Blader door transcripties » Stadsarchief Mechelen

archieftoegang 2, inventarisnummer 936, pagina 57

Jan Huenen
Hamme, Berct Jan Huens heeft verreyct tderdendeel van eenen
huyse metten bogaerde gronde etcetera dat Willem vander Beke
toebehoirde, gelegen te Neckerspoele ten Witten tusschen
de Cluse aen deen zyde ende Willem Jans van Huffle kynderen erve
aen dander zyde, Ende tderdeel van eenen huyse metter
schueren ende met eenen anderen huyse daer aen liggende, dat
oic den voirscreven Willeme toe plach te hoeren gelegen aldair
tegen over, tusschen Diericx de Beckere erve aen deen zyde
ende de Briesestrate aen dander zyde. Ex vitali pensien
man van Marie vander Lynden Adam heer divostitur
XIXa february tempore simile
Willem vanden Velde
Diest bossche jair ende bonden van Bonrode, gebruederen
hebben quytgeschonden los vry ende ledich, Willeme vanden
velde, van allen den haeffelike goeden die henlieden byde doot
van Willem Lysbetten van Bonrode haerlieder zuster ende huysvrouwe
doen zy leefde, des voirscreven Willem in eeniger manieren verstorven
mogen Sint
Ut supra tempore simile
Januarenen alle Spierinck
ende volcomente
Bossche, Berct, Rommond van Baesrode, by consente ende bywesene van
Marien van Baesrode synder dochter ende van Janne van Vaerlaer
haren man, heeft vercocht Janne al aene alias Spierick, Een
stuck lants metten gronde houdende omtrent twee ende een half
vierendeel gelegen op Oudegemecouter tusschen wylen Hermans
seve aldaer inden heyt erve dat nu toebehoirt willem Loems vanden
Eyken dochter, aen deen zyde ende des voirscreven Rommonds erve aen
dander zyde. Item een stuck lants metten gronde gelegen aldaer
tusschen houdende omtrent tderdendeel van eenen halven buender gelegen
aldaer tusschen Willem Jan Thyoens erve aen deen zyde ende dander
Wygants erve aen dander zyde, Op onder eenigen last van
chyse daer vutgaende, Item een stuck lants metten gronde
houdende omtrent anderhalf vierendeel, gelegen aldaer tusschen
des capittele erve van Sinte Rommond aen deen zyde ende der
infirmarien erve vanden crancken beghynen de bynnen deen
beghynhove aen dander zyde, den voirscreven waen Love vander
Eyken erve aende derde zyde ende tvoirscreven jerste stuck lants aende
vierde zyde, Op twee pondt payments vuten selver
stuck lants jaerlicx gaende, Ende drie gouden Peters vanden
munten etcetera erffelic chys, die de selve Rommond hadde op een
stuck lants houdende omtrent een half buender, toebehoirende, Janne
de Valkenere gelegen buyten der Oversterpoorten byde Leemputte
tusschen de selve aen deen zyde ende willen tot weduen es
kinderen wylen Jans de Hoevere diemen heet Hancx aen dander zyde
A Domino Mechini, Wande den voirscreven
XXI februari
Willem de Wyntere
Aa, Janne Margriete vanden Cloete Willem Jans dochter met Janne
van Bille haeren man heeft vercocht Willeme de Wouter eens
tot synder tocht ende tot behoef van Lysbetten sWinters sonder
natuerlike dochter als tot synder erffelicheit, Een huys metten
hove gronde gelegen buyten de Hanswycpoorte inde rechte
strate tusschen Wouters van Zelle, aen deen zyde ende Jans
Dogghe erve aen dander zyde, streckende achterweerts tot
Ghysbrecht Bruynbaerts erve. A Domino Mechliniensi, Waranderende. Op vyf pondt
payments daer vutgaende
Assignavit XVI Peters
XI february tempore simile
Peter de Weendt
Item. Jan de proost heeft vercocht Peteren de Weendt eenen
hof metten gronde, den welken den selven Janne byder doot van
wylen Janne de proest synen vander toecomen ende verstorven es
gelegen buyten den Wykete opte Dele ende Pissestrate
tusschen Jans van Relegeem erve aen twee zyden ende Jans
van Baesrode erve aende derde zyde. A Domino Mechliniensi, Waranderende. Op eenen
chysgulden die des voirscreven Peters wyf ende huer zuster daerop
hebben vuten selven hove jaerlicx gaende
Assignavit IX Rinsgulden
ut supra tempore simile
Jan van Baesrode
Item Wouter ende Peter vander Varent gebruederen wet Jan
synen wive
van Couwelaer, inden name van Kathelinen vander Varent ende Jooris
vanden Dorpe, inden name van Lysbetten vander Varent oic synen wive
alle te wylen Jans vander Varent, hebben opgedragen ende
getranspoorteert tot behoef van Janne van Baesrode, alle alsulke
sculden, als eenige persoenen wie die syn, binnen der stad ende verheyt
van Mechelen woenen ende gesetten, die selve wylen Janne vander
heeren vader
Varent in eeniger manieren sculdich ende tachter mogen syn, tusserant
ecetera ac volens ut in forma
ut supra tempore simile
de executeurs vanden
testaene van wylen Jan
Coeman
Metten
Item Henric vanden Zande ende Lysbeth syn wyf, hebben bekent
dat heer Jan vander Heyden ende Jan Maet, als executeurs ende inden
name vanden testamente ende vutersten wille van wylen Janne Coeman
goede rechtverdige rekeninge ende bewys gedaen hebben van allen
den haeffeliken goeden gebleven achter de doot vanden selven Willem
doen hy leefde
Janne Coreman, die der selver Lysbetten oem was, ende daeraff ende
oic van allen anderen moyenissen quellingen sommen van penningen ende
anderen dinge, die sy den selven executeurs vut saken van tgene des
voirscreven staet soude mogen doen oft heysschen, hebben de selve Henricx
ende syn wyf quytgeschonden los vry ende ledich, den selven executeurs
ende allen anderen des quitancie behoeven, geheelic ende al
Ut supra tempore simile