Blader door transcripties » Stadsarchief Mechelen

archieftoegang 2, inventarisnummer 936, pagina 91

Kerstiaen de Roeme
Aa, Mol. Wouter vander Beke van svaders wegen, Kerstiaen ende
Willem vander Hoeven gebruederen vander moeder wegen, als momber
ende inden name van Gorisen ende Janne vander Beke wylen Jans kynderen
infra annoic, Ende hebben by consente van Renne de Heelt, Rommont
geester vander stad bekent dat hen Kerstiaen de Roevere goede
Rekeninge ende bewys gedaen heeft alle alle alsulken Regimente
ende bewinde als hy gehadt mach hebben van alle der voirscreven kynderen
goeden waer die gelegen syn ende henlieden byder doot van hueren
ouden niet eeniger manieren toecomen ende verstorven syn, Ende hebben
daer af de selve momboren inden name als boven quytgeschonden
los vry ende ledich den voirscreven Kerstiaenen de Roevere ende alle
andere dies quitancie behoeven geheelic ende al
XVI novembry tempore simile
de wedue van wylen
Jan Coekemanen
Molborch. Jan vander Plast Willem Gielis sone ende Beatris vanden
Plast syn zuster voir hoir selven ende oic inden name van Katheline
ende Jehannen vander Plast haeren zusteren, absent wesende die
sy met hen vervingen, hebben quytgeschonden los vry ende ledich
Magriete Janne vander Heyden ende Janne Maer tot behoef van
Margrieten vander Plast weduwe wylen Jan Coekemans van
alle alsulken haeffeliken goeden als henlieden byder doot van
van Janne Roesen ende Bauwels Coekemans
vanden voirscreven willem Janne Coet ende oic voir een van
des voirscreven wylen Jan Coekemans kynderen haeren neven ende
nichten doen zy leefden in eenige manieren verstorven mogen syn
ut supra tempore simile
de kynderen momboiren
vanden kynderen Cloeten
Jan Berct, Machiel, Aerdt ende Vrancke Cloets wettige kynderen wile
Jan Cloets gebruedere, Ende hebben bekent dat heer Jan Mol, Jan
stavaert doude ende Willem Puttaert ende wilen Jan Staen
huer momboiren, henlieden dueghdelike rekeninge ende bewysen
gedaen hebben van allen den haeffeliken ende erffeliken goeden
die henlieden byder doot vanden voirscreven wylen Jan Cloets ende van
wylen Margrieten Stappaerts haeren onderen in eeniger manieren toe
comen ende verstorven syn waer die binnen oft vuyten der stad
ende vryheit van Mechelen gelegen, Ende oic vanden penningen
daer af gecomen, Ende daeraf ende oic van alle der moeyenissen
quellingen sommen van penningen ende anderen dingen die zy van
henlieden vut saken vanden voirscreven goeden oft anderssins
eeniger manieren souden mogen doen oft heysschen hebben de voirscreven
kynderen quytgeschonden los vry ende ledich den voirscreven Jan Mol
Janne Stappaert ende Willem Puttaert tot haeren ende des voirscreven
welke van Staes huere medemomboirs behoef ende alle andere
daer quitancie behoeven geheelic ende al
Ut supra tempore simile
Jan Woutere
Crysene
Katlyne
Hamme berct, zuster vrouwe Katheline Vastri, vrouwe ende inden name
vanden goidshuyse van Vesendale, by Willem gelegen, et porcie
heeft terve gegeven Janne Wouters, Een stuck lants daer op tanderen
tyden een schuere heeft plagen te stane ende metten gronde houdende
tot Oudegheem
omtrent een half buender gelegen touwegen tusschen Peter
Schuercapruyne erve aen deen zyde ende Wouters Ruelens erve
aen dander zyde. A Johannes tSulle. Te besittene op eenen erffeliker
chys van sesthien scellinge ende zesse penninge grote Brabants
gelte, Te heffene altyt tot Sint Jansmisse daer af den yersten
termyn van betalingen syn sal tot Sint Jansmisse naestcomende
Ende opte voirchys van Sesse scellinge Lovens daer vutgaende
Ende om der meerder zekerheit den voirscreven goidshuyse vander
chys
betalingen des voirscreven het te doene, soe heeft de voirscreven Jan Wouters
daer voir verbonden ende te pande geset alle syne erffelike
metten gronde etcetera bynnen gelegen
goeden, die hy nu heeft ende namaels hebben ende vercrigen sal
X apruary tempore simile
van dien
Vlaems voir elke
Henrick Huyghe
Bossche, Branct. Merten van Haeght metten sone van Haeght, heeft bekent
dat hy gehadt ende ontfangen heeft van Henricken Huyghs de
veertich groten
somme van vyftich gouden Rynsgulden goeden de Wille hij hen
vut saken vanden coepe van eenen huyse met Sinte Kathelinenstrate
gelelegen, sculdich ende tachter was, Ende daer af heeft de selve
Merten de sone, den selven Henricken quytgeschonden los vry
ende ledich ende alle andere dies quitancie behoeven geheelic ende al
ut supra tempore simile
Willem de Gorttere
Bossche, Heert. Rommond vanden Hove heeft vercocht Willem
de Gorttere, vier gouden Rynsgulden goeden te wetene
veertich groten Vlaems gelts voir elken der selver Rynsgulden
gerekent erffelicx chys Te heffene altyt tot twee terminen, Te
wetene deen helft dairaf tot Sint Jansmisse ende dander helft
tot Kersmisse, daeraf den yersten termyn van betalingen syn sal, tot Sinte
Jansmisse naestcomende, op des voirgenoemde Rommond huys metten plaetsen
hove ende zelve anderen huysen daer achter staende ende oic
metten gronde etcetera gelegen opten Torwerf, tusschen opten
hoeck vanden Coenincxstraten, tusschen de selve Conincstrate
aen deen zyde ende Jan Quisthouts erve, aen dander zyde
op Seven chysgulden ende thien pond paymente daer
jaerlicx voir vutgaende, Ende op alle dander des voirgenoemde
Rommond ander erffelike ende onberuelke goeden metten
gronde etcetera binnen etcetera gelegen, die hy nu heeft ende namaels
hebben ende vercrigen, A Domino Mechliniensi, Waranderende.
ut supra