Blader door transcripties » Stadsarchief Mechelen

archieftoegang 2, inventarisnummer 936, pagina 28

Sanders vander
Eyken et uxor
Mol, Bossche. Pauwels vander Donct heeft bekent dat hy gehadt
ende ontfangen heeft van Zanders van Heyken ende van Kathelinen van
Reeth synen wive, de somme van zessendertich Peters, die hy zy
der selve Pauwels vut saken vanden coope vanden huyse in
Sinte Katlynen strate gelegen sculdich ende tachter waeren, Ende dair
af heeft de selve Pauwels quytgesconden los vry ende ledich
den voirscreven Zanders ende synen wive ende allen anderen des quytancie
behoevende, geheelic ende al
Ultima decembry tempore simile
Jan vanden Wolke
Aa, Berct, Willem van Zegbroeck, heeft opgedragen syn tocht
die hy hadde in een huys metten hove gronde etcetera gelegen
te Hombeke, tusschen tgoidshuys van Cortenberge erve ende
Jan Gheerts erve. A Domino Mechliniensi, Juravit tot behoef van Janne Laureys
Kathelinen van Zegbroeck, synen houden ende oic tot behoef van
Kathelinen van Zegbroeck, wilen Henricx dochter, daer een brueder
was doen hy leefde vanden selven kinderen van Zegbroeck, qui fuerunt
adheriditi, Ende dair naer soe hebben de voirscreven Jan ende Laureys
van Zegbroeck gebruederen ende Katheline van Zegbroeck, haer zuster
met Jacoppen Pyckaert hueren man inden name van hem selve
ende oic inden name vanden voirscreven Katlyne van Zegbroeck, des voirscreven Willem
Henricx dochter, die sy by haeren consente in hem vervingen vercocht
Janne vanden Wolke, tvoirscreven huys metten hove gronde etcetera
Waranderende. Op anderhalf veertel Rogs ende vyf cleyn swerte Turnoyse
dair vutgaende
ut supra tempore simile
de Cellebrueders
van Mechelen
Hamme, Bossche. Gheerdt vander Aa, onse medescepene, heeft bekent
dat hy gehadt ende ontfangen heeft vanden cellebrueders bynnen
deser stad de somme van zesse hondert ende viventwintich gouden
Rynsgulden goede etcetera te wetene XL groten Vlaems gelts voir elken
der selve Rynsgulden gerekent, die sy den selven Gheerden vut
saken van eenen huyse inde Bogaertstrate gelegen, dwelck sy tegens
heur gecocht hebben sculdich waer, Ende dairaff heeft de
selve Gheert quytgeschonden los vry ende ledich, bruederen, Henricken
Degens pater des goidshuys vanden cellebrueders, tot behoef vanden
selven goidshuyse ende allen anderen des quytancie behoevende geheelic
ende al
IIa January tempore simile
Ymbrecht vanden
Broeke alias Musschen
Hamme, Berct. Olivier Daems sone wilen Coes heeft gekent ende geleden dat
hy ontfangen heeft van Ymbrechte vanden Broeke alias Mussche alsoe wissele
de somme van thien Rynsgulden te wetene XL groten Vlaems gelts voir elken
gulden gerekent die tot behoef vanden selven Olivieren ende syne mede
inden handen vanden selve Ymbrechte alsoe wisselen vut saken vander zaek
vanden dootslage tanderen byden inden persoen vanden voirscreven wylen Joese daer
synen vader geschiet geset syn geweest, Ende heeft daeraf quytgeschonden
los vry ende ledich den selve Ymbrecht ende alle andere die quytancie
behoeven geheelic ende al, Gelovende de selve Janne ende met heer Rommond
Neve als int Moeleke aldair voir ons present synde de voirscreven quytancie
altyt gestentich ende van weerde te houden, tot eeuwigen dage sonder argelist
a Janne
Wouter de Wolf
Mol, Ghooten. Jan Eelens, by consente ende bywesene van
Janne van Os heeft opgedragen tot behoef van Wouteren de
Wolff een huys metten gronde dat den selven Janne toe plach
te hoiren, gelegen buyten der Hanswyc poirten, opten hoeck
vanden Voedoecstraetkene, tusschen tselve straetken aen deen
zyde ende des voirscreven Wouters erve aen dander zyde, gelyc ende
inder manieren de voerscreven Jan tselve huys tanderen tyden voir gebreck
van waerscapen hem tanderen tyden byden voirscreven Janne gedaen
wettelic vutgewonnen ende verreyct heeft. A Domino Mechliniensi, Waranderende etcetera.
IIa January tempore simile
Joes Vrancx
Mol, Bossche. Margriete van Beveren, met Peteren van Waerloos
haeren man voir deen derdendeel, Gielis Vrancx ende Zeger de
Kempenere van svaders wegen, de voirscreven Peter van Waerloos ende
Anthonis van Beveren vander moeder wegen, als momboire ende inden
name van Gielisen ende Magrieten Vrancx Joos Vrancx kynderen
onder haere jaeren wesende, die sy in hen vervangen voir dander derdendeel
wylen Willem van Beveren soon
Ende Jacop van Bevere ende Katheline van Bevere zyn suster wille
Willem van Bavere kynderen, cum tutore voir hem selven, Ende de voirscreven
Peter van Waerloos ende Anthonis van Beveren van svaders wegen ende
Rommont de Groote ende Jan vanden Hornicke vander moeder wegen
als momboiren ende inden name van Janne Joorisen Peteren Lysbetten
oic    deylen Willem van Beveren
ende Margrieten van Beveren, des voirscreven Jacops ons Kathelinen bruederen
kynderen
by wesene ende volcomen
ende sustere, die sy by ^ consente van Keyneren de Heelt commoingemeesteren
van deser stad in hem vervangen hebben voir tderde derdendeel
vanden goede hier naer bescreven vendidit den voirscreven Joosen Vrancx
Een stuck bempts metten gronde ende synen toebehoirten houdende
omtrent een half buender, gelegen buyten der Aedegempoorte
inde Pissestrate, tusschen des goidshuys van Betanien erve
ende Jan Bortels erve, op twee chysgulden erffelic ende
zessentwintich scellinge groten Brabants lyftochten, staende ten
live van Barble van Eppegheem, dair vutgaende. Item
een huys metten hove gronde etcetera gelegen buyten den
Wykete, tusschen des voirscreven goidshuys erve ende Joos Lissens erve
op zeventhien stuver Lovens dair vutgaende. Item een cleyn stucxken
Bogaerts metten gronde etcetera gelegen dair tegen over
tusschen des voirscreven Joos erve ende Matheeus Theeus erve sonder eenige
last van chyse dair vutgaende, Ende zesse chysguldenen