Blader door transcripties » Stadsarchief Mechelen

archieftoegang 2, inventarisnummer 936, pagina 32

o#o gelegen tot Hevere
aende Plaetse
tusschen der heeren
van Zellaer erve
aen beyde zyde
anderhalff vierendeel, luttel min oft meer, dat wylen
Wouteren Vrancx toehoirde ende dat de proviseur, totter
voirscreven taflen des Heylich Gheest behoef, tanderen tyden
voir achterstelligen chys, die de selve taflen op hadde
wettelic verreyct ende vutgewonnen heeft o#o. A Domino Mechliniensi. Te besitten
op eene erffelike chys, van eenen gouden Rynsgulden
te wetene veertich groten Vlaems voir dien gerekent
Te heffene altyt tot Kersmisse, Ende opten voirchys ende pacht
van drie moeken rogs eenen chysgulden ende van vyf
scellinge ende zesse penninge Loevene, daer jaerlicx vutgaende
met condicien, dat de voirscreven Jan de Beckere, ende syn wyf
sculdich zelen syn te quitene daer bynnen drie jaeren tyt
naestcomende, den voirscreven eenen Rynsgulden des voirscreven
chys, met twintich gelyke Rynsgulden ende met vollen
geschieden
chyse, Om welke quitinge alsoe te vorre ende om der
doene
meerder zekerheyt wille, daeraf der voirscreven taflen te geschieden
hebben de voirscreven Jan de Beckere ende syn wyf, den voirscreven
proviseur tot selver taflen des Heylich Geests behoef, tonderpanden
geset
haer stuvoir twee huysen metten hoven gronde etcetera
tot Hever
gelegen deen neven dander ^ inde Neerstrate, tusschen
Willeme vanden Zype erve, aen deen zyde ende de
goidshuys van Muysene erve aen dander zyde, opte drie
ver weerde van vier scellinge ende zesse penninge groten
Brabants erffelic ende van drie veertelen rogge lyftochten daer
jaerlicx voir vutgaende
Jan vander Straten
ende syn wyf
Aa, Hamme. Jan vander Straten ende Margriet tSas syn wyf
seggende dat sy gheen wettige kynderen en hadden ende hebben
daeromme voir ons gewilt ende openbaerlic geordineert dat de
langhstlivende van hen beyden soe lange die leven sal paysselic
rustelic ende vredelic sal gebruyken alle der haeffeliker ende erffelike
goeden bynnen der stad ende vryheit van Mechelen wesende ende
gelegen die zy nu tertyt hebben ende namaels hebben ende vercrigen
zelen, den wederseggen vanden erfgenamen vanden yersten
stervende van hen beyden, Ende oic den rechten boergen ende gewoenten
vander selver stad hier inne te contrarie onderhouden niet tegenstaende
Behoudelic dien dat alle de selve goeden blivende naer de doot
vanden voirscreven langhstlevenden toecomen ende vesterven zelen
haeren gerechten ende gewarigen erfgenamen dien die goeden
naerden rechten vander voirscreven stad sculdich zelen syn toe te
comende ende te versterven, oft den ghenen dien zy die goeden
haren
met testamente oft anderssins samentlic genomende maken zelen
Welke ordinancie wy ende oic Mol, Diest ende vut Ghooten ende
Berct onse medescepenen by crachte vanden statute daer op tanderen
mitteert
tyden geordineert ^ hebben vut onser macht confirmeren ende
approberen alle argelist vutgescheyden
IXa January tempore simile
Hubrecht Nys et
erve selve
Hamme, Mol. Katheline van Verkendonck, met Willeme Puttaerts
haeren man heeft vercocht Hubrechten Mys als tot synder tocht ende
oic tot behoef van Hubrechten Nys Peters soone, als tot desselfs
Hubrechts des soene de erffelicheit, Twee gouden Peters vander
munten goede etcetera te wetene XXXVI groten Vlaems gelts voir elken
der selver Peters gerekent erffelic chys, Te heffene altyt tot
Onser Liever Vrouwen dage Lichtmisse daeraf den yersten termyn
van betalingen syn sal van Onser Liever Vrouwen dage Lichtmisse
naestcomende over een jair daer naer volgende, Op der voirscreven
Kathelinen stuck bempts metten gronde, houdende omtrent een
vierendeel, gelegen ende negenthien Roeden, gelegen te Battele
in Diepbroeck, tusschen wylen Jans van Barblegem erve, aen
deen zyde ende de Beke aldair aen dander zyde. Ab Egidio Vrancx
Waranderende. Op eenen capuyn ende drie penninge Lovens daer voir
vutgaende, met condicien dat de voirscreven Katheline ende
haer nacomelinge sullen mogen quyten altyt als hen dat
en van twee peters der voorscreven chys
gelieven sal, te wetene elken gulden daeraf met XVI geliken
Peters 
gulden eens met vollen chyse, daer voir te betalen
IXa January tempore simile
de momboiren van
Lossyen ende vive
sRaeymakere
Hamme, Mol. Lossie ende binne sRaeymakers wilen twee Raeymakere
kynderen, hebben bekent dat hen Gheerde Anne Aerdt van
wylen
Couwenberge ende Jan vander Hofstad ende Anthonis de Cale, haere
momboire goede dueghdelike ende rechtveerdige Rekeninge
ende bewys gedaen hebben van alle alsulken haeffeliken ende
erffeliken goeden als henlieden byder doot vanden voirscreven wile
Roese ende van wylen Barblen vander Hofstad synen wive haeren
oudere in eeniger manieren verstorven syn, Ende voir van al tgene
des sy daeraf ontfangen ende vutgegeven hebben vanden welken
ende oic van alle der moyenissen quellingen sommen van penningen
ende anderen dingen die zy den selve hueren momboirs vut saken
vanden voirscreven Regimente oft anderssins in eeniger manieren
souden mogen doen oft heysschen, hebben de selve gesusteren
heer Aerde van tot haer seven des voerscreven wille en quitancie behoef
der selven huer momboir quytgeschonden los vry ende ledich
ende alle andere dies quitancie behoeven, geheelic ende al
ut supra tempore simile
de selve Lossen
sRaeymakere
Hamme, Mol. De voirscreven Gheerd de Neve heeft vercocht de voirscreven
Lossien sRaeymakers, twee gouden Rynsgulden goeder etcetera
te wetene XL groten Vlaems gelts voir elken der selver Ryns
gulden gerekent erffelic chys, Te heffene altyt tot Kersmisse
Op des voirscreven Gheerde huys geheeten den Witten Leeuwe
metter plaetsen hove ende putte ende oic met eender cleynder
gronde
cameren ende wege daer achterliggende, gelegen in Onser Vrouwe
strate tusschen Willem Schoof aen deen zyde ende Jan Gheens
aen dander zyde. A Domino Mechliniensi, Waranderende. Op twaelf chysgulden daer
voir vutgaende
Assignavit den XVI denier
ut supra tempore simile