Blader door transcripties » Stadsarchief Mechelen

archieftoegang 2, inventarisnummer 936, pagina 53

Beatris vanden Wouwe
Peter Ghysbrecht
Ghootens, Berct, heer Willem Storm Peter vander goidshuyse vander
Halffstraten te loven ende heer Lodewyck van Varenbroode, capellaen te
Sinte Peters te loven, hebben opgedragen ende getransporteert tot behoef
van Peter Ghysbrecht
XIIII february
Jan vander Hoeven
ende syn zuster
Diest bossche, Cornelis van Remenam ende Jan van Houthem als
executeur ende inden name vander executien des testaments ende
vutersten wille van wylen Willeme van Campenhout, Ende om
der meeste orboirs ende profyts wille vanden selven by consente ende
van als volcomen macht hebben van ende bywesen van heer Lodewich
van Cothem priester als der macht hebbene van Rommond van
Battele met eender procuracien daer op gemaect voir notaris ende
getuygen van Rommonde van Puersse ende van Godevaerde de Vryese
als momboiren van Janne Cornelien ende Margrieten Coleys wylen
Anthonis Coleys kynderen van Cristine vanden Scrieke van Peteren
van Diepenbeke ende van Claese de Vos als naeste mogen ende
vrienden van wylen Margrieten van Barblegen, des voirscreven willen
Willems yerste wyf doen zy leefde, hebben vercocht Janne vanden
Hoeven tot synen ende jouffrou Kathelinen vander Hoeven beghinen
synder zuster behoef vyf vierendeel van eenen chysgulden erfflicx
chys die de voirscreven wylen Willem hadde opte helft van eender
schueren metten gronde, den voirscreven Janne ende synder zuster ende
oic Aerde vander Hoeven toebehoerende, gelegen buyten der Overste
Poorten inde Broecstrate, tusschen wylen Jan Moeyenssoe erve aen
deen zyde ende Gommaer Luytens erve aen dander zyde. A Domino Mechliniensi,
Waranderende etcetera
Assignavi
ut supra
van Janne de Meye
Peters sone ende Janne
vander Molen
Jan Gebuers ende Barble Boyden
Zeger de Meye, woenende tot Gheerdt ende Andries
hebben gedrage ende transpoorte tot behoef
al goet woenende tot Ghendt sessentzeventich pondt groten
Vlaems gelts de welke, Cornelis van Haren, henlieden naer
vutwysen van zekeren cedullen met desselfs Cornelis hant gescreven
ende met zynen hen zegele bezegelt, sculdich ende tachter van
Casserene, de volens ut informa
Jan de Meye
Aa, Hamme Zeger de Meye ende Andries al goet gewoenen
tot Ghendt hebben opgedragen ende getransporteert tot behoef
van Janne de Meyere des voirscreven Zegers sone ende van Janne vanden
Moelen, sessentzeventich pond groten Vlaems gelts de welke
Cornelis van Haren henlieden naer vutwysen van zekeren
brieven met synder hant gescreven ende met zynen zegele bezegelt
sculdich ende tachter is, transferens ac volen
XIIIIa february
Wouter vander Beke
Assignavit Jan Gebuers, heeft bekent dat hy gehadt ende
ontfangen heeft inden name van Katheline Gebuers vander
Beke wylen Jans vander Beke natuerlike dochter, gehadt ende
ontfangen heeft van Wouteren vander Beke des voirscreven wylen Jans
brueder, de somme van thien Peters vander munten, te wetene
XXXVI groten Vlaems voir elken Peter gerekent de welke de
voirscreven wylen Jan vander Beke haer vader, der selver synder
natuerlike dochter met synen testamente gemaect ende gelaten heeft
Ende daeraf heeft de selve Jan Gebuers inden name als boven
quytgeschonden los vry ende ledich den voirscreven Wouteren ende alle
ende dies quitancie behoeven geheelic ende al, Ende daertoe
soe heeft hy ende met hem Lembrecht de Weendt gelooft ende elc
van hen besunder ende voir al, dat zy den voirscreven Wouteren tegen
der voirscreven Kathelinen ende eenen yegeliken anderen vanden selven
penningen scadeloes quyt houden ende ontlasten zelen sonder
eenich wederseggen
ut supra
Jan vanden Morte
Item Jan Zantborch Gheerdts sone woenende tot Keerberge
heeft gelooft ongevrydt naer der divisen recht te ghevene ende
alle jaer
te betalene, Janne vanden Morte alsoe lange als hy leven sal
hy leven sal ende naer syn doot, Machiele synen sone, elcx jaere
tot twee terminen de wetene deen helft daer af tot
Kersmisse ende dander helft tot Sint Jansmisse, daeraf den
yersten termyn van betalingen syn sal tot Sint Jansmisse
naestcomende, alsulken thien scellinge groten Brabants
gelts als hij den selven Janne tot synen live ende ten live
vanden voirscreven Machielen synen sone ende ten langhstlevende live
van hembeyden, op zekere syn goede onder Keerberge gelegen
vercocht ende bepant heeft, gelyc de scepenen brieve van
Antwerpen daer op gemaect dat claerlic houdende ende
beyden, sonder eenich wederseggen
Ut supra