Blader door transcripties » Stadsarchief Mechelen

archieftoegang 2, inventarisnummer 936, pagina 93

Anthonis sCrevels
Renten van Sarens
Hamme, Bossche, Jan ende Marten van Stantvoirt, wylen Gielis
van Stantvoirt kynderen, Ende Katheline van Stantvoirt haerlieden
Ende Aert de Weerde, wylen Jans weerden soon, Symoen de weerde
zuster met Janne vander Beke haren man, voir hen selven
wylen Henricx de Weerde soon ende Lysbeth de Weerde, wylen
Peters weerden dochter met Henricken Couckelbosch haere
man ende Aert de Weerde, oic des voirscreven wylen Peters voir
oic voir hen selven ende Margriete Bocx met Marcken de
Grove haeren man inden name van hen selve ende deselve
Marck inden name van Janne de Bock, der selver Magriete
brueder, absent wesende, die hy in hem vervingh als gerechte
erfgenamen van svaders weghen van wylen Barblen
de weerde, Anthonis sCrevels wyf, hebben quytgesconden
den selve Anthonis Screvels weduere vander voirscreven
wylen Barblen de weerde van allen den haeffeliken
goeden, die den voirscreven erfgename van haeren voirscreven zyden
verstorven in eenige manieren versterven syn byder
doot vander voirscreven wylen Barblen de Weerde haer
nichten, in eeniger manieren verstorven moegen syn
de stad van Mechelen
by bywesene ende consente van XXVIIa aprilis tempore simile
Aerde van Diest proviseur vanden gasthuyse vanden heet
Item Loyc van sWinnegheem heeft vercocht Lodewyc van Drie
Gulden
Heyst, als rentmeester ende tot behoef vander stad van
Mechelen, Een plaetse metten gronde etcetera gelegen inden
Stompaertshoeck, tusschen de selve Stompaerts hoeck aen
deen zyde, de vesten van Mechelen aen dander zyde
ende wylen Peters ende Rommont Booms erve, aende derde zyde
A Domino Mechliniensis, Warende sonder eenigen last van chyse, daer jaerlicx
vutgaende
ut supra
Henric
Claes de Becker, et uxore
Hamme, Mol. Aelbrecht van Hastel, heeft vercocht Henricken
de Beckere, Claes wettich soon van Claes de Becker, tot sinen
ende verronen van Rotselaers syns wyfs behoef, Een huys
wyfende
metten hove gronde, dat tanderen tyden heer Janne de Haze
priester, toe plach te hoiren, gelegen inde Jeudenstrate
opten Hornick van eenen cleynen straetken aldaer, tusschen
tselve cleyn straetken, aen deen zyde ende wylen Pauwels
Calen erve, aen dat nu synen kynderen toebehoirt, aen
dander zyde, streckende achterweerts, totten water toe
A convente de Lelyendale in curte, waer op vier scellinge
ende eenen helling Loevens, vier capuynen vier gulden
ende eenen halven ende acht pond payments vuten
voirscreven huyse metten hove jaerlicx vutgaende
Assignavit LXXV Rinsgulden
XX aprilis tempore simile
Cornelis Janssone
Item. De voirgenoemde Henrick de Beckere, debet den Aelbrecht, tot behoef
van Cornelis Janssone, poirte van Antwerpen viventnegentich
gouden Rynsgulden goedere, te wetene veertich groten Vlaems
gelts voir elken der selver Rynsgulden gerekent Te
betalene tot Sinte Sinte Jansmisse naestcomende, Ende daer
voir heeft hy verbonden ende te pande geset, alle met
haeffelike ende erffelike goeden waer die bevonden zelen
worden ende oic syne erffelike goeden, bynnen gelegen
die hy nu heeft ende namaels hebben ende vercrigen sal ende
sunderlinge, syn voirgenoemde huys, metten hove inde Reudenstrate
gelegen
XXIX aprilis tempore simile
Jan Kerstiaenen
Hamme, Mol. Peter de Coninck ende France Brysinck, woenende tot
Reeth, hebben gelooft ende elc van hen besunder ende voir al
ongevrydt na der divisen recht Te geven ende te betalen
Janne Kerstiaens den jongen, oft den voerscreven des brief
elf pond grote Brabants gelts, tot Bamisse nu naestcomende
sonder eenich wederseggen
ut supra tempore simile
Peter van Bruessel
et erve uxor
Item Matheeus There, heeft vercocht Peteren van Bruessel ende
Lysbetten van Couwendale synen wive, de helft van eenen metten
cleynen bogaerde, met eenen voir daer bynnen staende, dat
gronde
de dairaff dander helft de voirscreven Matheus toebehoirt
den welken gedeylt is, met eenen thuyne van eenen anderen
hove, die wylen Willem van Beveren toe plach te hoiren ende
die nu Joes Vrancx toehoirt gelegen buyten de Wiete
opte Dele byde Bleykene, tusschen des voirscreven Joes hof
aen deen zyde ende de strate aldaer aen dander zyde, in
alle der vuegen ende manieren, alsoe de voirscreven Matheeus
de voirscreven cleynen Bogaert metsene toebehoirten, tanderen
tyden tegen den voirscreven wylen Willem van Beveren, gecocht
ende gecregen he. A Domino Mechliniensi, Waranderende. Opte helft van sesse
chysgulden daer jaerlicx vutgaende
Assignavit II cronen
ut supra tempore simile
Marten vanden
Halle
Hanne Bossche, Marten vanden Hulst heeft verreyct een huys oft woeninge
metten hove gronde, dat Willem Trabukier toehoirde gelegen inde Nieuwen Bruel
opten hoeck vander yerst Vleeschouwersstrate tusschen de selve strate aen deen
zyde, toe ende derve dat Janne Adelen toehoirde ende dat nu Anthonis Godevant
diemen heet inde Creeft kynderen toehoirt, aen dander zyde streckende achterweert
met anderen huysen over den vlyet aldaer, tot inde voirscreven yerste
Vleeschouwersstrate ende tot inde Tweede Vleeschouwersstrate, Ende
alle dander de voirscreven Willems erffelike goeden metten gronde, die
hy nu heeft ende namaels hebben een vercrigen sal, Ex een
XXIX aprilis
de kynderen stalen
Hamme, Dyest, Henric de Cale, tot behoef van Janne Gielisen ende
Willemen de Cale, wylen Pauwels Cale kynderen, heeft verreyct
Een huyse metten gronde, dat wylen Peteren van Rykenrode toehoirde
gelegen achter tvleeschuyse van Mechelen opten hoeck vander tweede
Vleeschouwersstrate tusschen de selve strate aen deen zyde ende Peters
vander Rivieren hoeve aen dander zyde. Ex censu
XIX aprilis