Blader door transcripties » Stadsarchief Mechelen

archieftoegang 2, inventarisnummer 936, pagina 59

Symoen Hueven t uxore
ende haer kynderen
Gotter, Borch. De voirscreven Aerdt Mathys heeft bewesen den voirscreven
Symoen Huens, tot synen ende Barblen van Laken alias Meese
tocht
syns wyfs behoef als tot haer beyder erffelicheit ende oic tot
behoef van allen synen synen kynderen die hy vander selver Barben
synen wive vercregen heeft ende oic namaels sal mogen vercrigen
als tot alle der selver kynderen erffelicheit, thien chysgulden
erffelic chys Te heffene deen helft daeraf tot Sint Jansmisse
ende dander helft tot Kersmisse, daeraf den yersten termyn van
betalingen syn sal tot Sint Jansmisse naestcomende, Ende dat op
der voirscreven Aerde huys metten hove boven gevoet, Ende
op syn vier vyfstedeelen van eenen stuck lants metten
gronde, houdende int geheele omtrent twee buender gelegen
buyten de Bruesselstrate Brueselpoorte int Ziekerlieden straetken
tusschen der kinderen Roelants erve aen deen zyde ende Jans
Kerstiaens erve aen dander zyde. A Domino Mechliniensi, Waranderende. Op etcetera met
condicie dat de voirscreven Aerdt ende syne nacomelinge de voirscreven vyf
chys thien chysgulden des voirscreven sullen mogen quyten altyt
oft tot twee malen
als hem dat gelieven sal eenen male ende ander niet ende
elken gulden daeraf met achthien der geliker gulden eens
met vollen chyse daer voir te betalen
XXIIIIa february
Jans vander Beke
de wedue van wylen
Gotter, voert. Lysbeth vander Beke wylen Jans dochter, heeft quytgeschonden
los vry ende ledich, Kathelinen vander Eert weduwe wylen
Jans vander Beke van allen den haeffeliken goeden die haer byder
doot vanden voirscreven wylen Janne vander Beke haeren brueder ende de
selver weduen man doen hy leefde in eeniger manieren verstorven
mogen syn, Ende daer toe soe heeft de voirscreven Lysbeth de
voirscreven weduen geconsenteert ende gewillekuert dat zy haer
leefdach lanck ende niet lange rustelic ende vredelic gebruyken
sal alle alsulke erffelike goeden als haer byder doot vanden
voirscreven wylen Janne hueren brueder toecomen ende verstorven syn
sonder argelist
supra tempore simile
Jan Woyte broot
Gotter, Borch. Margriete Bruynants met Henricken Vlyege haeren
man, die inde lyfpensie hier naer bescreven haer heffene
ende disposere behouden heeft, naer vutwysen de brieven
daer op gemaect heeft inden name van haer selver ende oic
inden name van Henricken vander Elst absent wesende die
zyne haer vervangen heeft vercocht Janne Witte broot wille
Aerdt Witte broots sone, drie veertelen Rogs goeden Mechelscher
maten, lyfpachts die zy haerer beyder leven lange geduerende hadde
opte erffelike goeden hier naer bescreven den voirscreven Janne toebehorende
yerst op syn stuck bempts houdende omtrent een vierendeel
gelegen in Hombekerbroeck tusschen des goidshuys van Lelyendale
erve ende Jans de Beye erve. Item op syn stuck lants houdende omtrent
een vierendeel gelegen op Barblegemervelt tusschen des voirscreven Jans
de Oeye erve ende heer Anthonis vander Aa Ridders erve. Item op
syn stuck lants houdende oic omtrent een vierendeel inde voirscreven
Broecstrate, tusschen Jan Maes erve aen deen zyde ende der galgen lant
Ende op syn drie huysen metten hoven ende eenen vierendeel lants
daer aen liggende gelegen inde strate daermen gaet te Hombeke
weert tusschen Gielis de Hooge ende Vrancx van Heffene erve
A Domino Mechliniensi, Waranderende etcetera
ut tempore simile
de kynderen
Machiele
Janne Berct Jan Machiels, metser heeft opgedragen ende getransporteert
tot behoef van Rommonde, Peteren, Lysbetten ende Amelbergen, Machiele
synen bruederen ende zusteren van syne vaders wegen, alle alsulke haeffelike
ende beruerlike goeden als hem byder doot van wylen Janne Machiels
synen vader in eeniger manieren sullen mogen toecomen ende versterven
Crissen oft dit vollen
XXVI february
Heer Willem van
Houwenberge
Bossche Groote Magdaleene, Willem Wyns dochter van Begen heeft vercocht
heer Willeme van Couwenberge priester, Een huys met eender
cleynder plaetsen gronde etcetera gelegen inde Rogbroecstrate, tusschen
Jacops de Clerck erve aen deen zyde ende Willem Henricx de Bock
erve. A Domino Mechliniensi, Waranderende. Op vier Rynsgulden goede ende vierendertich
stallinge payments daer vutgaende
XXVIIa february
Pot Ret
Molle
Willem vanden
Aa, Dyest. Rommondt Vleminck, heeft opgedragen tot behoef van Willeme
vanden goeden metten gronde etcetera hier na bescreven
vander Loe de helft van eenen huyse den Drake geheeten metten
eerst
Janne plaetsen ende allen anderen syn toebehoirten gelegen in Sinte
Kathelinenstrate tusschen Wouters van Battele erve ende Aerde
van Beneden erve. Item van eenen huyse metten hove gronde
gelegen aldair tegen voirscreven yerste huys over, tusschen Jans van
alle huys ende Jan Fransoe huys Henrick Ballemans huys, Ende
van zekeren erffeliken chyse gedragen tsiaers vier Rynsgulden
staen op zekere huysen met halven toebehoirten, bynnen der stad
ende vryheit van Mechelen gelegen van welken erffeliken goeden
dander helft den voirscreven Willem hoven. A Domino Mechliniensi, Waranderende etcetera
may tempore simile