Blader door transcripties » Stadsarchief Mechelen

archieftoegang 2, inventarisnummer 936, pagina 58

Aert de Hertoge et uxore
Anthonis Blancke
Peter Ghysbrechts
Jan Ghore
Diest, bossche, Meester Jan vander Straten heeft vercocht Aerde de
Hertoge ende Kathelinen vanden Bossche synen wive, een huys metten
hove gronde gelegen inde Beghinenstrate tusschen Aerd vanden
Beringen erve, aen deen zyde ende eenen wech toebehoerende Rommond
vander Berct aen dander zyde, streckende achterweert tot Jorys
Yswyns erve. A Domino Mechliniensi, Waranderende. Op vyf chysgulden ende seven ponden
vier scellinge payments daer vutgaende
Assignavit LXVI Rinsgulden
XXII february
Diest, Beect. Jan Speelberch heeft gelooft voir hem ende sine
nacomelingen dat hy nimmermeer aenspreken noch
moyen ende sal, Anthoenis Blancke noch synen nacomelingen
haere noch erfgenamen, besitten vanden eene geheeten
den Clippel gelegen opte Coremerct tusschen den
Rooden Leeuw toebehoirende, Janne Schoof ende Willem Cools
erve onder huere van alsulken XII Rynsgulden tsiaers erffelicx zynde
ende heffende es
als de voirscreven Jan Speelberch jaerlycx heeft op een huys
geheeten den Vossensteert gelegen opte Aedegeem plaetse
Gielis eussche erve ende
erve
tusschen deselve Jan borch ende jaer de Elssene, Ende voir welken
XII Rynsgulden tvoirscreven huys geheeten den Clippel onderpant
es gelyc de scepenen brieven daerop gemaect dat claerliken
den
inhouden ende begrepen hebben van welken XIII grooten Rynsgulden
heeft
erffelicx syns ^ de selve Jan Speelberch voir hem ende sinen
nacomelinge tot eeuwigen dagen quytgeschonden heeft
los vry ende ledich den voirscreven Cluppel ende allen
anderen dien dat aengaet, oft aengaen sal moghen
in toecomenden tyden, in eeniger manieren geheelic ende alle
A Domino Mechliniensi, Waranderende etcetera.
XXIa february tempore simile
Aa, Hamme, jouffrou Clare vanden Hoede, met Rommond Boom
hueren man vendidit Peteren Ghysbrechts, thien gouden Peters
vander munte etcetera, te wetene XVIII stuver voir elken Peter gerekent
jaerliker lyfpensien, die sy hadde, op ende aen alle de erffelike
goeden etcet futore, bynnen etcetera gelegen, die wylen Willemen
vanden Hoede plagen toe te behoeren, ende dien toebehoerende
XXIIa february
Hanne Bossche Jan Parck quonde soe heeft gekent ende geleden dat hem
Jan Ghoorys, syn momboir goede rechtveerdige rekeninge ende bewys gedaen
heeft van allen den haeffelike ende erffelicke goeden die hem byder doot vanden
voirscreven wylen Janne Prick synen vader in eeniger manieren toecomen ende
verstorven syn, Ende daeraff ende oic van allen anderen moeyenissen
quellingen sommen van penningen ende andere dinge, die hy den selven
Janne Ghoorys synen momboir, vut saken van tgene des voirscreven staet soude
mogen doen oft heysschen heeft de voirscreven Jansprick quytgeschonden tot
vry ende ledich den selve synen momboir ende allen anderen dies quitancie
behoeven geheelic ende al
XXIII february
Barbele vanden
Siekerken van
onser Vrouwen
Mol bosschen Jan halff buender bruedere, heeft opgedragen, tot behouff
vander Heylighe toufflen des Heylichs Gheests vander prochien
kerken van Onser Lieve Vrouwen bynnen Mechelen, Een huys metten
hove lande gronde etcetera houdende int geheele omtrent een halff buender
gelegen dat wylen toebehoeren plach Janne van Beveren, gelegen buyten
der Oversterpoorten inde Broecstrate van tusschen wylen Aerd van
Voesdonck erve aen deen zyde ende wylen Symoens van Ghele erve
aen dander zyde streckende achterweert aende Gulden lande. A Domino Mechliniensi,
Waranderende oft lasten ende eenen Rynsgulden eenen capuyn ende
veerthien pont payments daer jaerlicx, Ende een stuck lands metten
gronde etcetera houdende omtrent een buender gelegen aldair inde selve
Broecstrate tusschen Jan Maes erve aen deen zyde ende Jans van
Beerzele erve aen dander zyde, streckende achterweerts tot Jacop Bogaerts
erve toe. A Domino Mechliniensi, Waranderende. Op sestien oude groten overe, eenen chysgulden
eenen capuyn ende veerthien pont payment, ten voirscreven jersten huyse
metten hove op vier chysgulden drie capuyne ende acht pont
payment van voirscreven lesten stuck lands jaerlix gaende, Jan Godesen
sal inden Diest ende Jan van hueren als Heylich geestmeesters
tot behouff desselfs syne fuit adhedat
et uxor
Jan Halfbuender
Aert Mathys
XXIIIa february
Ut supra tempore simile
Item de selve Jan Godessem ende Jan van haeren inden name vanden
selven Heyligeeste hebben bewesen, den voirscreven Janne half buender
tot sinen behouff ende te live ende oic tot behouff ende te live van Katheline
van Zelle, synen wive ende tot des lanxstlevenden live van hen
beyden, Sesse pont groten Brabants gelts jaerlike lyfpensien
Te heffene, deen helft daeraff tot Kersmisse ende dander helft
tot Sint Jansmisse Baptisten, Op ende aen de voirgenoemde goeden metten
gronde etcetera ende voirtaen op alle desselfs Heylich Geests anderen
erffelike ende onberuerlike goeden, bynnen der stad ende vryheit
van Mechelen gelegen. A Domino Mechiniensi
Ghooten Berct, Symoen Huens heeft vercocht Aerde Mathys den huys
metten hove gronde dat wylen Janne vanden Plassche ende de Beatrisen
Storms synen wive toe plach te hoiren houdende omtrent een half buender
gelegen opten Hanswycken driesch by Boutersse, tusschen Henricx
vanden Houte erve ende Gheerds van Houte erve aen deen zyde
ende der capittelen erve van Sinte Rommond aen dander zyde. A Domino Mechliniensi,
Waranderende. Op twee capuynen ende vyfthien scellinge payments payments
daer vutgaende
ut supra