Blader door transcripties » Stadsarchief Mechelen

archieftoegang 2, inventarisnummer 936, pagina 15

Cornelie van Culixrode
presenta
Diest, Bossche. Pauwels Vleming heeft opgedragen
ende overgegeven tot behoef van Cornelie van Culixrode
goeden waer die bevonden zelven gronde ende oic inne
alle sine haeffelike ^ erffelike ende onberuerlike goeden
tot was, binnen etcetera gelegen. A Domino Mechliniensi Waranderende, Jan Barbier, tot
des voirscreven Cornelis behoef waerts inne gegoet
XXVII novembris tempore simile
Jan Rabboots ende
syn wyf
Adriaen Persoone
Hamme, Diest. Lysbeth van Campenhout wylen Henricx van Campenhout
dochter met Janne de Wynter haeren man heeft vercocht Janne
Rabboots tot syne ende Kathelinen Tucbacx synen wive, vier
gouden Peters vander munten goede op te wetene XXXVI groten
harer
Vlaems gelts voir elken Peter gerekent van synen geliken
thien Peters erffelic chys, die zy heeft opte helft van eenen
toebehooren
huyse de Borsse geheeten, metter plaetsen gronde, gelegen achter
tvleeschuys van Mechelen opten hoeck vander yerster Vleeschou
werstraten tusschen de selve strate aen deen zyde ende thuys
geheeten Sinte Marten dat wylen Henricken Gommaer toe
plach te hoiren, aen dander zyde streckende achterwerts
metten selver plaetsen tot des voirscreven wylen Henric Gommaers
erve. A Domino Mechliniensi, Waranderende etcetera
Assignavit den XVI denier
XXIXa novembris
Katheline Berthels
alias Rutsaerts
Pot Ret
suo loco
Hamme, Berct, Meester Jan vanden Broeke, alias Inden Creeft heeft terve
gegeven, Kathelinen Berthels alias Rutsaerts twee huysen met
eenen deele vande eenen hove ende metten gebruyke vander
waterzywen staen int eynde vanden selven hove ende streckende
achterweerts metten selven hove totten water toe ende oic metten
gronde etcetera gelegen deen neven dandere inde Corte Scipstrate, tusschen
erve
des voerscreven Meester Jans hof aen deen zyde ende Anthonis ende Lysbetten
Franchois erve, aen dander zyde, gelyckerwys ende in alle der
maniere, de voirscreven Katheline de selve twee huysen opten dach
van heden besit ende gelyc oic de selve Meester Jan de
voirscreven twee huysen metten deele vanden voirscreven hove met
eenen thuyne, comende van des voirscreven Meester Jans cammere
tot eender wilgen aldair ende streckende voirts vander
Wilgen, totten voirscreven water van synen hove afgetuynt ende
der selver Kathelinen bewesen heeft. A Domino Mechliniensi. Te besitten
op eenen gouden Peter vander munte etcetera te wetene XXXVI groten
Vlaems voir dien Peter gerekent Te betalen altyt tot
Kersmisse dair af den yersten termyn van betalinge syn sal
van Kersmisse naestcomende over een jair dair naer volgende
Ende opten voirchys van eenen chysgulden ende drie veertelen
Rogs goeden Mechelscher maten, dair voir vutgaende, met
condicien dat de voirscreven Katlynen sal mogen soe wanneert
haer gelieven sal, quyten ende lossen, den voirscreven Peter de
voirscreven chys, tot eenen oft meer malen, te wetene met
eenen halven Peter Smaels ende niet min ende elken penningen
dairaff met zesthien gelyker penningen eens met vollen
chyse dairvoir te betalene, Behoudelic dat den muer
staende tusschen de voirscreven vutgegeven erve ende desselfs
Meester Jans erve, aen welken muer de voirscreven meester
Jan een bynne hangende heeft ende oic den thuyn metter
voirscreven Wilgen van nu voirtane tot eeuwigen dagen gemeyn
selen syn ende bliven ende tusschen henlieden tot geliken coste
oic gehouden zelen worden sonder argelist
XIXa decembry tempore simile
Jan Machielen alias
van Havere
Mol, Ghooten. Jan van Blaesvelt ende Cornelis de Clerck van svaders
wegen ende Jan vanden Brande, vander moeder wegen als
Robrecht
momboiren ende inden name van Aert ende Aert van Blaesvelt
wilen Janne Jacops van Blaersvelt kynderen onder haer jaeren etc
die sy in hen by consente ende bywesene van Reynen den Heelt
commoingmeester vander stad van Mechelen in hen vervingen
hebben terve gegeven Janne van Hoven Machiels alias van
Hevere, Twee huysen metten hove gronde, gelegen deen
neven dander op Neckerspoele inde Mandestrate opten vander
Ridderstraten, tusschen wylen Peters vanden Leemputte erve
aen deen zyde ende de Hergracht, aen dander zyde, Ende
eenen hoff metten gronde gelegen aldair tusschen der voirscreven
kynderen van Blaersvelt aen deen zyde ende Jacops de Beckere
Visschers ereve aen dander zyde. A Domino Mechliniensi. Te besittene