Blader door transcripties » Stadsarchief Mechelen

archieftoegang 2, inventarisnummer 936, pagina 25

Bartelmeus van
Hoevorst
Bossche, Berct. Lysbeth Melys met Rommond tSerneels haeren man
heeft opgedragen tot behoef van Bartelmeusen van Hoevorst
allet recht tvierendeel ende alle trecht dat zy hadde in twee
huysen metten hoven gronde gelegen buyten de Coepoorte
opten Scheyselberch, tusschen Jans vander Heyden erve ende
Gielis van Assche aen dander zyde. A Domino Mechliniensi, Waranderende etcetera
XXIIIIa decembry tempore simile
Lysbeth Melys
Item. De voirscreven Bartelmeus heeft bewesen der voirscreven Lysbetten
tot haeren live eenen gouden Peter vander Muntere, te wetene
XXXVI groten Vlaems voir dien Peter gerekent lyfpensien
Te heffene altyt tot Sint Jansmisse daer af den yersten termyn
van betalingen syn sal tot Sint Jansmisse naestcomende, Op des
voirscreven Bartelmeus twee huysen metten hove boven genoemt ende
voirtaen op alle dander syne erffelike goeden presenta et
futura infra et extra
ut supra tempore simile
Jan vanden Bossche
ende syn wyf
Mol, Berct. Jan de Huysheere, heeft vercocht Janne vanden Bossche
droechscheerdere ende Lysbetten Storms synen wive, Een huys metten
hove ende met eenen anderen huyse daer achter staende gronde etcetera
gelegen in Sinte Kathelinenstrate tusschen Aerd van Diest
erve ende der weduen ende kynderen wylen Jan Hersoens erve. A Beato
Rumoldo, Waranderende. Op Sesse chysmottoene twee capuynen ende vyf
pondt payments daer vutgaende
Jan Pre die
ven Achele
et
Assignavit XX pond groten
XIIII decembry tempore simile
Jan de Huysheere
Item. De voirscreven Jan vanden Bossche ende syn wyf deene den voirscreven
Janne den Huysheer, twaelf pondt groten Brabants. Te betalene de vier
acht pondt groten daeraf tot Sint Jansmisse naestcomende ende
dander acht pondt groten daer af tot Kersmisse daer naer ter
stont vervolgende, Ende hier voir hebben zy verbonden
al de voirscreven twee huys met syne toebehoirten boven genoemt
Ende voirtaen alle sine haeffelike goeden presenta et futura.
ut supra
Lysbeth vander
Scoepe
Bossche, Berct, Wouter vanden Berbele filius quondam Andre heeft
openbaerlic
gewilt ende voir synen vutersten wille geordineert, dat oft gebuerde
dat hy sonder wettich gebuerte van sinen live gecomen levende
achter te laten, storve ende aflivich werde, dat alsdan in dien
gevalle, alle syne haeffelike ende erffelike goeden waer die
bevonden zullen worden, ende tot wat steden oft plaetsen die
byne oft buyten der vryheyt vander stad van Mechelen gelegen
toecomen ende versterven zelen
syn, Lysbetten vander Strepe zynder moeder ende weduen
des voirscreven wilen Claes Andries vanden Bruekele, toecomen ende
syn moeder
Ende oft gebeurde dat de selve Lysbeth, oic sonder wettich
gebeurte van haeren live gecomen levende achter te latene
aflivich werde, dat alsdan de selve erffelike goeden
toecomen ende versterven souden, te wetene deen helft hueren
ende dander helft synen gerechten erfgenamen, dien die
goeden na den rechte vanden plaetsen daer die gelegen syn
sculdich syn toe te comen ende versterven
XXIIIIa decembris
de wedue van Wylen
Wouters vander Eyken
Dyest, Bossche, Lysbeth Roest wedue wylen Jan der kynderen
met haere momboir, heeft opgedragen haer tocht, die sy hadde
in tvierendeel van eenen huyse geheeten de Voldere, metten
gronde etcetera gelegen inde Heembempt, tusschen wylen Jan Rogiere
erve, dat nu Cornelis de Leenere toehoirt aen deen zyde ende
een huyse dat heer Janne van Bost priester toehoirde, aen dander
zijde. A Domino Mechliniensi, Juravit etcetera tot behoef van Kathelinen Roest, haerer
haere meer hier na bescreven tot heur behoef
dochter, daer ierst inne geerft waere ^, Ende daer na hebben
Reyner de Heelt commoingmeester, by gebreke vanden momboiren
van svader wege ende Jan vander Moelen ende al Laureys
vander Loegenhage vanden als vander moeder wegen, als momboir
ende inde name vander voirscreven Katheline, infra annos
die sy in hen vervingen voir tvoirscreven vierendeel ende de
oic Katheline ende Magriete Roest, wylen Symoen Roest kynderen
met haere momboir
der voirscreven Lysbetten Voest brueder doen hy leefde voir hen selve
Ende Gheens vander Berct ende Gielis de Vos inde name
van Pasquyne vanden Roest, der voirscreven Katheline ende
Magrieten zuster, bynnen haere jaeren, wesende, die sy oic
in hen vervingen, voir dander vierendeel, hebben vercocht
Lysbetten Versteveren, weduwe wylen Wouter vander
selve twee vierendeelen
Eyken, de helft vanden voirscreven huyse met synen voirscreven
toebehoirten, waranderende, opte helft van vier chysgulden
ende van twee pond vyff scellingen paymente dair
jaerlicx vutgaende
Assignavit de helft van XXII Peters
XXXa decembry tempore simile
die henlieden byder doot van wylen Jaqueminen Roest, wylen
^ ende haere kynderen die
Jan Thys wive der voirscreven Lysbetten Roest zuster ende der
voirscreven Kathelinen ende Magriete ende Pasquinen Roest, moeye
waer doen sy leefde in eenige manieren verstorven moeten syn