Blader door transcripties » Stadsarchief Mechelen

archieftoegang 2, inventarisnummer 936, pagina 31

Jan de Cuypere
Hamme, Mol. Adriaen Jannen, wylen Peter Jannen soon
heeft vercocht Janne de Cuypere, wylen Aerts de Cuypere
soon, een huyse metten hove gronde etcetera dat den voirscreven
wylen Peteren toe plach te hoiren, gelegen opten Voldersgracht
tusschen wylen Aert de Cuyper erve aen deen zyde dat
nu Janne Vekeman toehoirdt aen deen zyde ende der
kynderen erve van wylen Goessen Coole, aen dander zyde
A Domino Mechliniensi, Waranderende. Op neghen scellinge Lovens, vyfthien
scellinge paymente erffelic ende eenen gouden Peter vanden
munten etcetera lyfpensien daer jaerlicx vutgaende
VIIIa january tempore simile
Adam Jannen et uxore
Item de voirgenoemde Jan de Cuypere, debet den voirscreven Adam
Jannen ende Lysbetten vander Bruggen syne wive ach
sevenentwintich gouden Peter vander munte etcetera goeden
etcetera te wetene XXXVI groten Vlaems gelts voir elken van
dien gerekent, Te betalen tot desen termyne, te wetene
de acht gouden Peter daeraf van Sinte Jansmisse
naestcomende, bynnen eenen jaere daer naer volgende, Ende
soe voertaen, telken Sinte Jansmisse alsdan deen na dander
ter stont vervolgende, Acht der selver gouden Peters
de etcetera, Ende daervoir heeft hy verbonden syn voirscreven
huys metten hove ende daertoe alle sine haeffelike goeden
waer die bevonden zelen worden, die hy nu heeft
ende namaels hebben ende vercrigen sal
ut supra tempore simile
de aelmoessen busse
vanden cleermakere
Hamme, Mol. Huyge Willems sone heeft vercocht Lambrecht vander
ende tot behoef
Hoeven ende Wouteren Bogaerts, busmeesters ^ vander aelmoessen
bussen vanden cleermakere ambachte vier chysgulden erfflic
chys Te heffene deen helft tot Sint Jansmisse ende dander helft
tot Kersmisse, Op des voirscreven Huyghs drie huysen metten hoven
gronde etcetera gelegen deen neven dandere inde Bruesselstrate tusschen
Peters vanden Vliete erve ende Peter Leemans erve. A Johan
de Oeyenbrugge, Waranderende. Opte weerde van zesse chysgulden
voir
ende eenen halven daer   vutgaende
Assignavit den XVI denier
IXa January tempore simile
de selve
Boeyken
Item. Gielis Boyken heeft vercocht den voirscreven busmeesters
tot der voirscreven aelmoessen bussen behoef, Twee chysgulden
erffelic chys, Te heffene deen helft daer af tot Sint Jansmisse
ende dander helft tot Kersmisse Op syn huys metten hove gronde
gelegen over de Coremerct inde Hooghstrate, tusschen Gielis
de Beckere erve ende Willems Tymmermans erve, streckende achterweert
erve
tot wylen Joes Nyeuwegen. A Domino de Oeyenbrugge, Waranderende. Op eenen
chysgulden ende veertich scellinge payments daer voir vutgaende
ut supra tempore simile
Henrick van Hou
them ende syn wyf
Hamme, Mol. Heer Wynant van Rathinghem priester een
der heeren der huyse van Pitsenborch, staende bynnen der stad
van Mechelen, by consente van heer Henricken van Vessele Ridder
terven gegeven
Commandeur des selfs huys, heeft vercocht Henricken van
Houthem ende Beatere van Haeght synen wive, Een huys metten
plaetsen hove ende metten anderen huysen, daer achter staende ende
oic metten gronde etcetera dat Henricken van Dueren toe plach
te hore ende synen kynderen toe plach te hoiren, gelegen inde
Lange Scipstrate, tusschen wylen Joes vander Heyden erve dat
nu synder weduen ende kynderen toebehoirt, aen deen zyde ende
heer Peter van Turnout priestere erve aen dander zyde, Ende
Item een huys metten gronde etcetera dat oic de voirscreven Henricken
van Dueren, ende sinen kynderen toehoirde, gelegen aldaer, tegen
tvoirgenoemde yerste huys over tusschen Jans vander Heyden huys
aen deen zyde ende eenen hof, die oic den voirscreven Henricke
plach te hoiren
van Dueren toehoerende, aen dander zyde, Ende den selven
hof, metten gronde gelegen oic aldaer, tusschen der voir
tvoirscreven leste huys vutgegeven huyse aen deen zyde ende
de Peter Leeuw erve aen dander zyde. A Domino Mechliniensi. Te besitten
op eenen erffelike, welken, gelike wys ende in alder manieren
als de voirscreven heer Wynant, de voirgenoemde huysen man ende den
ende ander goeden
voirscreven hof, met alle haere toebehoirten, ^ tanderen tyde voir
achterstelligen chys, die hy daerop hadde, wettelic verreyct
ende vutgewonnen heeft. A Domino Mechliniensi. Te besittene op eenen erffelike
chys van acht gouden Rynsgulden goede etcetera, te wetene
veertich groten Vlaems voir elken van dien gerekent Te
heffene altyt tot twee terminen, te wetene deen helft daeraf
tot Paessche ende dander helft, tot Bamisse, Ende opten voirchys
van drie gelike gouden Rynsgulden vanden voirscreven pryse
erffelic van vier der selver gouden Rynsgulden vanden
selve pryse lyfpensien tot twee van Joes Vrancx kynderen
live, die ter quitingen staen, elken Rynsgulden daeraf met
thien der geliker gulden ende van twee croonen vanden
ve besten
munten etcetera ten live van jouffrou Barblen vander Heyden
beghine, dair jaerlicx vutgaende, met alsulker condicien
dat de voirscreven Henric van Houthem ende syn wyf zelen
moegen lossen ende quyten, de voirscreven Acht Rynsgulden
der voirscreven chys, altyt als hen dat gelieven sal, tot twee
male ende niet min ende elken gulden daeraf met zesthien
gelycke gulden ende met vollen chyse
Assignavit
IXa January tempore simile
non est stipulatus
Jan de Beckere et uxore
Item. Willem vanden Zype ende Jan vanden Ryne, by we alle
proviseurs ende inden name vander taflen des Heylichs Gheest
van Hevere, by bywesene wetene wille ende volcomen consente
van Rommond vanden Zype ende van Wouteren Ruelens
als proviseurs vander fabrike der voirscreven kerke ende oic van
Peteren vanden Rode ende van Rommond Tessche als gesworene
van Hevere, hebben, om der meeste orboirs ende prouffyts wille
vander voirscreven taflen des Heyliche Gheeste terve gegeven
Janne de Beckere wylen Janssone ende Lysbetten van Hanswyc
synen wive , Een huyse metter schueren hove ende met
eenen stuc lants ende oic metten gronde etcetera houdende te samen