Blader door transcripties » Stadsarchief Mechelen

archieftoegang 2, inventarisnummer 936, pagina 81

oic
opt ende daertoe alle
alsulke lyfpensien
alsmen den voirscreven
kynderen met zeker
anderen haeffelike
goeden oic coepe
sal
lyfpensien opte selve stad hy hebbene jaerlicx
gulden ende betalen sal coepen sal, tot alsulken
liven, vanden voirscreven vier kynderen ende op alsulke
plaetsen ende steden, als dat den voirscreven momboiren
gelieven sal. Behoudelic dien dat de voirscreven Peter
Merssoele, de voirscreven twee pond ouder groten lyfpensien
sal moegen lossen ende quyten, tallen tyden alle hem
dat gelieven sal ende elken penning daeraf met
thien gelycker penningen ende met vollen chyse
Ende daer toe heeft de voirscreven Peter oic gelooft
dat hy de voirscreven syne kynderen, met hem bynnen
synen huyse, houden sal ende hen eten drancken
cleederen schoene ende al tgene dat sy
haren leven noot syn sal, tamelic te geven, oft ende
hen ter schoelen, oft tot eenige ambachte, by Raid
wille ende consente der voirscreven kynderen momboirs
te vuegen ende te stellen, sonder mindernisse
vanden voirscreven twee pond ouder grooten, tot die
tyt toe, dat de voirscreven kynderen, oft eenich van dien
tot haeren jare van discrecien gecomen zelen syn
Ende soe lange, sal oic de voirscreven Peter gebruyken ende
heffen, de voirscreven twee pond ouder groten die hy gelyc
ten live vanden voirscreven synen kynderen, coepen sal
alsoe dat voir bescreven staet, Ende om die
gelooften tonderhouden ende om der meerder
zekerheyt wille, den voirscreven kynderen daeraf te doene
soe heeft de voirscreven Peter ende oic met hem
Rommond Vleming ende Jan Boom, de voirscreven
momboiren, tot voirscreven kynderen behoef daervoir
verbonden, alle haere haeffelike goeden, die sy
nu hebben ende namaels hebben ende vercrigen zelen
Ende de voirscreven Peter, heeft den selve Rommonde
ende Janne Boem daeraf gelooft scadeloos quyt te
houden ende tontlasten
XVIII marcy tempore simile
Peter Merssoel
Hane, Berct, Jan Mersoel Peter Mersoele, wettich
soon heeft by bywesen wetene ende wille vanden voirscreven
synen momboiren, Quytgesconden los vry ende ledich, den
voirgenoemde Peteren synen vader van allen den haeffeliken
goeden, die den voirnoemde Janne Merssoel, byder doot vanden
voirscreven wylen Pasque Weelmans synder moeder, die
des voirscreven Peters syns vaders wyf was doen sy leefde
in eeniger manieren verstorven moegen syn, Ende oic van
alle den legaten, dat de selve Janne Moel, byder
militen testamente
voirscreven Pasquynen synder moeder oic gemaect ende
gelaten syn
ut supra tempore simile
de momboiren van
Janne Merssoel
Hamme berct, de voirgenoemde Jan Merssoele, heeft bekent
openbair dat hem de voirgenoemde Meester Hubrecht, Meester Rogier
ende Jan Robbe ende Jacop de Beckere syne momboiren, goeden
Rekeninge ende bewys gedaen hebben van alle den haeffelike
goeden, die hem byder doot vander voirscreven synder moeder
van haeren testamente
verstorven syn, Ende daeraf ende van alle der moeyten
ende quellingen, die hy den voirscreven syne momboiren, dair vut
zaken vanden voirscreven goeden ende vanden Regimente der selver
in eeniger manieren soude moegen doen heeft de voirscreven Jan
Merssoel, Quytgesconden los vry ende ledich, den voirscreven
synen momboire ende alle andere dies quitancie behoeven
geheelic ende al
XII marty tempore simile
Gielis Vrancx
Hamme, Ghoeten, Margriete wylen Jan Beyaerts dochter
met Ymbrecht de Visschere, haeren wettigen man, heeft opgedragen
ende overgegeven tot behoef van Gielis Vrancx, twee huysen
metten hove gronde etcetera die den voirscreven wylen Janne Beyaert
toe plagen te hoiren, gelegen deen neven dandere inde strate
vanden Berghe, tot by cant, tegen de capelle vanden goidshuyse
vanden carmeliten over, tusschen wylen Jan vanden
Tuys erve dat nu Henricken vliet toehoirt, aen deen zyde
ende Wouter Tucbacx erve aen dander zyde. A Domino Mechliniensi, Waranderende.
opte weerde van vyfthien scellinge groten Brabants gelts, daer
jaerlicx vutgaende
XX marty
wylen Luycx de Smet
de wedue van
Janne Bosschen Lysbet Rogmans, wedue wylen Luycx de Smede ende
hadde
tach, heeft opgedragen haer tocht die zy heeft in een huys metten
hove gronde etcetera gelegen opten Volderspricht, tusschen wylen
Jans vanden Steene erve aen deen zyde ende des Heylichs Geests
erve van Sinte Peters aen dander zyde. A Magriete Ende de
Muysene, Jura etcetera ad opus van Ghysbrechten de Sand, Kathen
ende Lysbetten Smeets ende oic tot behouff van Janne ende Kate
Yeven kynderen wylen Peters, de voirscreven Ghysbrecht, Katheline
ende Lysbet Moeds, tot haeren behouff ende tot be ende oic tot
daer desselfs Jans ende Katheline Yemans behouff, warden
daerinne gheerft, dair naer, de selve Ghysbrecht
Smede, Katheline Smeets syn suster met Diericken de
Neve haeren man ende Lysbet Smets oic suster desselfs Ghysbrecht
ende Kathelinen, met eenen momboir voir hem selven, Ende
Jan Neven oem ende Thomaes de Neve, als momboirs dair
toegestelt byden gerechten van Bornhem ende van Sinte
Marien Baesrode ende inden name vanden voirscreven Janne ende
Kathelinen Zeven, onder haer jaren wesende et pre, die
e