Blader door transcripties » Stadsarchief Mechelen

archieftoegang 2, inventarisnummer 936, pagina 33

Peter du Parck
Hamme, Vossche, Jan Noute, heeft vercocht Peteren
Du Parck, de helft vander vierendeel van Sesse gouden
croonen vander munten etcetera goede etcetera erffelic chys, die hy hadde
Op ende aen de voirscreven Peters huys, metten hove plaetsen gronde
dat te heeten plach, de Drie Coppen ende dat nu heet den
Boom, gelegen aenden Steenwech, tusschen thuys den Corte Palmboem
geheeten toehoerende jouffrou Lysbetten sMoors, aen deen zyde ende thuys
Olyfant
den Haberch geheeten, toebehoirend Arthur van Maldere
aen dander zyde. A Domino Mechliniensi, Waranderende etcetera
Assignavit den den XVIII denier
XI january tempore simile
Jan de Moor ende
Jan Berct
Ghoeten, Berct. Margriete sMoors, met Willem Feerman haere
man heeft vercocht Janne de Moor der voirscreven Magrieten
brueder ende Janne Bert, den lants tderdedeel van
eenen stuc lants, houdende int geheel omtrent een buender
daeraf dander twee derdedeele den voirscreven Janne ende
Janne toehoirende, gelegen tot Heffene tot ten Nuffle, tusschen
de Bruesselstrate aen deen zyde ende Meester Janne vanden
Broeke erve aen dander zyde. A Domino Mechliniensi, Warandeene opten chys
ende cammer daer jaerlicx vutgaende, Ende tderdedeel vanden vierendeel
van eenen stuc lants houdende omtrent een vierendeel gelegen aldaer
tusschen der op Santvoirdervelt, tusschen de Nuffelstrate, aen deen
zyde ende Jan Bregit Assignavit XXI Peters erve aen dander zyde. A Domino Mechliniensi,
Waranderende opten schys ende commer daer jaerlycx vuytgaende
Jan Bercman ende Gabriel van Bans alias Lodewycx
Assignavit XXI Peters
ut supra tempore simile
Roeland de Beckere
Heer Jan Bercman ende Gabriel van Berlaer, diemen heet
Lodewycx als kercmeesters proviseurs ende inden name
vander taflen des Heylichs Gheests van Muysene et
cetera hebben terve gegeven Roeland de Beckere, Een
stuc lants, houdende omtrent een half vierendeel, gelegen
tot Muysene bij aen tkerchof, tusschen tselve kerchoff
aen deen zyde ende des voirscreven Roelants erve aen dander
zyde. A Domino Mechliniensis. Te besittene, op eenen erffeliken chys van
vier chysgulden Te heffene altyt tot Kersmisse, Ende opte
voir chys van de twee capuynen achtien scellinge Loevens
paymente acht penninge Loevens ende vander weerde van
twee grooten ende sesse myten Brabants daer jaerlicx vutgaende
om welke vier chysgulden, alsoe den voirscreven taflen
de Heylichs Geest te betalen ende om der meerder zekerheyt
wille der selver daeraf te doene heeft de voirscreven Roeland
daervoir verbonden ende tonderpande geset, Syn huyse metter
der voirscreven Tafle erve
hove gronde gelegen tot Muysene tusschen tkerchoff al
aen deen zyde ende de Heerstrate aen dander zyde, Ende een
stuck bempt houdende omtrent een halff buender, gelegen
aldaer ter Wyelen, tusschen Willems Schooffs erve aen beyde
zyde, Op vier capuynen ende thien scellinge payments vuten voirscreven
huys metten hove ende sonder eenigen chys vuten voirscreven stuck bempts
jaerlicx voir vutgaende
Jan Vensel
Hamme, Mol. Marie Andries wylen Gielis Andries dochter wedue
wylen Henrick Plaet, heeft bekent dat sy gehadt ende ontfangen
heeft van Janne Vensel, de somme van eenentwintich gouden
Peters vander munten etcetera goede etcetera te wetene op zessendertich
groten Vlaems gelts voir elken van dien gerekent, comende ende
Spruytende vut twee eenen byder erffelike erffelicx chys
die de voirscreven wylen Gielis te hebben plach, op des voirscreven Janne
huys metten hove, gronde etcetera gelegen opte Tiechelrije, tusschen
Jan Boenemans
Willems vanden Moelen erve aen dan deen zyde ende wylen
Marc Radelet erve aen dander zyde, van welke sommen ende
oic vanden voirscreven Ryder erffelic heeft de voirscreven wedue
quytgesconden los vry ende ledich, den voirgenoemde Janne Vensel
en alle andere dies quitancie behoeven geheelic ende al
voirscreven
Gelovende daertoe de selve wedue de voirscreven selve quitancie
goet vast ende van weerde te houden ten eeuwigen daige
ende daer daer tegen nemmermeer te doen ofte te seggen
ende oic den voirscreven Janne ende synen hoir, dairaf tegen
eenenyegelike altyt scadeloos quyt te houden ende tontlaste
XIa January tempore simile
Cornelis van Boxhem
ende soe verre
alst in hen es
Aa, Berct. Aert Storm ende Jan van Eeckele van svaders wegen
Jacop Reyers ende Henrick de Beckere vander moeder wegen, als momboiren
ende inden name naeste magen ende vrienden van Janne ende Aerden
Storms wylen Jan Storms kinderen ende etcetera, hebben bekent dat sy gehadt
ende ontfangen hebben van Cornelis van Boxhem, de somme van
vivenveertich ponden vyfthien stuvers groten Brabants gelts, die de selve
Cornelis den voirscreven momboeren tot behoef vanden voirscreven kynderen
tanderen voir scepene van Mechelen, bekent heeft sculdich wesende
toecomende mids der sommen vanden dootslage die de selve Cornelis
des voirscreven kinderen
tanderen tyden inden persoen vanden voirscreven wylen Janne Storm ^ gedaen vanden
heeft, Ende dairaff hebben de selve momboeren inden name vanden
selve kinderen quytgeschonden los vry ende ledich den voirscreven Cornelise
ende oic van allen anderen Mertens quellingen sommen van penningen
ende andere dingen die sy den selven Cornelis vut saken van
tgene des voirscreven staet, souden mogen doen oft heysschen, hebben
de selve momboeren inden name vanden voirgenoemde kinderen quytgeschonden
los vry ende ledich ende allen anderen des quytancie behoeven, geheelic
ende al, Gelovende de selve momboeren inden name als voir desen
quytancie altyt goet vast gestentich ende van weerden te houdende
ende dair tegens nemmermeer te doene, te seggene, te proven oft
te alleggene, in gheender manieren, alle argelist vutgescheyden
XIIIa January tempore simile