Blader door transcripties » Stadsarchief Mechelen

archieftoegang 2, inventarisnummer 936, pagina 24

Item op syn twee huysen metten hove gronde gelegen aldair
tegen over, tusschen Reyniers vander Haelt erve ende Henrick
vander Bruggen erve opte weerde van Seventhien scellinge
grote Brabants daer voir vutgaende, Item op syn huys metten
hove gronde gelegen inde Molenberch, tusschen Willeme
vander Maze erve ende Barblen vanden Bossche erve opte
weerde van zeven scellinge groten Brabants daer voir vutgaende
Ende voirtaen op alle dander des voirscreven Henricx andere erffelike
goeden metten gronde, die hy nu heeft ende namaels hebben
ende vercrigen sal bynnen der stad ende vryheit van Mechelen
wesene ende gelegen. A Domino Mechliniensi, Waranderende etcetera
XXIIII decembry tempore simile
Item de voirscreven Jorys ende oic Jan van Alte ende Jaspar vander Molen momboir
ende inden name vanden voirscreven kynderen hebben den voirscreven Henricken
geconsenteert dat hy de voirscreven XX Peters der voirscreven rente sal
mogen quyten altyt als hem dat gelieven sal tot te met thien
Peter te male ende niet min ende elken Peter daeraf met thien
der geliker Peter een met vollen chyse daer voir te betalen
present als getuygen Jan vander Eyken ende Gheerdt vander Elst ende
Aert Cleynaerts
ut supra
Willem Ymbrechts
toebehoerende Janne
Eystere
Ghooten, Berct. Jan Ymbrechs heeft vercocht Willeme Ymbrechts synen
brueder de helft van twaelf chysgulden erffelicx chys, die hy heeft
dair af dander helft den selve Willeme toebehoert, die de voirscreven Jan
heeft op een huys oft woeninge metter plaetsen gronde etcetera
gelegen inden Ham in Sinte Rommonts prochie, tusschen Jans vander
Heyden erve ende Peter Caluwaerts erve. A Domino Mechliniensi, Waranderende etcetera.
ut supra
Pot Retro suo
loco
Willem Steylaerts
Diest, Bossche. Jan vander Cammen blauwverwere, heeft vercocht Willeme
Steylaert twee gouden Rynsgulden van synen vyf geliken
Rynsgulden erffelic chys, die hy heeft op des voirscreven Willeme
huys metten hove gronde gelegen inde Coestrate over de leste
brugge aldair tusschen Jacop de Beckere aen deen zyde ende
wylen Jan Grauweels erve streckende achterweert tot Jan
Dorspoele erve, Ende op syn cleyn huys met eenen cleynen
plaetskene, gelegen opte Aenslagershergracht tusschen des voirscreven
Jacops erve ende de voirscreven Jans van Vorspoel erve streckende
metten voirscreven plaetskene tot den voirscreven hove. A Domino Mechliniensi, Waranderende.
Assignavit XVI denier
XXIIII January
Lembrecht Wittocx
Ghooten, Berct. Jan Rogiers, Willem Gheerdt Rogiers sone, heeft vercocht
Lembrechten Wittocx, Een huys metten hove gronde gelegen
op Neckerspoele int Scheffortstrate, tusschen Jacop tSermertens
erve ende der weduen Willem Gielis Kegels erve. A Domino Mechliniensi, Waranderende.
op twintich stuvers ende eenen halven daer vutgaende
Assignavit XII Peters
XXIIIIa decembry tempore simile
Willem Trabukier
Marten vander Hulst heeft opgedragen tot behoef van
Willeme Trabukier een huys oft woeninge metten hove gronde
gelegen inden Nyeuwen Bruel opten hoeck vander yerster
Vleeschouwersstraten, tusschen de selve strate aen deen zyde ende
een huys dat Janne Adelen toe plach te hoiren ende dat nu den
kynderen van wylen Anthonis Godeffant anders geheeten inde Creeft
toebehoirt streckende achterweerts over den vliet aldair ende
voirscreven yerste Vleeschouwersstrate ende tot inde tweede Vleeschouwersstrate
Ende voirtaen alle dander erffelike goeden die den voirscreven Willem
toe plagen te hoiren, die hy hadde oft vercrigen soude, gelyc ende
ander manieren de selve Marten de selve goeden tanderen tyden voir
achterstelligen chys die hy daer op heeft wettelic vutgewonnen
ende verreyct heeft. A Domino Mechliniensi, Waranderende. Op salvo de Mario suo
cons oic oic alsoe
Jan Kerstiaens ende
syn wyf
Bossche, Berct. Gheerdt Back, diemen heet Int Woudt, heeft vercocht
Janne Kerstiaens ende Kathelinen vander Stichelen synen wive
Twee pondt groten Brabants gelts erffelic chys Te heffene
altyt tot Kersmisse daeraf den yersten termyn van betalinge
syn sal van Kersmisse naestcomende over een jair daer naer
volgende, Op des voirscreven Gheerds huys oft woeninge metten
huysen stallen plaetsen gronde etcetera geheeten dWout gelegen
aende Vischmerct tusschen den Wolf toebehoirende Janne van
Borncroode, aen deen zyde ende duerendale toebehoirende der
weduen ende kynderen van Willem Aerde vanden Broeke diemen
heet Mussche, aen dander zyde, Opte weerde van driendertich
scellinge groten Brabants daer voir vutgaende, Ende op syn huys
metten gronde geheeten den Ancker, gelegen inde Naustrate
tusschen Machiel Ghestmans erve ende wylen Jan Boyens erve
opte weerde van acht scellinge groten Brabants daer voir
vutgaende. A Domino Mechliniensi, Waranderende etcetera.
Assignavit den XVI denier
XXIIII decembris tempore simile