Blader door transcripties » Stadsarchief Mechelen

archieftoegang 2, inventarisnummer 936, pagina 52

Janne
Tgoidshuys van
Muysene
Ghooten, Berct. Heer Henrick Alens priester als capellaen ende
inden name van synder capellenen gefundeert opten outaer
vanden Heyligen Cruce, staende in de vrouwen kerke by
onsente vanden heeren deken ende capittulen van Sinte Rommonts
kerken binnen Mechelen gelyc ons dat claerlic gebleken heeft
heeft et pe heeft opgedragen ende overgegeven tot behoef
metten gronde
vanden goidshuyse van Muysene, Eenen hoff, dairop een
huys plach te stane, die Peteren van Rykenrode, toe plach te
hove ende die de voirscreven Henrick tanderen tyde voir achterstelligen
chys, die de voirscreven capelleene dairop heeft wettelic vutgewonnen
ende verreyct heeft gelegen Rommonts van inde Derde Vleeschouwersstrate
tusschen Rommonts van Puersse erve aen deen zyde ende Jan
Kerssavents erve aen dander zyde. A Domino Mechliniensi, Waranderende. Behoudelic
der voirscreven Capelleenen haeren voirscreven chyse ende allen anderen dien
voir chys op hebben
XVIIa february tempore simile
Lysbeth van Herle
ghote, Berct, Peter Ghysbrechts heeft opgedragen tot behoef van
Lysbetten van Herle wylen Jan Postelmans wyf, wive, een
huys metten hove gronde etcetera dat den voirscreven wylen Janne poste
toe plach te hoiren gelegen tot Neckerspoele inde Rechtestrate
tusschen Jans vander Hagen erve aen dander zyde ende Matheus
Cleyngemack erve, aen dander zyde, gelyc ende inder manieren
de voirscreven Peter tselve huys metten hove, tanderen tyden voir
achterstelligen chys die hy daer op heeft vutgewonnen ende wel
wettelic verreyct heeft. A Domino Mechliniensi, Waranderende etcetera sallo suo cons oic oic
XI february
Jan vanden Eynde
ende syn wyf
Ghooten voirt. De voirscreven Lysbeth de wedue cum tutore heeft terve gegeven
Janne vanden Eynde ende Lysbetten sCosters synen wive, tvoirscreven huys
metten hove etcetera. A Domino Mechliniensi. Te besittene op eenen erffeliken chys
van vier gouden Rynsgulden goede op te wetene XL groten
Vlemen gelt voir elken der selver Rynsgulden gerekent
erffelic chys, Te heffene altyt tot Sint Jansmisse daeraf
den yersten termyn van betalingen syn sal van Sint Jansmisse
naestcomende over een jair daer naer volgende, Ende opten
van chys vander weerden van negen scellinge groten Brabants
gelts daer vutgaende, Met condicien dat de voirscreven man
ende wyf de voirscreven vier gulden des voirscreven chys zelen moeten
quyten te wetene deen eenen gulden daeraff van Sint Jans
misse naestcomende over een jaer daer naer volgende, Ende alsoe
voirtaen, telken Sint Jansmisse alsdan deen naer dander
volgende eenen Rynsgulden tot dat de voirscreven vier gulden
geheelic ende al gequeten zelen syn ende elken gulden daeraf
met zesthien der geliker gulden eens met vollen chys
dat Woute betalene
Assignavit XI gulden met
Katlyne vander Elst ende
Margriete Smeeten
Hamme, Berct, Lysbeth Bernaerts wedue wylen Jans Scellemans
cum tutore voir deen helft ende Margriete Bernaerts weduwe
wylen Jans vanden Venne, ende haer zuster cum tutore hebben voir
dander helft, hebben vercocht Kathelinen vander Elst, Henricx
Smoeds wive, als tot haer tocht ende Magrieten Smede
des selfs Henricx ende Kathelinen dochter, als tot haerer
erffelicheit, drie vriendeelen van eenen huyse metten
hove ende metten recht vanden Putte ende oic metten gronde
gelegen opte Aedegeemplaetse tusschen Gielis Verlaer
erve, der weduen wylen Jans vanden Walle aen deen zyde
ende een huys de tSinte geheeten toebehoirende Vrancken van
Halen aen dander zyde. A Domino Petro de Herbeys milite
Waranderende. Op drie chysgulden daer vutgaende, vuten voirscreven
geheelen huyse met synen toebehoirten jaerlicx gaende
XI february tempore simile
Jan vanden Broeke
Ghooten Berct, Lodewyck Yngelram, heeft vercocht inne vander
Broeke vyf huysen oft cameren metten hove plaetsen die Willem
Daneel Lemmens toe plagen te hoiren, gelegen deen neven dander
inde Aedegemstrate opten hoeck vander Conincstraten, tusschen de
selve strate aen deen zyde ende een huys de Catte geheeten den
voirscreven wylen Daneele oic toehoerende aen dander zyde, streckende
achterweert met eenen vutgange inde voirscreven Conincstrate
tot Rommond vanden Hove erve. A Domino Mechliniensi. Ende tvoirscreven huys
de Catte geheeten metten hove gronde gelegen inde voirscreven
Aedegemstrate tusschen een vanden voirscreven vyf huysen aen deen
zyde ende Henricx Smede erve aen dander zyde streckende
achterweerts metten voirscreven hove doer een poorte tot mit
Donckerstraetken tusschen eenen hof toebehoerende, den voerscreven
Rommond vanden Hove, aen deen zyde ende Henricx de Bruyne
hof aen dander zyde. A Domino Petro de Herbeys milite, Waranderende.
op Sesse pondt thien scellinge payments zessenveertich oude groten
Turnoyse vyf capuynen ende drie chysgulden vuten van voirscreven
vyf huyse oft cameren, Ende op vyf chysgulden ende twintich
scellinge payments vuten voirscreven huyse met synen toebehoirten
de Catte geheeten jaerlicx gaende
Assignavit C Peters
XIII february
Lodewyck Yngel
van
Item. De voirscreven Jan vanden Broeke dit den voirscreven Lodewycken
vierentwintich gouden Peters vander munten oic te wetene XXXVI groten
al
Vlaems gelts voir elken Peter gerekent Te betalene tot Onser
Liever Vrouwen dage Lichtmisse naestcomende, Ende hier voir heeft
hy verbonden alle de voirscreven zesse huyse met haere toebehoirten ende
voirtaer, alle vander syne haeffelick ende erffelicx goeden presenta et futura.
Ut supra