Blader door transcripties » Stadsarchief Mechelen

archieftoegang 2, inventarisnummer 936, pagina 83

Margrieten Meynaerts haeren kynderen dier inne gegoede waer ende
daer naer hebben de Lembrecht Joly ende Jan Meynaert ende de
voireven Margriete Meynaerts haer zuster met Janne Brant haere
man vercocht Henricken van Eydoven alias Ertstekere, tot synen ende
Kathelinen van Eykenerde synen wyfs behoef den voirscreven Wyngaerberct
met syne voirgenoemde toebehoirten, Waranderende. Op twee annen Roets wive
twee chysgulden twaelf oude groten Turnoyse, twaelf hoven ende
eenen Ryder daer vutgaende
Assignavit XXXI Croone
XXIIa marty
de kynderen van Symon
van Laken, et uxore
Aa Bossche
Soete. Symoen van Lake van Neefs ende Digne vander Voort
syn wyf hebben gewilt ende openbaerlic voir ons geordineert
dat alle haer wettige kynderen die zy nu deen vanden anderen
vercregen hebben ende namaels zelen mogen tsamen vercrigen
naer haerlieder doot hebben aenveerden ende deylen zelen, alle
haerlieder haeffeliken goeden die zy nu hebben ende namaels
zelen mogen vercrigen, die naer eensyegelyc doot van hen
beyden boven haer wettige scult ende costen van vutvaerden
verschieten ende bliven zelen, niet tegenstaende den wederseggen
van des voirscreven Symoens voirkinderen oft yemande anders soude
argelist
uta novembry
Willem de Gorttere
Dyest, Bossche, heet van Relegen woenende tot Zemisse, heeft gelooft
ongevrydt naer de divisen recht te gheven al te betalen
Willeme den Gorttere oft den bringe den briefs vut zaken
vander zelve hueringen van zekeren goede te peninge gelegen
den selven Willeme toebehoirende alle jaere die termyn van
twaelf jaeren lange geduerende die negingen ende begonsten
tot half merte anno LXX lesteden, Te wetene elcx jaers van
die altyt tot Kersmisse daeraf den yersten termyn van betalinge
syn sal, twaelf zacken Rogs goede ende custbaere Mechelscher
maken, Ende elf gouden Peters vander muntene te wetene
XXVI groten Vlaems gelts voir elken van dien Peters gerekent
al
Ende daer toe soe heeft de selve sector gelooft te voldoene
die inde
alle de vorweerden ende poirten in gedulen van desen hueringen
begrepen ende gescreven staen, sonder wederseggen
XXIIIIa marty
Pot Retro
op inden name
van hen selve ende
van Jacoppen ter
haeren brueder
ende van allen
den anderen haer
medeplegeren
van haren
zyden, die sy
in hen vervingen
Jan Weelmans
van
Bossche Berct, Wouter tSermartens wylen Claes tSermertens soon inden name
van hem selven ende oic inde name van allen den anderen syne medeplegeren
van synder zyden, die hy in hem verving, voir deen helft, Ende oic
Jacop Rommond ende Anthonis tSermertens gebruederen, wylen Mathys metten
kynderen voir dander helft, hebben opgedragen ende getransporteert
tot behoef van Janne Weelmans, alsulken recht, de ende deel
hem
hadde
als sy hebben inde erffelike renten hier na bescreven ierst
tume vanden men dat
in een half pond ouder groote, die wylen heer Claes tSermartens
priester, des voirgenoemde wylen heer Claes ende wylen
Mathys tSermartens brueder doen hy leefde tochte ende gecregen
opte stad van Mechelen, Ende in een vyff scellinge ouder groten
de vanden voirscreven maten, die de voirscreven wylen heer Claes, oic gecocht
ende opte voirscreven stad gecregen heeft vallende jaerlicx ten termyne
inde Brieve daerop gemaect begrepen, tusseren ac volende ut supra
in forma, Ende tot desen heeft Jan Delssene, een der rentmeester vander
voirscreven stad behoudelic der selver stad daer inne haven rechte syn consent
gegeven
XVIa aprilis tempore simile
de Heylige Geest
van Sinte Katlyne
Bossche grooten Lysbeth vander Bruggen met Aerde van Bennebeke haeren man
heeft vercocht Henricken van Ghele ende Rommonde de Groote als Heyligeester
ende tot behoef vander taflen des Heylichs Gheest van Sinte Kathelinen
de helft van eenen hoefkene, daer af dander helft den selven
Heyligen Geest toebehoirt gelegen buyten Sinte Kathelinenpoorte opte
Pennepoel, tusschen des voirscreven Heylichs Gheests erve aen deen zyde
ende Willem Jan Calve Tielens erve aen dander zyde, welc helft
vanden selver haeffene der voirscreven Lysbetten verstorven es byde
doot van wylen Marien vanden Opstalle haer moeder. A Domino Mechliniensi,
Waranderende een halve vuten voirscreven geheelen hoefkene jaerlicx gaende
t
Assignavit V Peters
de
XXVa marty
Gielis Vrancx
van Sille met alias
oft geheeten thuys
sinen toebehoirten
dat Gheerde van
Wollemaect inden
Aa toe plach te
hoiren, byde
Bogaertstrate gelegen
Hamme bossche, brueder, Henric Deens van Tongerloe, Pater vander
Cellen vanden cellebruederen staende bynnen deser stad ende Anthonis Stoop
een der bruederen vander selver celle inde name van hen ende van alle
den anderen haeren medebruederen, dairaf sy volcomen last hadde, hebben
by bywesene wetene wille ende volcomen consente van Reyneren de Heelt
commoingmeester van deser stad ende van Willem vander Nuwermoelen
proviseur vander selve voirscreven celle, Quytgesconden los van ende
bekent openbairlic voir ons dat hen Gielis Vrancx tot have ende
haerer voirscreven mebruederen behoef dueghdelic vernueght ende betaelt
heeft van allen den sommen van penningen, die hy van wegen
hen alle vader bruederen sculdich
ende tachter was vut zaken vanden coepe van eenen huyse by hem
anderen byden niet lange geleden, tot behoef tegen henlieden
gecocht ende gecregen heeft, Ende van allen den sommen van penningen
ende van al tgene dat sy daeraff soude moegen heysschen hebben de voirgenoemde
pater ende brueder Anthonis inde name als voir Quytgesconden
los vry ende ledich, den voirgenoemde Gielisen Vrancx, tot sinen ende der voirscreven
behoef ende alle andere dies quitancie behoeven
geheelic ende al
XXVa marty