Blader door transcripties » Stadsarchief Mechelen

archieftoegang 2, inventarisnummer 936, pagina 51

alsoe volstentelic tonderhouden ende om der meerder
zekerheyt wille, den voirscreven Bartelmeus synen voirscreven hove
ende nacomelingen daer af te doene heeft de selve
voirgenoemde Peter van Steynemoelen, daer voir verbonden
ende te pande geset Syn huyse oft woeninge metten
hove plaetse gronde etcetera gelegen inde Nieuwen Bruel
tusschen der weduen wylen Aert vanden huys, aen
deen zyde ende Jan van Culixrode erve aen dander
daer te
zyde, Ende oic alle syne haeffelike goeden waer die
bevonden zelen worde ende oic alle dander inne
erffelike goeden bynnen etcetera gelegen die hy nu heeft
ende namaels hebben ende vercrigen sal
VIII february
Peter van Steynemoelen
is de voirgenoemde Bartelmeeus Trabukier heeft opgedragen
ende getransporteert, tot behoef vanden voirgenoemde Peteren
van Steynemoelen alsulken scult van vierhondert
gouden Rynsgulden goede te wetene veertich
groten Vlaems gelts voir elken van dien gerekent
als trest van Seven hondert gelike gouden Rynsgulden
effelike
alle de Anthonis de Provane, tanderen tyden te wetten
opten twaelffsten dach van decembry int jaer dusent
vierhondert neghenentzestich lestleden den voirscreven
Barthelmeus, wettelic bekent heeft, tot zekeren termynen
inden scepenen brieve dair op gemaect begrepen, te
betalen, Tusserene ac volens ut informa voertaen
soe heeft de voirscreven Bartelmeus gelooft, oft gebuerder
dat de voirscreven Peter van Steynemoelen, inde
betalinge den voirscreven scult, eenich gebreck hadde
zyde
dat heeft de selve Bartelmeus den selven Peteren
altyt trouwelic oprichten ende restitueren ende
voldoen, sonder eenich wederseggen, Ende om die
gelooften, alsoe tonderhouden ende om der meerder
zekerheyt wille, den voirscreven Peteren daeraf te doene
soe heeft de voirgenoemde Bartelmeus den selven
Peteren daervoir verbonden ende te pande geset alle
syne haeffelike goeden waer die bevonden zelen
worden ende oic syne erffelike goeden bynnen etcetera
gelegen, die hy nu heeft ende namaels hebben ende
vercrigen sal
ut supra
Pona retro loco suo
Jan Van Orssagen
Hamme, Ghooten Jan Gheylen heeft vercocht Janne van Orssagen
Eenen hoff, cum funde etcetera gelegen opten Pennepoel, tusschen
Jans Heelts erve, aen deen zyde ende Willem Jacops Wabbels
erve aen dander zyde. A Domino Mechliniensi, Waranderende. Opte weerde van
twaelff scellinge love ende acht penningen Lovens daer
vutgaende
Assignavit X stuver
XVIII february tempore simile
lynmakers
Margriete ende Lysbeth
Hamme, Soeten. Jan de Lymakere heeft opgedragen tot behoef van
Margrieten ende Lysbetten Slynmakers synen zusteren tderdendeel
ende alle t recht dat hy hadde ende hem byder doot van Willem
Janne de Lymakere ende Alyden vander Biest synde synen onderen
ende oic van wylen Pauwels de Lymakere synen brueder, toecomen
ende verstorven is inde erffelike goeden hier naer bescreven
ierst in een huys metten hove gronde streckende achterwerts
totter Delen, gelegen inde Hanswycstrate, tusschen der weduen
ende kynderen Willem Jans Schaven erve aen deen zyde ende
Jacop Luytens erve aen dander zyde, Ende in een huyse
metten hove metten gronde gelegen buyten der Hanswycpoorte
by Sinte Claes capelle, tusschen een cleyn strate aldaer aen
deen zyde ende Jans van Wyelenbeke erve aen dander zyde
van welken erffeliken goeden dander oft twee derdendeele
doncello de Merode
den voirscreven zusteren toebehoiren. A Domino Mechliniensi, Waranderende. Opten chys
ende commer daer vutgaende
ebruary tempore simile
Jan de Lymaker
Item. De voirscreven Magriete Symakers met Janne vanden Bossche
haer man ende de voirscreven Lysbeth sRymakers haer zuster met
haer eenen momboir etcetera hebben bewesen den voirscreven Janne haeren
brueder, vyf gouden Rynsgulden goede et te wetene XL groten
Vlaems gelts voir elken de selver Rynsgulden gerekent erffelic
chys Te heffene altyt tot Kersmisse, daeraf den yersten termyn
van betalingen syn sal tot Kersmisse naestcomende, Op ende
aen de voirscreven zusteren twee huysen metten hoven boven
de Mere
genoemt A domicello Willo Warande, met condicien dat de
voirscreven zusteren oft haere nacomelingen den voirscreven erffeliken
chys van vyf Rynsgulden zelen mogen quyten altyt alle
hem dat gelieven sal eenen male ende anders niet ende
elken penninge daeraf met zesthiene der geliker penningen
ende met vollen chyse daer voir te betalene
ut supra tempore simile