Blader door transcripties » Stadsarchief Mechelen

archieftoegang 2, inventarisnummer 952, pagina 41

Op ende aen desselfs Jans vanden Bloke huys metten hove gronde etcetera
gelegen inde Overstestrate, tusschen Jacops van Gravere erve, aen
deen zyde ende des voerscreven Jans vanden Bloke ander erve aen dander
zyde, Ende voirtaen op alle desselfs Jans vanden Bloke haeffelike ende
andere erffelike goeden metten gronde etcetera bynnen etcetera wesende ende gelegen
die hy nu tertyt heeft ende hier namaels oic hebben ende vercrigen sal
A Domino Mechliniensi, Waranderende etcetera.
XXIIa decembris
De selve
Vos, Stockman. Margriete van Schooten met Goessens Moens haeren man
heeft vercocht Janne Rabboots, Sesse scellingen ende neghen penningen groten
Brabants gelts erffelix chys Te heffene altyt tot Kersmisse dairaff
den jersten termyn van betalingen zyn sal van Kersmisse naestcomende, over
een jair dair naer volgende, Op ende aen der voerscreven Margrieten stuck
lants metten gronde etcetera houdende omtrent drie dachwant, gelegen tot
Hombeke inde Zipstrate tusschen Jans vander Nuwermoelen erve aen deen
zijde ende der weduen ende kynts erve van wylen Peteren Melys aen dander
zijde. A Domino Mechliniensi, Waranderende. Op een moeken Rogs daervoir vutgaende
met alsulker condicien, dat de voergenoemde Margriete sal moegen lossen
ende quiten, de voirgenoemde Sesse scellinge ende neghen penninge groten Brabants de
voirscreven chys, ten eynde vanden jersten acht toecomende jaeren ende niet een
ende alsdan altyt als haer dat gelieven sal ende elken scelling ende penningen
dairaff met veerthien geliker scellingen ende penningen eens met vollen
chyse dair voir te betalen
ut supra tempore simile
der ordinantie daerop
gemaect cours ende Jan
hebben, oft de weerde daer
voir in anderen goeden gelden
Peter Vrancx
Borch, Vos. Jacop van Hamme eenssone heeft vercocht Peeten Vrancx
goet gerechte die nu ter tyt meer dat hy hem
neghen gouden Andries gulden elken van dien tot veertich groten vlaems
gelts gerekent, erffelix chys, Te heffene altyt tot twee terminen, Te
wetene deen helft dairaf tot Sinte Jansmisse ende dander helft tot
Kersmisse, dairaff den jersten termyn van betalingen zyn sal, tSinte
Jansmisse naestcomende, Op ende aen des voerscreven Jacops vierendeel van Eenen
huyse metten hove gronde etcetera gelegen inde Beghinenstrate tusschen des
weduen ende kynderen erve van wylen Janne van Duffle, aen deen zyde ende
Meester Symoen vander Sluys erve aen dander zyde streckende achterweerts
met eenen vutgange tot opte Mylane, Ende voertaen, op alle desselfs
Jacops haeffelike ende ander erffelike goeden metten gronde etcetera bynnen etcetera wesende
ende gelegen, die hy nu ter tyt heeft ende hier namaels oic hebben ende
vercrigen sal. A Domino Mechliniensi, Waranderende. Op thien scellinge ende sesse penninge groten
Brabants gelts vuten voirscreven geheelen huyse metten hove jaerlix voir vutgaende
Assignavit den XVI
XXIII decembris
de wedue ende kynderen
van Oprode ende Jan
vanden Eynde
Lange, Vos, Stocman. Lysbeth van Ranssem wedue van wylen Henricken
van Oprode ende Jacop van Oprode haer soon, inden name van hem selven
ende oic inden name van jouffrou Kathelinenst:t; Lysbetten van Oprode
beghinen, ende van Kathelinen van Oprode syn zusteren, ende oic van Janne vanden
Eyken wettich soon van Janne vander Eyken, dien hy van wylen Barblen
van Oprode synen jersten wive, etcetera der voerscreven jouffrou Lysbetten ende
Kathelinen van Oprode zuster doen zy leefde vercregen heeft, die
hy in hem verving hebben openbairlic voir ons bekent dat zy
Verhuert hebben Janne vanden Eynde ende Kathelinen vander Bellen synen
wive, Ende de selve Jan ende Katheline zyn wyf, hebben oic voir ons
bekent dat zy tegen den voirgenoemde Lysbetten der weduen ende Jacoppen
van Oprode haeren soon inden name van als voir gehuert hebben
haerlieder huys oft herberge den Craen geheeten ae met allen synen
toebehoerten, alsoe dat opte Groote Marct van Mechelen gestaen ende
gelegen is, Ende alsoe de voirgenoemde Lysbeth de weduwe, dat gehouden ende
besetten heeft vutgenomen dat de selve Lysbeth de wedue dair inne hebben
ende behouden sal, Twee neercammeren ende eenen soldere, Te wetene de
nieuwe cammere staende aende vorste plaetse vanden voerscreven huyse metten
etcameren dair aen bezyden den ganck wesende, Ende den voldere
geheeten den Droegheldere, boven de groote etcamere liggende om
dair inne met haer maerten ende huyskande te bliven woenen, ende haer
vutganck inganck ende gebruyck tallen tyden als haer dat gelieven
ende goetduncken sal te hebben, Ende dat oic de voerscreven Jacop van Oprode
haer soon, zyn vutryden ende luyden, met synen peerde ende eene littere
voir tselve zyn paert alsulc als hem gelieven sal, altyt oic aldair hebben
ende behouden sal, het ende waer dat de voerscreven herberge, alsoe belast vanden
niet peerden, dat dat niet gevueghelic gesyn ende conste ende alsdan sal
de voerscreven Jacop tot synen vordoene hebben, een cleyn stalleken met eender
Litueren staende inden achtersten ganck vander voirscreven herbergen, om met
synen voirscreven peerden dair inne ende vut te Ryden gelyc voir welcke
Peert de voerscreven Jacop van Hoye ende haeren besorgen sal, Ende dair tot
sal hy oic aldaer plaetse hebben, die zy hem bewysen zelen, Ende dat
den tyt ende termyn van drie jaeren lange geduerende ende deen na dander
ter stont volgende, die inne gaen ende beghinen zelen tot Kersmisse
naestcomende, Ende van dan voirtaen zelen gedueren, zelenst:t; den selven
tyt ende termyn van drie jaeren, Ende vut zaken van deser hueringen
hebben de voirgenoemde Jan vanden Eynde ende Katheline zyn wyf gelooft
ende elc van hen besunder ende voer al, Te geven ende te betalen, der
voerscreven Lysbetten der weduen voir deen helft, Ende den voerscreven Jacoppen
haeren soon tot synen, ende tot den voerscreven jouffrou Lysbetten ende Kathelinen van
Oprode synen zusteren, ende des voerscreven Jans vander Eyken syns neven behoef
voir dander helft, oft den bringen van desen alle te den voerscreven tyt