Blader door transcripties » Stadsarchief Mechelen

archieftoegang 2, inventarisnummer 936, pagina 27

Peter Peters
Mol, Dyest. Barble van Weesmale, weduwe wylen
Janne vanden Wyele, met haere momboir, heeft opgedragen
haer tocht, die sy hadde, inde helft van eenen huyse metten
hove gronde, dat den voirscreven wylen Janne toehoirde
gelegen inde Nieuwen Bruel, tusschen Peter Sleeuwe huys
aen deen zyde ende wylen Henricx sVoldere huys, dat nu
synen kynderen toebehoirt, aen dander zyde. A Domino Mechliniensi, Waranderende. Op
drie chysgulden twee gouden gulden van Borreman, twee
capuynen twee mottoenen ende eenen halve twee gouden
Rynsgulden ende drie pond achtien scellinge paymente
daer jaerlicx jaer etcetera tot behoef van Jacop vanden
Wyele, des voirscreven Jans vanden Wyele brueder, dier yerst
inne gegoet was, Ende dair na heeft, de selve Jacop
voir deen helft ende de voirscreven weduwe met haren momboir
voir dander helft vercocht Peteren Petere, wylen Jan
Peters soon scoenmaker, tvoirgenoemde huys, metten hove, waer
op drie chysgulden, twee gouden gulden van Florencen
twee capuynen twee mottoenen ende eenen halven, twee
gouden Rynsgulden ende drie pond achtien scellinge
payments daer jaerlicx vutgaende
Assignavit XXXIII Rinsgulden
Ultima decembris tempore simile
de wedue van wylen
Jan vanden Wyele
Item de voirgenoemde Jacop vanden Wyele, inde name van hem
selven ende van allen den anderen synen medeplegeren vander eender
helft vanden haeffelike goeden, achter de doot vanden voirscreven
wylen Janne synen brueder gebleven, die hy in hen vervinghe
heeft quytgesconden los vry ende ledich, de voirscreven Barble
der weduen vander helft vanden van alle den selve
haeffelike goeden, die hem den voirscreven Jacoppe byder doot
vanden voirscreven wylen Janne vanden Wyele sinen brueder
doen hy leefde
die der selver weduen man waer ^ in eeniger manieren
verstorven moegen syn
ut supra tempore simile
te Peter van Ghente
Hanne, Bossche. Meester Jan de Leeuw docteur in Loye ende Jan van Nuffele
by consente van Gielis sinen zone vendidit Meester Peeter van Ghente, Canonick
van Sinte Rommonts kerke drie Rynsgulden erffelicx chyns te wetene veertich groten
Vlaems voir elken Rynsgulden gerekent half Sint Jansmisse ende half te Kersmisse
daeraf den yersten termyn syn sal Sint Jansmisse naestcomende voer verbindendeel
te wetene de voirscreven Meester Jan de Leeuw zyn huys metten hove gelegen inden
Nuwen Bruel tusschen Janne Kerstiaens ende Janne van Culixrode, op XXII
stuvers daervoir vutgaende, Ende de voirscreven Jan van Maersselaer syn huys metten
gronde etcetera gelegen inde Aedegheem strate byde Aedegheem plaetsse
tusschen Henric van Dueren, smet, ende Jan vanden Spyke, op thien stuvers daervoer vutgaende
A Domino Mechliniensi Waranderende etcetera
XXVIIIa decembris tempore simile
Item de voirscreven Jan ende Gielis zyn sone hebben den voirscreven meester Janne
de Leeuw vanden voirscreven chynse costeloes ende scadeloes gelooft te lossen
ende tontheffene
ut supra
Heer Wouter Scolle priester
ende Margriete Crabbe
Mol, Ghooten. Jan Alen ende Katheline Gheens syn wyf hebben
vercocht heer Wouteren sColle priester tot synen live ende oic tot
behoef ende ten live van Margrieten Crabbe, Willem Henricx
dochter ende ten langstlevende live van hen beyden, Eenen gouden
Rynsgulden goet eer, te wetene XL groten Vlaems gelts voir dien
gerekent, lyfpensien Te heffene altyt opten derden dach van
januari, Op des voirscreven Jans ende zyns wyfs huys, metten hove
gronde etcetera gelegen tot Neckerspoele inde Rechte strate tusschen
Jans van Hasselt erve diemen heet Smout ende Matheeus Metten
Struycke erve. A Domino Mechliniensi, Waranderende. Opte weerde van zesse scellinge
ende drie penninge groten Brabants dair voir vutgaende, dominus dictus Walters
levabit et inde disponet
IIIa January
Item de voirscreven heer Wouter inde name van hem ende inden name
vander voirscreven Margrieten, heeft den voirscreven Janne ende synen wive geconsenteert
dat sy sullen mogen quyten altyt als hem dat gelieven sal
met thien gelycke Rynsgulden ende met vollen chyse dairvoer
eens te betalen
ut supra
Jan de Sceppere
Dyest, Bossche. Steven Belyanen, heeft getransporteert tot behoef
van Janne de Sceppere, alsulken scult van vierenveertich gouden ryns
gulden ende eenen halven als Jacop de Busscop den voirscreven Steven sculdich
ende tachter es, transferens ac volens ut in forma
IIa January tempore simile
Zander vander Heyken
ende syn wyf
van
Mol, Bossche. Pauwels vander Donct vande Zander Heyken ende
Kathelinen van Reeth synen wive Een huys metten hove gronde
etcetera gelegen Sinte Kathelinen strate, tusschen Gielis van
Opborch ende Reynere, Gelders erve. A Beato Rumoldo, Waranderende.
opte weerde van elf scellinge ende zesse penningen groten Brabants erffelicx
ende twee Peeters lyftochten, staende ten live van heer Janne
vander Hoeven priester ende van Lysbetten synder dochter dair vutgaende
behoudelic dat tselve huys metten hove onderpant ende
bliven sal voir de helft van veerthien scellinge Lovens, twee
capuynen ende acht pont payments gaende vuten des voirscreven Reyniers
huyse daer alder naest gelegen
Assignavit XXXVI Peters
XXVIIa novembry tempore simile
Hamme bossche
Henric van Coevonde
Item. Katlyne van Coevoirde wylen Machiels dochter heeft
quytgeschouwen los van ende ledich Henric van Coevoirde
hueren brueder van allen den haeffelike goeden huer byder doot van
wylen Matheeuse van Coevoirde hueren brueder in eeniger manieren
verstorven, geheelic ende al
Ut supra tempore simile