gouden Andries
gulden desselfs chys, sal de voergenoemde Jacop moegen lossen ten
altyt als naer de voergenoemde vier jaeren moegen lossen ende quiten altyt
als hem dat gelieven sal met eenen gulden tot elken male ende elken
van allen den voirgenoemde gulden, met sestien geliker gulden ende met
vollen chyse. Behoudelic dien, dat soe wanneer de selve Jacop
de voergenoemde Sesse gouden Andries gulden gequeten sal hebben, dat
alsdan zyn voirgenoemde huys metten hove tot Oudegheem vanden voerscreven
verbanden los vry ende quyt zyn sal, ende bliven
XX decembris
de momboeren Jehannen
Lysbetten vander Steghe
Jannes van Os
Voesdonck, Zoeten. Jehanne vander Steghe diemen heet van Os met Steven de
Wyntere haeren man, Ende Peter Boudens inden name van Lysbetten vander
Steghe diemen heet van Os synder huysvrouwen ende der voerscreven Johannen
zuster, die zy zy hem verving, hebbende van haer om tgene te doene
dat hier naer bescreven staet volcomen macht, gelyc ons dat byder
procuracien dair op gemaect ende bezegelt metten zegel ten zaken der
voerscreven stad claerlic bleeck, hebben openbairlic voir ons bekent dat
Jan Cloet, Joes de Vryese, wylen Gheerd de Neve ende wylen Wouter
Herremans als momboeren van wylen Lauretten van Beringen wylen
Peters van Beringen ende wylen Kathelinen vander Steghe diemen heet
van des dochter welke wylen Katheline was wettige zuster doen
zy leefde vanden voirgenoemde Jehannen ende Lysbetten vander Steghe, henlieden
goede ende rechtveerdige rekeninge ende bewys gedaen hebben van allen de
haeffeliken ende erffeliken goeden, bynnen ende buyten der stad ende vryheit
van Mechelen wesende ende gelegen, die den voirgenoemde Jehannen ende
Lysbetten vander Steghe byder doot vander voirgenoemde wylen Lauretten
haer nichten, gebleven ende verstorven moegen zyn, Ende van dien
ende van al tgene datmen den voirgenoemde momboeren vut zaken vanden
haer adminstracien ende bewinde der voergenoemde goeden soude moegen
heysschen, hebben de voirgenoemde Jehanne vander Steghe ende Peter
met haer voerscreven
may
Boudens inden name vander voerscreven Lysbetten synder huysvrouwen
Quytgesconden los vry ende ledich, den voirgenoemde Janne Cloet
ende Joesen de Vryse, tot haeren behoef ende oic tot behoef van haeren
voirgenoemde medemomboeren, ende van Wouteren Noots haeren rentmeester
ende alle andere dies quitancie behoeven geheelic ende al
XXI decembris
Jan Cleynhennens
alias oem
Verwere
Lange, Vos. Lodewyck van Cortryke heeft vercocht Janne
Cleynhennens diemen heet van schoenmakere, Een huys de Gassele
geheeten met eenen cleynen deele van des voirscreven Lodewycx plaetssen
achter vast aen tselve twee vercochte huys liggende ende aen desselfs
Lodewycx ander huys tVleegelken geheeten, Ende oick met eenen
achterhuyse gronde ende synen toebehoirten achter aen tvoirscreven vercocht
huys van staende ende comende achterwerts met eenen steynen gevalle
tot des voirscreven Lodewycx ander plaetssen voirscreven ende met vordere in
aldaer manieren soe, tselve vercochte huys met synen voirscreven toebehoiren
met eenen muere nu tertyt afgesceyden ende gedeylt is vanden voirscreven
huyse tVleegelken geheeten, welke vercochte huys nu gelegen inde
Befferstrate, tusschen des voirscreven Lodewycx vander huys tVleegelken
geheeten voirscreven aen deen zyde, Ende thuys de Hynne geheeten
toebehoerende Peteren de Hamere aen dander zyde. A Domino Mechliniensis, Waranderende.
Op acht chysgulden twintich schellinge payments ende
derthien Rynsgulden elken van dien tot veertich grooten Vlaems
gelts gerekent, daer jaerlix vutgaende, met alsulker condicien
dat tegenwatere sommen ende vallende vanden groten, die tusschen
tvoirscreven vercochte huys ende des voirscreven Lodewycx ander huys voirscreven
Looge, Ende oic Roeke watere wivende van de Bekene vanden
selve vercochte huyse altyt synen loop by ganck hebben sal doer
den gote over des voirscreven Lodewycx plaetsse voirscreven achterwerts tot
inde Mylane, Ende dat de voirscreven muer byde voirscreven vercoeper
ende coeper ende haeren nacomelingen altyt ter geliken coste ende laste
in goeden reke ende wesen gehouden ende onderhouden sal worden
sonder noch eenich wederseggen
Assignavit III Rinsgulden deselven
de den XXVI denier
Ultima decembry