Blader door transcripties » Stadsarchief Mechelen

archieftoegang 2, inventarisnummer 936, pagina 96

Jan ende Katlyne van
Rykenrode
Ghoeten Berct, Jacop van Mechelen, als rentmeester ende inden name
vanden goidshuyse van Muysene, hebbende om tgene te doene, dat
hier naer bescreven staet vander procuren ende gemeynen convente
des voirscreven goidshuys volcomen macht, gelyc ve dat by eenen
procuracien daerop gemaect ende bezegelt met haerlieden zegelen
claerlic gebleken heeft, heeft om der meeste orboirs ende
prouffyts wille vanden voirscreven goidshuyse, Opgedragen ende
overgegeven tot behoef van Janne ende Katheline van
Rykenrode, wylen Peter kynderen van Rykenrode, Eenen hof
daerop tanderen tyde een huys heeft plagen te stane, de metten
de
gronde etcetera, die tanderen tyde wylen Peteren van Rykenrode
toe plach te hoiren, gelegen inde Derde Vleeschouwersstrate
tusschen Rommont van Puersse erve aen deen zyde ende
Jan Kerssavente erve aen dander zyde. A Domino Mechliniensi, Waranderende. Op alle
den last van chyse ende van anderen commer daer jaerlicx vutgaende
VIIIa may tempore simile
Jan de Haze
ende met
Henne, Berct, Henrick Mathys heeft vercocht Janne de Haze
andere
Een huys metten tween huyse daerachter staende ende oic metten
gronde etcetera dat Wouteren van Eycke, beckere ende sinen kynderen
toebehoirde gelegen in Onser Vrouwe strate opten hoeck
van eender cleynder strate geheeten, aldair tusschen
tusschen de selve cleyn strate aen deen zyde ende wylen Wouter
Costere erve, aen dander zyde, Ende een stuc hoflants houden
dat de voerscreven Wouter
omtrent een halff buender, metten gronde gelegen buyten
den toehoir
dAedegempoirte, aende byden Calverdale, tusschen
Lauwer Laureys erve aen deen zyde ende Rommont Lyedekens
erve, aen dander zyde, gelycke wye ende in alle der manieren
als de voirscreven Henrick Mathys, tvoirscreven huys met sinen
toebehoirten ende oic tvoirscreven stuc hoflants voir ombetaelde
scult, die de voirscreven Wouter van Eyke, Wouteren Vloeghe
sculdich ende tachter was ende die de selve Wouter Vloeghe
tanderen tyde den voirscreven Henricken Mathys, wettelic
getransporteert heeft vutgewonnen ende verreyct heeft
Domino Mechlinieni, Waranderende. Op alle den chys ende commer daer vutgaende
X may tempore simile
Meer Jan ende Henrick
vander Straten
Ghoeten Berct
heer Jan van Hulst, diemen heet vander Moelen goet
inden name vanden goidshuyse van Korssendonck, den
oudenen van Sinte Augustyn by Turnout gelegen, hebbende
om tgene te doene, dat hier naer bescreven staet volcomen
Proer
macht vanden porre ende gemeynen convente des voirgenoemde
goidshuys, gelyc ons dat claerlic verleke, by eender
procuracien daerop gemaect ende zy bezegelt metten gemeynen
zegel des voirscreven goidshuys, heeft om der meeste orboirs
ende prouffyts wille vande selve goidshuyse vercocht Meester
Janne vander Straten tot met behoef voir deen helft ende oic
tot behoef van Henricke vander Straten synen vader
voir dander helft, tvierendeel, dwelc de voirscreven goidshuys
hadde ende hem by wylen jouffrou Kathelinen Bogaert
beghinen, met haere testamente gemaect ende gelaten is
inde goeden metten gronde ende haere toebehoirten, hier
naer bescreven ierst in twee stucken bempt, houdende tsamen
omtrent seven vierendeel ende een halff gelegen deen
neven dander, tot Heffene besteynen Coebrugge tusschen
de Beke aldaer, aen deen zyde ende der eenen bempt een
stuc lants toehoirende den ambachte vander metsene bynnen
Mechelen aen dander zyde, Ende in sesse veertelen rogs
de
goede, Mechelsch maten erffelicx pacht de voirscreven
goidshuys hadde, Op zeven vierendeel lants metten gronde etcetera
die wylen Wouteren ende Henricken Machtilde gebruederen toe
plagen te hoiren ende die nu toehoiren, Janne Machtilden
den onder
diemen heet goeyheers, gelegen tot Muysene opte Werfheyde
tusschen tHeylichs Geests van Sinte Rommonds ende een stuc lants toehoerende Janne Metten
Item op omtrent een vierendeel lants metten gronde, dat
oic de voirscreven gebrueder Machtilde toehoirde ende nu toebehoirt
den voergenoemde Janne Goeyheers, gelegen aldaer tusschen Rommonds van
Baerdegeem ende tcloester van Muysene lant, Ende op omtrent een
buender lants metten gronde, dat oic den selve gebruederen
Machtildere toe plach te hoiren ende dat nu oic toehoirt
den voirgenoemde Janne Goeyheers, gelegen in Gheerdeghemerbroeck
tusschen Gheerds vander Mere lant ende der Ziekerlieden lant aen dander zyde
A Domino Mechliniensi, Waranderende. Op die oic de op Sesse veertele Rogs vuten
voirscreven geheelen twee stucken beempts jaerlicx vutgaende
hen vander Strate
polit conte
et ut filia in fine
laten selen
positus
VII may tempore simile
Willem vander
Heyden
gezusteren Schuerwege
Mol, Ghoeten, Marie Schuerwegge met Henricken Eynaert haeren
man, Lysbeth Schuerwegge haer zuster met Henricken Lodewycx
oic der voirscreven Marie ende Lysbetten
haeren man, Ende Gheertruydt Schuerwegge haerlieder zuster
met eenen momboir, hebben vercocht Willeme vander Heyden tvierendeel
ende alle recht de helft van eenen vierendeele ende alle trecht dat
zy hadden in een stuck bempts houdende int geheele zesse honden
gelegen te Heffene ende Boelst tusschen des voirscreven Willeme erve
aen deen zyde ende den Dyck aldaer aen dander zyde, Ende de helft
van eenen vierendeele ende allet recht dat zy hadden in een
stucxken bempts houdende int geheele omtrent een vierendeel
gelegen aldaer tusschen Henric Eynaerts erve aen deen zyde
ende Jacop Eynaerts erve aen dander zyde, die van
voirscreven twee stucke opte
welke helft vanden voirscreven vierendeele den voirscreven kynderen
byder doot van wylen Janne ende Laureysen Schuerwegge
jaeren bruederen toecomen ende verstorven ende als Egidie Vrancx
Waranderende. Opte weerde van drie ende eenen halven ten lants
voirscreven helft vanden voirscreven vierendeel der
Brabants gelts vuter selver goeden jaerlicx gaende
XIIIa may tempore simile