Blader door transcripties » Stadsarchief Mechelen

archieftoegang 2, inventarisnummer 936, pagina 82

zy becker
zy in hen vervingen, hebben vercocht in manieren van
wisselingen voir ander erven inde prochie van Bornhem
gelegen, opgedragen ende overgegeven, der voirscreven Lysbetten
Rogmans der weduen ende der voirnoemde huys metten
hove etcetera, ab eodem Magri Egidio de Muysene, Waranderende etcetera
XXI marty tempore simile
De selve A
Item de voirscreven persoenen boven genoemde, hebben quyt
gestonden los vry ende ledich, de voirscreven Lysbetten
daer weduen, van allen den haeffelike goeden, die hen
byder doot vanden voirscreven wylen Luycken mede haeren
brueder ende oem de voirscreven kynderen Yelens in eeniger
manieren, verstorven mogen syn, geheelic ende al
ut supra
Marten vander Hulst
et erve van
Hanne Bossche, Meester Jan de Leeuw docteur van Loyen, heeft
vercocht Mertene vander Hulst ende Lysbetten van Ghendeele
synen wive Een huys metten hove gronde etcetera gelegen
achter tconvent vanden minderbruederen inde Mossestrate
tusschen Willem Janne Berssele erve ende Willem Hacx
erve. A Beato Rumoldo, Waranderende. Opte weerde van tween
twintich stuvers dair vutgaende
ut supra
Assignavit
Hanne Bossche Jan van Ysschot
Sinte Barbel Capelle
Hamme, Bossche, Jan de Borgere, Willem Jans Borgere syne heeft vercocht Janne
vander Nuwermolen tot behoef van Sinte Barblen capelle staende
inden Nyeuwen Bruel, Een stuck bempts metten gronde, houdende
omtrent drie vierendeel, gelegen te Heffene aent Gheelenborch
Ghelenbroeck tusschen des voirscreven Jans sBorgers erve ende tselve
Gheelenbroeck, aen dander zyde. A Domino Mechliniensi, Waranderende. Sonder eenigen last
van chyse oft commer daer vutgaende
XXI marty
Jacop Loot
Hamme Ghoeten Jan vanden Venne, brueder van Mechelen Jan vanden
Willems diemen heet
Venne syn sone woren tot Wale ende Adriaen de Mayere, boven
tot Duffle, hebben gelooft ende elc van hen besunder ende voir al
sunderlinge de voirscreven van Wael ende van Duffle, ongevrydt
na der divisen recht dat sy Jacopen Loot altyt scadeloos quyt
houden ende ontlasten zelen, van alsulken tweenveertich gouden
Peters vander munte goede etcetera, te wetene XXXVI groten Vlaems
gelts voir elken van dien gerekent ende van vier stuvers als
de voirscreven Jacop opten dach van heden, voir den voirscreven Janne
vanden Venne brueder ende tot synder beden gelooft heeft te betalen
Janne Keyt van Bruessel, tot twee terminen, te weten deen
helft daeraf tot beloken Paesschen ende tot beloken spen, beyden
naestcomende, sonder eenich wederseggen, Ende om die gelooften
alsoe tonderhouden ende om der meerder zekerheyt wille daeraf
te doene, den voirscreven Jacopen Loot heeft de voirscreven Jan vander
van Venne brueder, den deselve Jacoppen, daervoir verbonden
ende te pande geset, alle sine haeffelike goeden waer die
bevonden zelen worden, pe provisit alzoe
X marcy tempore simile
Gielis Helleman
Item Gielis Helleman, heeft opgedragen syn tocht, die hy hadde
inde helft van eenen huyse metten hove gronde etcetera gelegen
opte Volderspracht, tusschen vonden de Cleer erve aen deen
wilen Jorys van Berbele
zyde ende Goes vander Cappe erve aen dander zyde. A Domino Mechliniensi, Juravit
et tot behoef van Godevaert van Haeght, wylen Wouter
van Haeght ende wylen Lysbetten vande Verwyere synen
wyf, wettich soon, welke wylen Lysbeth was de voirscreven
Opte
Gielis Hellemans leste wyf, dier yerst inne gegoet waer
Ende daerna, heeft de selve Godevaert vercocht de voirscreven
Gielisen, te de voirgenoemde helft vanden voirscreven huyse, metten
hove, daeraf dander helft, den selven Gielisen toehoirt, Waranderende etcetera
Assignavit IIII Rinsgulden
ut supra tempore simile
Henrick van Eyndove
als deertsteldere
Aa, Heere, Margriete Wandelaerts weduwe wylen Godevaert Meynaerts
cum tutore heeft opgedragen haer tocht die zy hadde in eenen wyngaert
Berch met lande daer aen liggende ende met eenen huyse daer op staen
gelegen by Hoebergen, tusschen eenen wech oft voirgane, toebehoirende
Vrouwen Margrieten van haer aen deen zyde ende der infirmarien
vander crancken beghinen bynnen den beghynhove aen dander zyde
A Domino Mechliniensi ende tot behoef van Lembrechten, Jolmen, Janne ende