Blader door transcripties » Stadsarchief Mechelen

archieftoegang 2, inventarisnummer 936, pagina 16

op Sesse gouden Rynsgulden goeden etcetera te wetene XL groten
Vlaems gelts voir elken der selver Rynsgulden gerekent Te
heffene altyt tot Sint Jansmisse daer af den yersten termyn
van betalingen syn sal van Sint Jansmisse naestcomende over
een jaer daer naer volgende, Ende opten voirchys van drie
chysgulden vierentwintich pondt ende vyf scellinge
paymente vuten voirscreven twee huysen metten hove ende
op eenen gouden goe mottoen vuten voirscreven hove jaerlicx
vutgaende, met condiecie dat de voirscreven Jan van Hevere de
voirscreven sesse Rynsgulden des voirscreven chys sal mogen quyten
altyt als hem dat gelieven sal met twee gulden te
male ende elken gulden daeraf met zesthiene der gelike
gulden ende met vollen chyse eens daer voir te betalene
IIa decembris tempore simile
mr Jan van Hulshout
o!!o comende met
eenen vekene, tot
aen tvoirscreven
Venne
Bossche, Ghooten. Jouffrou Katheline Trabukiere, weduwe wylen
Anthonis Godevant, diemen heet inden Creeft, met haere
momboir, heeft vercocht Philips vanden Bossche, tot behoef
vanden eerweerdigen ende voirsienigen heer, Meester Jan van
Hulshout docteur inde Heyliger theologien, Een huys
metten hove grachter ende oic metten gronde etcetera, daer de
voirscreven wylen Anthonis inne te woenen plach, gelegen tot
Musene, by tVenne aldaer, tusschen Peters vanden Broeke
erve aen alle zyde, Ende twee bempde, metten gronde etcetera
gelegen den gele, houdende te samen omtrent drie
buenderen gelegen deen neven dander achter tvoirgenoemde huys
tusschen des goidshuys van Gruenendale erve aen deen
zyde ende Peters vanden Broeke erve aen dander zyde, oft o!!o
A Domino Mechliniensi, Waranderende. Op eenen chysgulden vuten voirscreven huyse
metten hove etcetera jaerlicx gaende ende sonder eeniger last
van chyse oft van eenige anderen commer gaende vut
voirscreven twee bempde, comende met eenen
IIIa decembris tempore simile
met gelas Mol Ghooten
Godevaert de Wynne
de Wynne
Item Marie sWyinne met Barthelmeus de Bevere hare
man, heeft quytgesconden los vry ende ledich, Godevaert
de Wynne, haren vader van alle de haeffelike
goeden, die der voirgenoemde Marien byder doot van wylen
Magriete Peters harer moeder, die des voirscreven
Godevaerts tweede wyf was doen sy leefde in
eeniger manieren verstorven moegen syn
ut supra
Jan van Bode
Bossche, Ghooten. Wouter Schoens, de voir hem selven, Jan de Zeelande
inden name van Beatris sHoens synen wive absent wesende etcetera
die hy in hem vervinge, Jan sHoens oic voir hem selven
ende Jan vander Stichelen, inden name van Lysbetten van Weyenborch
synen wive, absent wesende die hy oic in hem vervangen heeft
hebben quytgeschonden los vry ende ledich, Janne vanden
Boode van allen den de haeffeliken goeden, die henlieden
byder doot van wylen Clemmen sHoens synen des voirscreven
Wouters ende Beatrisen zuster, des voirscreven Jans sHoens ende
Lysbetten van Weyenborch moeyen ende des voer die oic
wyf was doen sy leefde, desselfs Jans van Bonick in
eeniger manieren verstorven mogen syn
IIIa decembris
Jan de Coninc
Aa, Zoeten. Barbele Denys diemen heet sKempeneren
wettige dochter wylen Henricx Denys diemen sKempeneren
met Janne van Aedegheem den jonghen haeren man heeft
bekent openbairlic voir ons vut haeren vryen wille, dat
haer de Jan de Coninc haer goeyheere, haer goede rekeninge
ende bewys gedaen heeft, van alsulken pond groten Vlaems
gelts als hy sy tot haren live heeft, opte stede van Ghend
ende als hy van haeren wegen, den tyt van acht jaeren lange
gehaven ende ontfangen heeft niet tegenstaende, dat den
grooten
voirscreven Janne de Coninck, tselve pond geconsenteert ende
toegevueght waer, in sinen prouffyte te moegen heffen
voir dat die de voirscreven Barble costen, die sy bynnen
des selfs Jans huyse daer van jonge kynderen gewoent
heeft gehadt heeft, Ende dairaf ende oic van alle der
hueren, die sy den voirscreven haeren goeyheere, in eeniger manieren
vut zaken vander diensten, die sy seggen mochte, hem
gedaen te hebbene, soude moegen heysschen, heeft de
voirgenoemde Barbele metten voirscreven Janne van Aedegheem haren
man, Quytgesconden los vry ende ledich den voirscreven Janne
de Coninck ende synder huysvrouwe ende alle andere die
quitancie behoeven, geheelic ende al
XIa decembris tempore simile
die bossche
hen
Godevaert
Wouter tsRots ende wille by onderstelle, ter
Boeyenheyden, hebben, gelooft ende elc van hen besunder ende
voir al ongevrydt na der divisen recht te geven ende betalen
Marcken de Neve, zesthien Peters achthien stuver voir elken
Pete tusschen dit ende Yincxeren naestcomende, sonder wederseggen