Blader door transcripties » Stadsarchief Mechelen

archieftoegang 2, inventarisnummer 936, pagina 94

Willem Smet
Hamme bossche, Aert Cleynaert, tot behoef van Willem
Smet, Jan Smets soon heeft verreyct, Een huys metten hove
gelegen tot Gheerdegeem, tusschen
ende lande gronde etcetera dat Janne Machtilden toehoirde
Ex partu
XXIa tempore simile
Jan Smet
neghen gouden
Petere vander
mitten goede
te wetene XXXVI
groten Vlaems gelts
voir elken deen
selver Peters gereke
Jan de Lymakere heeft
Bossche, Berct. Jan Delssene, heeft bekent dat hy verhuert
heeft Janne Smet, wylen Henricx Smeets soon woenende
ter Boenheyden, Ende de selve Jan Smet, heeft oic bekent
dat hy tegen den voirscreven Jan Delssene geheert heeft, Eenen
bempt houdende omtrent vyf vierendeel, de selve Elssene
he toehoerende gelegen ter Verheyden, opte Vermere
den termyn van Sesse jaeren langh geduerende ende deen
na dander vervolgende, die nu ter tyt ingaen zelen
ende voirtaen sullen gedueren den selven termyne, Ende
vut zaken van deser hueringen, heeft de voirgenoemde Jan
Smet, gelooft ongevrydt na der divisen recht te geven
ende te betalen, den voirscreven Janne Delssenere, oft de voergenoemd van
desen, tot sinen huyse tot Mechelen, elcx jaer van dien
sesse jaeren, Altyt tot Kersmisse daeraf den leste termyn van
betalingen ingaen ende begynen sal, tot Kersmisse naestcomende
sonder eenich wederseggen deel in desen tusschen de
voirscreven partien ondersproken ende bevorweert, dat de
voirscreven Jan Smet, sculdich sal syn, den voirscreven bempt
de leste twee jaeren vanden voirscreven sesse jaere, te laten
tot Goesse groesen, sonder eenich wederseggen ende
dien deen wegen met veesten, sonder eenich wederseggen
III may tempore simile
Margriete ende Lysbeth
^
Slynmakere
Hamme, Mol. Jan de Lymakere heeft opgedragen tot behoef van Margriete
ende Lysbetten Lymakers synen zusteren vyf gouden Rynsgulden goeden
t te wetene XL groten Vlams voir elken Rynsgulden gerekent
erffelic chys, Te heffene die hy hadde op der voirscreven zusteren huys
metten hove gronde gelegen inde Hanswycstrate, tusschen de wedue
ende kynderen wylen Jans sHanen erve ende Jacop Luytens erve, Ende
op haerlieder huys metten hove gronde gelegen buyten de
Hanswycpoorte by Sinter Claes capelle tusschen een cleyn strate
aldaer ende Jan van Wyelenbeke erve. A Domino Willemo de Merode
Waranderende etcetera
ut supra tempore simile
Jan de Lymakere
Hamme, Mol, de voirscreven Margriete Slynmakers met eenen Janne vanden
Bossche haeren man ende de voirscreven Lysbeth haer zuster met eenen
momboir, heeft hebben opgedragen tot behoef vanden voirscreven Janne
haeren brueder, Een huys metten hove gronde gelegen
inde Hanswycstrate tusschen der weduen ende kynderen van wile
Janne sHanen erve aen deen zyde ende Jacop Luytens erve aen
dander zyde streckende achterweerts totter Delen toe. A Domino Willem
de Merode, Waranderende. Opten chys daer vutgaende
IIIa may tempore simile
Peter Gielevoort
Bossche, Berct, Henrick de Byn ende Margriete de Byn syn dochter
met Gheerde Ghoeten haeren man ende Barble de Byn haer zuster
voir hen selven, Ende oic Jan de Byn Jan van Waes, Jan de Byn
de voirscreven Henricx brueder Jan vanden Broeke Jan vanden Wuwere
ende Wouter vander Beke, als momboiren ende inden name van
Kathelinen ende Jehannen de Byn oic de voirscreven Henricx de van kynderen
onder haer jaeren wesen, die sy by consente nochten vander
selver Katheline aldaer tegewordich wesende in hen vervangen hebben
hebben bekent openbairlic voir ons dat hy gehadt ende ontfangen hebben
van Peteren Gielevoort, tzestich gouden Peters vander munten etcetera
goedere, te wetene achtien stuvers voir elken van dien getelt
alle voir de lossinghe ende quitinge van Sesse veertelen rogge goede ende
custbare Mechelscher maten jaerlicx ende erffelicx pachte, die
de voirgenoemde by Henrick de Byn als een tochtenere ende de voirscreven
Margriete Barble, Katheline ende Jehanne syne dochteren, als erfgename
hadden, Op twee stucken lants met allen have toebehoirten daer
af deen de Grote, Haesdonc ende dander de Cleyne Haesdonc, geheeten
syn den voirgenoemde Peteren Gielevoirt toebehoirende, gelegen inde
prochie van Rymenan, Ende van dien tzestich Peters ende oic
vanden voirscreven sesse veertelen rogs erfpachts, hebben de voirscreven
Henric de Byn, Margriete de Byn syn dochter met haeren voirscreven man
Barble de Byn haer zuster ende de voirscreven momboire inde name
vander voirscreven Kathelinen ende Jehanne de Byn der voirscreven Magriete
ende Barblen zusteren, Quytgesconden los van ende ledich, den voirscreven
Peteren Gielevoirt, syn voirscreven twee stucken lants ende alle ander
dier quitancie behoeven, geheelic ende al, Gelovende de selve
quytscildere ende sunderlinge de voirscreven Jan ende Jan de Byl ende
Jan van waer ongevrydt na der divisen recht, de selve quitancie
voir goet vast ende onverbrekelic ten eeuwigen dagen te
houdene ende daer tegen nemmermeer te doen oft te seggen
noch oic den voirscreven Peteren Gielevoirt zynen voir oft nacomelingen
meer
vanden voirscreven sesse veertelen rogge, yet te heysschen oft hem
oft syn voirscreven twee stucken lange quellen, in gheender manieren
daer om moeyen, oft
IIII may tempore simile
Jan Peters
Bossche, Zoeten. Jan vander Most heeft vercocht Janne Peters, Een stuck lants
al
cum tutore, houdende omtrent een half vierendeel gelegen te Hombeke, opten
Couter, tusschen Aerts vander Most erve aen deen zyde ende der weduen wylen
dat Gielis de Merode
Henricx van Bergen van Borger erve aen dander zyde. Augusto ende schen hove
Waranderende etcetera, opter scellinge payments dair vutgaende
Assignavit V Peters
VIIIa may