Blader door transcripties » Stadsarchief Mechelen

archieftoegang 2, inventarisnummer 936, pagina 18

Ghooten Bossche
Jan Reet
loco suo
de kynderen van
Steenwinckele
Margriete van Steenwynckele, wylen Willeme van Steenwynckele
dochter met Janne Ruelens haeren man, heeft bekent
gehadt heeft
voir ons dat zy ^ als voir haer deel ende porcie van
allen alsulken erffeliken goeden als haer byder doot vanden
voirscreven wylen Willem haeren vader in eeniger manieren
verstorven syn ende als haer byder doot van Margriete
sVos haerer moeder in eenige manieren selen mogen
toecomen ende versterven, een stuck bosch houdende omtrent
drie vierendeel onder Duffle gelegen, met welken
deele zy haer geheelic ende al vernueght kent ende
gepaeyt, Ende heeft daeromme metten voirscreven Janne
haren man gelooft voir haer ende haer nacomelingen
oft te deylen
nemmermeer eenich recht meer te heysschen ^ in eenige
goeden die achter den voirscreven wylen Willeme haeren vader
gebleven syn ende oft achter der voirscreven wylen Magrieten haeren
bliven
moeder in eeniger manieren verstorven zelen, Ende dat zyn
die goeden den anderen haeren bruederen ende zusteren nemmermede
stoot oft achterdeel doen en sal in eeniger manieren, mer sal
hen ende eenyegeliken van hen de selve rustelic ende vredelic
laten gebruyken sonder eenich wederseggen
XXIIIa decembry
Jan Ghooten
Diest, Bossche. Cornelis Claessene, diemen heet van
Turnout, woenende tot Schelle heeft gelooft ongevrydt
na der divisen recht vut zaken vanden Houwe
van twee bossche tot Schelle, gelegen, de voirscreven
ghoeten
Janne ^ toebehoerende de geven en te betalen den
selve Janne Ghoeten, vierentwintich pond groten
Brabants gelts, tot twee terminen, te wetene deen
helft daeraf tot Bamisse naestcomende ende dander
helft tot Kersmisse dair naer volgende, sonder
eenich wederseggen
XVIIIa decembris
Denys Abyons
Mol, Ghoeten. Jan ende Henrick vander Berct, wylen Henricx kynderen
vander Berct gebruederen, hebben vercocht Denysen Abyons, Een
huys metten hove plaetsen ende vetteren ende oic metten gronde
gele dat wilen den voirscreven Henricken vander Berct toe plach te
hoeren, gelegen inden Vettersham met tusschen Jans vander
Berct des ander erve ende des cloestere erve vanden Augustine
streckende metten eenen eynde totten grachten vanden huyse
van Pitsenborch ende metten anderen eynde tot des voirscreven Denys
erve. A Domino Mechliniensi, Waranderende. Op acht chysgulden ende eenen halven
twee scellinge ende twee penninge Lovens erffelic ende sesse
Peters vander munten, goede etcetera te wetene XXXVI groten Vlaems
gelts voir elken Peter gerekent lyftochten, staende oic
live van die ter quytingen staen te wetene elken Peter
daeraf met thien gelike Peters ende met vollen chyse
daer voir te betalene, daer vutgaende
Assignavit XVI libris
XVIII decembris
Andries Hooten
Aa, Hamme, Machiel Speelbout wylen Peter Speelbouts soon
Seggende ende ons te kennen ghevende hoe dat wilen Jan Speelbout
des voirscreven wylen Peters Speelbouts brueder, syn oem ende wilen
Lysbeth Wabbels des selfs wylen Jans wettich wyf, bynnen
haer levender tyt deden maken in Onser Vrouwen kercke
te Mechelen, Een stad voir den outaer van Sinte Martens
aldaer, daeraf de voirscreven Machiel gerechte hoir ende
successie ende nyemande van syne voirscreven vaderen wegen toe
een hoort, om dat syn voirscreven oem soude wettich sou gestorve
ne van alleene hem selven, Ende om dat hy verstaen heeft
datter eenige syn die hem die stad als naerder houdende
successeurs aftrecken ende afwynnen wille ende nyemant
beter noch schoender recht daer toe en heeft, dair hy
by den voirscreven Redene, Soe heeft hy om dat te bescaden ende
te verantwerden, Opgedragen ende getransporteert, Andriesen
Hood die oic die naeste hoir ende successeur vander
voirscreven wilen Lysbetten vander voirscreven stad, alsoe de voirscreven
Machiel soude, alle syn recht actie ende toeseggen, dwelck
hy hadde ende voirscreven stede, transferens etcetera ac  volens etcetera
ut in forma
XIXa decembris
Jan Baertmaker
ende syn wyf
Aa, Hamme. Johannes Baertmakere ende Katheline Blieckx, syn
wyf seggende dat zy gheene wettige kinderen tsamen
en hadde, Ende hebben dair om voir ons gewilt ende openbairlic
geordineert dat de langstlevende van hen beyden, soe lange
die leven sal payselic rustelic ende vredelic sal gebruyken
alle der haeffeliker ende erffeliker goeden , van wesende
ende gelegen, die sy nu hebben ende naemaels hebben ende vercrigen