Blader door transcripties » Stadsarchief Mechelen

archieftoegang 2, inventarisnummer 936, pagina 92

Jan Daneele ende syn
wyf
te plaetsen ende met
twee anderen huyse
daer achter staende
ende oic met eender
poirten ende gaen
daerneven staende ende
oic metten gronde etcetera
Hamme, Mol. Jacop momboir ende Jan Yueten, als executeurs
vander precutien vanden testamente ende vorsten wille van
ende inden name van wylen Beatris, wylen Gielis Vincke
leste wyf doen sy leefde hebben om des meesten orboire ende
prouffyts wille vanden voirscreven execucien vercocht Janne
Daneele scepman ende Lysbetten Thys men wive, Een huys metten ofte
plaetsen gronde dat den voirgenoemde wylen Gielis Vincke
toe plach te horen, gelegen opten Toeswerf tusschen Jan
Hannemans erve, aen deen zyde ende Jan Waghen, diemen
heet Corthals erve aen dander zyde. A Domino Mechliniensi, Waranderende oic opte
weerde van twee derthien scellinge, zesse penninge groten Brabants
gelts, dair vutgaende
Assignavit XL Rinsgulden
XX aprilis tempore simile
Marie van Baesrode
ende Jeronimus van Bressere
Hamme, Mol, Jan Vaerlaet tot behoef van Marien van Baesrode
synen wive ende van Jeronimus van Baesrode, der selver Marien
brueder heeft verreyct, alle alsulke erffelike goeden metten
gronde als wylen Kathelinen van Merseke, Rommonde van
Baesrode wive ende toe plagen te hoirende, binnen der stad
ende vryheit van Mechelen wesende ende gelegen mids
ombetaelde scult, de welke de selve wylen Katheline, den
voirscreven kynderen wettelic sculdich was
II aprilis tempore simile
de weduwe van wylen
Denys Lambeerts
Aa, Mol. Jouffrou te Loyse, Lambeerts met Janne Hannaerts hueren
man Florentine ende Jacomyne Lambeerts huere zustere, alle den
Lambeerts kinderen, hebben quytgeschouwen los vry ende ledich, jouffrou Margriete
huerer moeder en
Adelien, wedue des voirscreven wylen Denys van allen den haeffeliken goeden, die
hen byder doot vanden selven wylen Denys Lambeert hueren vader, die
man was vanden voirgenoemde jouffrou Magrieten, doen hy leefde eeniger
manieren verstorven mogen syn
XXIIa aprilis
Joes Vrancx
Ahanne, Aerd Cleynaerts tot behoef van Roese Vrancx
heeft verreyct vyf ende eenen halven Rynsgulden erffeliker
Renten, die wylen Claes de Wechtere hadde opte stad van Mechelen
Item Sesse chysgulden erffelic chys, die den Willem Claes tot
plagen te horen, op een huys metten hove toebehoerende
Pauwels van Turnout gelegen inden Vettersham tusschen Jans
vander Heyden erve ende te des voirscreven wylen Claes erve. Item de
helft van twee huysen metten plaetsen gronde etcetera die den
selven Willem Claes toe plach te hoeren gelegen inde Drapstrate
tusschen jouffrou Barblen van Hofstaden erve ende Peter vanden
Houwe erve. Item een huys metten hove dat den voirscreven wile
Clase toe plach te hoiren gelegen inden voirscreven Jans tusschen
Anthonis Caluwaerts erve ende Willem Aert Abois erve
streckende achterweerts totten water toe, om de helft
van eenen stuc bempt die de selven Willem Clase toe plach
te hoiren houdende int geheele omtrent een half buender
gelegen te Muysene tusschen Peter Robbrechts erve ende Henricx
vanden Broeke erve streckende achterweert tot aen eenen
Bont toebehoirende Margrieten Robbrechts, den voirscreven Peter
zuster, Ende twee capuynen erffelic chys, die de voirscreven
Item
Wylen Claes hadde op dander helft vanden voirscreven stuck
bemps, Ende voirtaen alle dander des voirscreven wille
wylen Claes erffelike goeden, die hy hadde ende namaels
soude hebben mogen vercrigen binnen der stad ende vryheit
van Mechelen gelegen. Ex censu
XXII aprilis
Mol, Berct
Meester Peter Ymbrechts
Lysbeth vanden Eynde, met
haeren man
Rommond Ymbrechts heeft opgedragen tot behoef van meester
dairlieder in behoef van synde scollen
Peteren Ymbrechts synen sone, vyf scellinge oude grote Turnoyse
der munten erffeliker renten die hy hadde op stad van Mechelen
verschinen jaerlicx ten terminen ende brieven daer op gemaect
begrepen ende bezegelt met groten zegel vander voirscreven stad, tussene
cract
ac vole, ut in forma, Ende hier inne heeft Gielis Vrancx
Anthonis Boom, een der rentmeester vanden voirscreven stad behoudelic
der selver stad daer inne haeren rechte syn consent gegeven
XXIIII aprilis tempore simile
Adriaen de Pottere
et uxor
Mol, Heelt. Rommond ende Margriete Martens Willem Lansloots kinderen
van
hebben by consente ende bywesene van Rommond Quistwater ende Gielisen
van Luypegem haeren naesten magen ende vrienden, hebben quytgeschonden
los vry ende ledich, Adrianen de Pottere, tot synen ende Kathelinen van
Luypegen de syns wyf ende der voirscreven kynderen moeder behoef van allen
de haeffeliken goeden die henlieden byder doot vanden voirscreven Willem
Lansloot haeren vader ende die yerste man was doen hy leefde
vanden voirscreven Kathelinen huer moeder, in eeniger manieren verstorven
mogen synen
ut supra tempore simile
Margriete Noetene
Item. De voirscreven Rommond Noetens heeft gewilt ende openbaerlic
hy
met hem
voir ons geconsenteert dat de voirscreven Margriete syn zuster gelde
evengelyc hebben ende in geliken deele ende wortien hebben houden en deylen sal
hoir ende alle alsulke erffeliken
waer die wy ende buyten der vryheyt van Mechelen gelegen syn
goeden als hem byder doot vanden voirscreven wylen Lansloote, soe van
hem
beyder vader verstorven syn ende al hen byder doot vander voirscreven Katheline
haerlieder moeder in eeniger manieren zelen mogen toecomen ende
verstorven waer die goeden binnen oft vuytender stad ende
vryhoir van Mechelen gelegen syn bevonden zelen worden
den rechten der stad daer naer oic onseert oft
die tegenstaende, eenen wederseghe van yemande, et ut