Blader door transcripties » Stadsarchief Mechelen

archieftoegang 2, inventarisnummer 936, pagina 17

Jan van Bonrode
Diest, Bossche. Bouden sHoens Henricx sone voir hem selven
ende Wouter van Seynthout, oic voir hem selven ende deselve
Wouter in inden name van Janne van Seynthout ende van
Kathelinen sHoens synen vader ende moeder, absent ende haerer
leven amechtich wesende, die hy in hem vervangen heeft
hebben quytgeschonden los vry ende ledich, Janne van
Bonickale van allen den haeffeliken goeden, die henlieden
byder doot van wylen Clemmen sHoens, des voirscreven Boudens
moye ende der selver Kathelinen sHoens suster ende die oic
wyf was doen sy leefde, des voerscreven Jans van Bonickale, in
eeniger manieren verstorven mogen syn, geheelic ende al
VIIa decembry tempore simile
Janne, Mol, Barble Nouts met Wouteren de Vryese haeren man
Katheline Nouts haer suster met Anthonisse Lachman haeren
man voir de drie vierendeelen ende Aerts Nouts voir de helft
vanden vierde vierendeele vanden erffeliken chyse hier na bescreven
hebben vercocht Peteren du Parc haer drie vierendeele ende de helft
vanden vierden vierendeele van zesse gouden Croone vander munten etcetera
goede etcetera, oft de weerde de voere, erffelicx chys, die sy hadde op
des voirscreven Peters
oic aen huys oft woeninge met allen synen toebehoirten geheeten
den Guldenencop gelegen, aenden Steenwech tusschen derve
geheeten den Caelberch ende derve geheeten den Halsborch. A Domino Mechliniensi,
Waranderende etcetera
VIIa January
Henrick Wouters
Mol, Ghooten. Jan Rabboots heeft vercocht Henricken Woutiers drie
gouden Peters vander munten etcetera goede etcetera oft de weerde daer
voer, Te betalen erfflic chys, die hy hadde op des voirscreven Henricx
huys den Acker geheeten, gelegen inde Nauwstrate tusschen
Jan Peysters erve ende Matheeus Keldermans erve, aen dander zyde
A Beato Matheo de Zellaer, Waranderende etcetera
Assignavit
XIIIa decembris
Ghooten Berct
de stad van Mechelen
Heylwych Peter Meeus dochter, wettige huysvrouwe
van wylen Machiels de Pape, met eenen vremden momboir haer
metten rechte verleent, Ende hebbene vanden selven Machiele volcomen
macht om te doene tgene dat hier naer volght by eender procuracien
daer op gemaect ende bezegelt metter stad zegel van Antwerpen
Lodewycke van Heyst rentmeester Peter tot behoef vander stad van
heeft vercocht Lembrechte vander Broeke alias Mussche, alsulken Mechelen
twintich scellinge oude groten al erffeliker renten die als
de selve Machiel hadde opte stad van Mechelen, verschinende
jaerlicx ten terminen ende brieve daer op gemaect begrepen
Ac Renunciavit et promisit, Waranderende, Ende hier inne heeft
rentmeesters vander stad behoudelic
de selver stad daer inne haer rechte syn consent gegeven
XIIIa decembris tempore simile
Marck de Neve
oft bosschen
Diest, Bossche. Wouter tsRots woenende ter Boedenheyden, heeft
gelooft ongevrydt na der divisen recht te gevene ende
te betalene, Marcken de Neve negen gouden Croenen
vander munten etcetera, goede etcetera, te wetene XXIIII stuvers voir
elke Croene gerekent, tusschen dit ende Zincxeren naestcomende
sonder eenich wederseggen
ut supra
De selve
Item. Willem de Byn oic ondersate ter Boedenheyden
heeft gelooft als boven, den voirscreven Marcken te geven
ende te betalene, drie der selver Croonen vander maten
ende prise voirscreven tusschen dit ende Zincxene oic naestcomende
sonder eenich wederseggen
ut supra
Margriete van
Oesterhout
dewelke de selve
missen tanderen tyden by
Wale Caesen van
Hofstaden priester
synen testamente gemaect ende gelaten
Mol, Berct. Matheeus Guedens Jan vanden Kerchove Jan vander Eyken
ende Steven van Duffle priesters proviseurs ende inden name vanden
Vroemissen in Sinte Rommonde kercke te Mechelen et porre hebben
vercocht Margrieten van Oesterhout wylen Diericx dochter van
Oesterhout, Een huys metten hove ende twee cameren daer
aen gelegen opte Mylane inde Mossestrate gelegen tusschen
Kathelinen Baryns aen deen zyde ende den vliet aldair aen
dander zyde. A Domino niet de Zellaer, Waranderende. Op vyf chysgulden
daer vutgaende
Assignavit V Peters erfflicx
Ut supra