Blader door transcripties » Stadsarchief Mechelen

archieftoegang 2, inventarisnummer 936, pagina 26

Willem vanden Eynde
Jan Berct. Jan, Rommond, Katheline ende Lysbeth vanden Eynde Willems kynderen
hebben quytgeschonden los vry ende ledich den selven Willeme haeren vader
van allen den haeffelike goeden die hen byde doot van wylen Lysbetten
Ryne Rauwe haerer moeder die wyf was doen zy leefde des voirscreven
Willeme haers vader in eeniger manieren verstorven syn geheelic
XXVIII decembry
Segere vanden Brande
et alya
Dyest, Bossche. De voirgenoemde Lysbeth Roest, de wedue ende
van haer sevende
inde name vander voirscreven Kathelinen der kynderen haerer
in haer
dochter infra annos etcetera die sy desen verving, Ende de voirgenoemde
Katheline ende Magriete Roest, voir hen selve, Ende de
voirgenoemde Gheerd vander Berct ende Gielis de Vos inde
name vanden voirscreven Pasquinne vander Coest, infra anno
die sy in hen vervingen, hebben quytgesconden los vry ende
ledich, Segeren vanden Brande, Laureys vander
soenene
Coeyenhage, Cornelis de Neve ende Willem de Vettere ende Gielis
van Craen van alle den bewinde Regimente ende administracien
dat sy gehadt hebben vanden haeffelycken goeden henlieden
byder doot van wylen Jacomynen Roest, wylen Jan
zone kynderen
Thys wive, der voirscreven Lysbetten Voest zuster ende der
voirscreven Kathelinen Magriete ende Pasquyne moeyen
in eeniger manieren verstorven
XXX decembris tempore simile
Meester Jan de Witte
Peter
Mol, Berct. Bouwen vander Berct, heeft gekent ende geleden
dat hy gehadt ende ontfangen heeft in gereeden penningen
van Meester Janne de Witte Raid ons genadichs heeren tsHertoge
van Burgon van Brabant etcetera ende een vanden commissarissen
by hem geordineert om te aenveerden der Fransoysen
goeden ende van anderen houdende de partyen vanden Coeninc
van Vranckeryck, de somme van dertich ponden zeven scellingen
groten Vlaems gelts ende dat vanden penningen die van ons voirscreven
genadich heeren wegen ende tot synen versuecke ende vervolgen
opgebuert ende geexecuteert hebben geweest byden voirscreven
meester Janne de Witte, op Janne de Beckere ende Joorys Cousaert
Blauwverwers bynnen deser stad, Ende dat by crachte van zynder
comessien ende oic by virtute vanden openen mandamenten
van tecompensatien, die de voirscreven bouwere geinpetreert ende
vercregen heeft van onsen voirscreven genadigen heere ende die voirt
gepresenteert ende geexhybeert den voirscreven meester Janne de
Witte, Ende dat boven ander zeker sommen van penningen
die hy vanden selven Meester Janne tanderen tyden ontfangen
heeft vut saken ende by crachte als boven verclaert staet
ende daer af hy hem quytancie gegeven heeft voir
de heeren vanden Raide van Vlaenderen ende oic van zynder
hant, Gelovende dair omme van al dat voirscreven staet
de voirscreven meester Janne quyt te houdene, ende tontlastene ende
te doen ontlasten van onsen voirscreven genadich heere ende van allen
anderen, Ende om der meerder zekerheyt den voirscreven Meester
hebben
Janne te doene van tgene des voirscreven staet, Soe heeft de
voirscreven Bouwen vander Berct ende oic Rommont vander Berct synen
sone, die dairomme daervoir ons gecomen es, by manissen etcetera
Meester Janne van Bost tot desselfs Meester Jans behoef in
tytule van gewarigen pande verbonden ende te pande geset
alle huere haeffelike goeden waer die bevonden zelen wordene
ende oic erffelike goeden metten gronde etcetera bynnen etcetera gelegen
gelyc hy tanderen tyden oic heeft gedaen, voir schoutet ende
scepenen van Mechelen. A Domino Mechliniensi, Gelovende de voirscreven Bouwen den
voirscreven meester Janne van Bost tot des voirscreven Meester Jans Beke
de Witte, behoeff, meer vasticheyden te doene, dien dat
nood zy ende hy des vanden selven Meester Janne de Witte versocht
wordt, tot den welke etcetera
XXIIIIa decembry
Jan Gheylens et uxore
Mol, Dyest. Hubrecht vanden Broeke diemen heet Musschen
heeft terve gegeven Janne Gheylinc ende Magdaleenen van Muysene
synen wive, Een huys geheeten Zantvlyet, metten gronde etcetera dat
wylen Henricke van Eppegheem toe plach te hoiren, gelegen over
de Grootbrugge opten Vischwerf, tusschen eenen wech oft doerganc
aldaer, aen deen zyde ende thuys Dordrecht geheeten, toehoerende
Janne Waelpoyt aen dander zyde, Ende sesse cammeren, die oic
de voirscreven wylen Henricke toebehoirde, metten gronde etcetera gelegen
wylen
aldair int Hooghstraetken, tusschen Wouter Boots erve aen
deen zyde ende Gheerd Conincx erve aen dander zyde. A Domino Mechliniensi,
Te besitten, op eenen erffeliken chys van vyf gouden Ryns
gulden goede etcetera te wetene veertich groten Vlaems gelts voir
elken van dien gerekent, Te betalen altyt tot Kersmisse
Ende opten voirchys vander weerden van drie pond vyf
scellinge groten Brabants gelts daer jaerlicx vutgaende, behoudelic
dien, gaeter min vut dat sal den voirscreven Janne ende Magdaleene
syne wive te baten comen, met alsulker condicien, dat de
voirgenoemde Jan ende Gheylinc ende syn wyf, sculdich zelen
syn te quiten, de voirscreven vyf gouden Rynsgulden des voirscreven
chys totten termynen hier na volgende, Te wetene, den
eenen gulden dairaf, bynnen eenen jare naestcomende ende
dander vier gulden, dairaf, bynnen sesse jaeren tyt daer
naer terstont vervolgende ende elken gulden dairaff met
zesthien gelycker gulden ende met vollen chyse
Repens Willem Danneels
Janne Beert van sCranen filius naturalis Cornelis sCranen, heeft gekent ende goeden vlaems den
dat hen meester Lambrecht de Porttere docteur in medicinen Hubrechtstrate ende Henrick Sol receptor
Huens als executeur vanden testamente ende vuterste wille des voirscreven wille Daneels genoech, als
gedaen hebben ende gecontenteert vander somme van XII Peters tot XXXVIII stuvers den Peter gerekent die
hem de voirscreven wille Daneel syn vader met synen testamente gegeven ende gemaect heeft ende heeft daer
af ende voirtaen van alle anderen moeyenissen sommen van penningen ende anderen dingen die hij hen soude
mogen heisschen vut saken vanden versterffenissen, desselfs syns vader oft anderssins in eeniger
manieren, Quytgeschonden los vry ende ledich de selve executeurs geheelic ende al sonder argelist
XXVII decembris