Blader door transcripties » Stadsarchief Mechelen

archieftoegang 2, inventarisnummer 936, pagina 95

van Ysschot
Peter Annekens alias
Mol, Bossche. Jan ende Henrick vander Elst wylen Jans vander
Elst ende wettige kynderen, hebben vercocht Peteren Luyckens
diemen heet van Ysschot, Een stuc lants, houdende omtrent
een buender, metten gronde etcetera dat den voirscreven kynderen vander
Elst, byder doot vanden voirseyde wylen Janne vander Elst
haven vader verstorven is, gelegen tot Muysene op Muysene
Muysendervelt, tusschen dlant geheeten tSweert, toehoiren
den huyse van Pytsenborch bynnen Mechelen aen deen zyde
ende des voirscreven goidshuys van Muysen erve aen dander zyde
ende Jacop Vettekens erven, aen dander zyde. A Domino Mechliniensi, Waranderende.
op thien moeken rogge goede etcetera Mechelscher maten, daer
jaerlicx vutgaende
Assignavit XXXVI Peters
IIIIa may tempore simile
Willem Campioen
et uxor
Hamme, Berct, Anthonise van Heffene wylen Vrancx van Heffene
wettich soon, heeft vercocht Willem Campioen ende Lysbetten Hellemans
synder huysvrouwen, Twee stucken bosch stucxken bosch geheeten
Delstkens, alsoe metten gronde etcetera alsoe die metter Leybeken
tusschen vende, gelegen syn deen neven dander inde prochie
van Hevere, tusschen des voirgenoemde Willeme ende synder huysvrouwen
erve aende twee zyden, de Blocstrate aen de derde zyde
ende Jan Caluwaerts erve aende vierde zyde
A Beato Rumoldo, waeren, sonder eenigen last van chyse, oft van
eenigen anderen commer daer jaerlicx vutgaende
Assignavit XII Rinsgulden II stuvers
ut supra tempore simile
de momboiren van
Augustyn tSermarte
Hane, Beert. Augustyn tSermartens, Wouter tSermartens soon
heeft bekent openbairlic voir ons dat hem Jacop tSermartens
Jacop ende Anthonis de Moinck gebruederen ende wylen Jan vanden
Rode, syne momboiren goede ende rechtverdige Rekeninge ende
dueghdelijc bewys gedaen hebben van allen den haeffeliken
ende erffeliken goeden, buyten ende bynnen der stad ende verheyt
van Mechelen wesende ende gelegen, de den voirgenoemde Augustyn
byder doot van wylen Lysbetten vanden Wouwe synder moeder
in eeniger manieren verstorven ende gebleven moegen syn ende van
van dien
al tgene, dat sy daeraf ontfangen ende vuytgegeven hebben
Ende dairaf ende oic van alle der moeyten quellingen
sommen van penningen ende anderen dinghen, die de voirgenoemde Augustyn
den voirscreven synen momboiren vut zaken vanden voirscreven men
goede ende oic vanden Regimente dat sy daeraf gehadt
hebben, in eeniger manieren souden moegen doen oft heysschen
heeft de selve Augustyn tSermertens quytgesconden los van
ende ledich, den voirgenoemde Jacopen tSermartens tot sinen ende
der voirscreven gebruederen Monick ende wylen Jans vander Rode
behoef ende alle andere dies quitancie behoeven, geheelic
ende al
ut supra tempore simile
Augustyn van
Tyelt
Hane, Zoeten, Henrick vanden Voirde, heeft opgedragen tot
behoef van Augustine van Tyelt, Een huys metten hove plaetse
gronde etcetera gelegen opte Merct van Mechelen, tusschen der thuys
de Crane geheeten, toehoerende der weduen ende kynderen van wylen
Henricke van Oprode, aen deen zyde ende Lysbetten van Asbroeck
huyse aen dander zyde. A Domino Mechliniensi, Waranderende. Op neghen pond sesse scellinge
Loevene, daer jaerlicx vutgaende
afle ende
V may tempore simile
Heer Godevaerts
Vylain Ridder
Hamme, Ghoeten heer Godevaert de Heelt priester, heeft vercocht den
deelen ende voirsingen heere, heer Godevaert Vylain Ridder, haer tot
Zempse etcetera ende Vrouwen Lysbetten van Ymersele synder gesellinen
Een huys met eenen plaetsken ende oic metten gronde etcetera dat wylen
heer Janne vander Steven priester toe plach te horen, gelegen
achter den Convente vanden minderbruederen opte Mylane, tusschen
een huyse, dat wylen Henricke van Rogbroeck toe plach te
hoiren, dat nu den voirgenoemde heer Godevaert Vylain ende synder voirscreven
gesellinen toebehoirt, aen deen zyde ende Aerts van Beneden huys
aen dander zyde. A Domino Mechliniensi, Waranderen op drie chysgulden een eenen halven
drie scellinge drie penninge Loevene ende thien pond payments
daer jaerlicx vutgaende
ut supra tempore simile
syn wyf
Jan de Hooge ende
Bossche Berct, Jan vander Boert woende opte Tyeselt onder den
dede, des heeren van Grymbergen, heeft gelooft ongevrydt na
der divisen recht te geven ende te betalen, Janne de Hooghe ende
sinen hove tot horen huyse tot Mechelen
Lauretten Bake diemen heet Staes alle jare alsoe lange, als sy
ende de langhstlevende van hen beyden leven zelen, altyt opte
jersten dach van meye, tot twee termynen, te weten deen
helft daeraf opten yersten dach van van novembry ende dander
helft opten yersten dach van meye, alsulke twee gouden Peters
vander maer goede, te wetene zessendertich groten Vlaems
gelts voir elken der selver Peters gerekent jairliker lyfpensien
als de voirscreven Jan vander Voert, de opten yersten dach van
meye lestleden, den voirgenoemde Janne de Hoege ende synen wive
vercocht ende op zeker zine goeden opte Tyeselt gelegen
beset ende bepant heeft, gelyc daer scepenen brief vander tzesselt
daerop gemaect, dat clairlike inhoudt ende begrypt, sonder
eenich wederseggen
VI may tempore simile
Johanne vander
Hamme, Mol. Claes Beren, heeft vercocht Jehannen vander Loe wylen
Henricx dochter vander Loe ende Willeme van Lynt wyf, Twee huysen
oft cameren metten hove gronde, dat Wouteren Aerts toe plagh te hoiren
gelegen deen neven dander inde Zeelstrate tusschen Jan Colyns erve
aen deen zyde ende Ghysbrecht Crabbe erve aen dander zyde. A Domino Mechliniensi,
Waranderende op twintich scellinge Loevens ende zessendertich scellinge
paymente daer jaerlicx vuytgaende
Assignavit XXVIII Peters
VIa may tempore simile