Blader door transcripties » Stadsarchief Mechelen

archieftoegang 2, inventarisnummer 936, pagina 56

Jan van Couwelaer
ende syn wyf
Anthonis Blanckaerts
ende syn vyf
Hanne Ghooten Jan van Couwelaer ende Katheline vander Varent syn
wyf hebben gewilt ende openbaerlic voir ons geordineert
dat alle haere kynderen alsoe wel meyskens als knechtkens
ende knechtkens als meyskens die zy nu deen vanden anderen
vercregen hebben ende namaels vercrigen zelen, evengelyc ende
geliken deele ende porcien hebben houden aenveerden ende deylen
zelen, alle jaerlieder haeffelike ende erffelike goeden waer
die bynnen oft buyten der stad ende vryheit van Mechelen gelegen
syn ende bevonden zelen worden, die naer eensyegelycx doot
vanden selven haeren ouden in eeniger manieren bliven zelen
Ende daer toe soe hebben de voirscreven man ende wyf gewilt ende
vuterlic begeert dat inder deylingen die tusschen de voirscreven
haere kynderen naer haerlieder doot vanden voirscreven goeden sal
mogen geschien, de selve haere kynderen daer op opten dach
van heden eenige renten het zy erffelic op lyftocht by eenigen
van hueren vrienden gecocht syn, oft oic gecocht sullen mogen
worden, dat de selve kynderen daer op de selve renten gecocht
sullen syn sculdich die rente sculdich sullen syn ander
voirscreven deylingen in te bringene oft zoe lange stille te stane tot
dat dander kynderen daer op geen renten gecocht en sullen syn soe
vele voir vut sallen hebben vanden gereesten goeden, daer mede
men tot haerlieder live alsulke oft gelike renten zelen mogen
gecocht worden, cooppen, Ende daer toe hebben gewilt oft oft
gebuerde gebuerde dat eenich van hueren kynderen knechtkene de voirscreven Jan
ordinancie niet van weerden en hielden ende alsoe dat zy hueren
zusteren met hem niet en wouden laten deylen ende erffelike goeden buyten
der vryheit van deser stad gelegen, Soe hebben de selve man ende wyf
gewilt ende geordineert dat de voirscreven Meytens inder voirscreven deylinge
zoe vele erffeliker goeden bynnen der vryheit van deser stad gelegen voir
vut hebben zelen, als de goeden souden mogen gedragen oft weerde
syn daer inne de voirscreven hueren bruederen gelyc hem niet en souden willen
laten deylen, Ende alsdan zy sullen zy gelyc voirscreven staet metten
voirscreven hueren zusteren de voirscreven goeden, eenengelyc deylen ende anderen
met alle argelist hier inne vutgescheyden
XVIIIa february
XVIIIa february
Diest, Bossche, Willem Speelberch wylen Gielis Speelberchs sone, heeft
terve gegeven Anthonisen Blanckaerts ende Gheertruyden Speelberch
synen wive ende des voirscreven Willems zuster, de helft van eenen
huyse metten gronde geheeten de Clyppel daer af dander helft
der voirscreven Gheertruyden ende haeren zustellen toebehoirt gelegen
byde Coremerct tusschen den Roeden Leeuw, toebehoirende, Janne
Schoof aen deen zyde ende Willem Coels erve aen dander zyde
sone van Berge
Henrick wylen Olive
de kynderen van
Oeyenbrugge
De selve
de Willem Schooff, Te besittene, op eenen erffeliken chys van
drie gouden Rynsgulden goede etcetera te wetene zesse veertich
groten Vlaems gelts voir elken der selver Rynsgulden gerekent
Te heffene altyt tot Sint Jansmisse daeraf den yersten termyn
van betalingen syn sal van Sint Jansmisse naestcomende over een
Jan daer naer volgende, Ende opten voirchys ende commer daer
Anthonis
vutgaende, met condicie dat de voirscreven Willem ende syn wyf
de voirscreven drie Rynsgulden des voirscreven chys sculdich sullen
syn te quytene ende te lossene van Sint Jansmisse naestcomende
over drie jaer daer naer volgende ende elken gulden daeraf
met zesthiene der geliker gulden eens met vollen chyse daer
voir tot betalene
Assignavit IIII gulden erffelicx
XIX february
Aa, Mol. Henrick Willem Assone van Bergen, heeft
verreyct twee huysen metten metten gronde etcetera
Kathelinen Boudens toe plagen te hoiren, gelegen deen
neven dander opten vliet tusschen den Ouden ende Nyeuwe
Bruel ende tusschen Gabriel Stoops erve ende Jans vanden
voort selve aen dander zyde. Ex censu
t supra tempore simile
Aa, Bossche, Often van Oeyenbrugge tot synen ende synen bruederen
ende zusteren behoef, heeft verreyct een huys metten hove
gronde etcetera dat Henricken Lauwaerts toe plach te hoiren
houdende omtrent de twee deel van eenen halven buender gelegen
tot Berblegen tusschen des gasthuys erve van Sinte Katheline
aen deen zyde ende Rommonde Lauwaerts erve aen dander
zijde. Ex partuut supra tempore simile
die lossene, Jan ende bouwen van boven ende gebruederen
de voirscreven Osten tot behoef als boven heeft verreyct twee
huysen metten hoven gronde etcetera die wylen Rommonde Lauwaerts
toe plagen te hoiren, tot gelegen tot Barblegen, tusschen des
voirscreven Henrick Lauwaerts erve aen deen zyde ende de voirscreven
kynderen erve van Oeyenbrugge aen dander zyde. Ex censu
supra tempore simile