Blader door transcripties » Stadsarchief Mechelen

archieftoegang 2, inventarisnummer 936, pagina 11

Dierick van Orssele
Aa, Bossche. Jan vander Hoeven woenende tOnser Vrouwen Wavere
ende Henrick vander Hoeven syn brueder, Ende hebben gelooft
ende elc van hen besunder ende voir al ende de selve Jan
ongevrydt naer der divisen recht te gheven ende te
betalene Bartelmeus van de Bossche ende Diericken van
Orssele oft den bringer des briefs, de somme van LXXXV
rynsgulden tot behoef vande Taflen des Heylichs
Gheests van Sinte Jans, de somme van viventachtentich
gouden Rynsgulden goede ende gerechte te wetene
veertich groten Vlaems gelts voir elken de selver Ryns
gulden gerekent, Te wetene deen helft daeraf tot
Bamisse ende dander helft tot Kersmisse beyde naestcomende
in pryse alsoe ende dander helft tot Kersmisse daer
naer volgende pris provisit alia
XVIIa novembry
Henrick van Achele
alias vander Straten uxore
Aa, Mol. Henrick van Achele diemen heet vander Straten
ende Jehanne vander Hagen syn wettich wyf, Seggende dat
zy gheen wettige kynderen en hadden, Ende hebben daer
om voir ons gewilt ende openbaerlic geordineert dat de
langhstlevende van hen beyden soe lange die leven sal
payselic vastelic ende vredelic sal gebruyken alle der haeffelike
ende erffeliker goeden bynnen der stad ende vryheit van Mechelen
wesende ende gelegen die zy nu tertyt hebben ende namaels
hebben ende vercrigen zelen, den wederseggen vanden erfgename
vanden yersten stervende van hen beyden, Ende oic den rechten
Loyen ende gewoenten vander selver stad hierinne te contrarien
onderhouden niet tegenstaende. Behoudelic dien dat alle
de selve goeden blivende naer de doot vanden voirscreven
langhstlevende toecomen ende versterven zelen haeren gerechte
ende gewarigen erfgenamen dien die goeden naer der recht
vanden voirscreven stad sculdich zelen syn toetecomen ende
te besterven oft den ghenen dien de voirgenoemde Henric ende
Jehanne syn wyf die die goeden met testamente oft anderssins
samentlic gheven ende maken zelen, welke ordinancie wy
ende oic Dyest Bossche Ghooten ende Berct onse medescepenen
by crachte vanden statute daerop tanderen tyden geordineert
geadmitteert hebben ende vut onser macht confirmeren ende
approberen Alle argelist vutgescheiden
XVIIIa novembry
Barble ende Amelberghe
Gheerde
Diest, Bossche. Lysbeth sWaelen met Jacop Heylen haeren man
hebbe heeft vercocht Barblen Gheerds tot haeren live ende oic
tot behoef ende ten live van Amelbergen Gheerds haerer zuster
ende ten langhstlevenden live van hen beyden, Sesse chysgulden
lyfpensien, Te heffene altyt deen helft daeraf opten vyfthiende
dach van meye ende dander helft opten XVen dach van
Novembry Op ende de aen de voirscreven Lysbetten drie huysen metten
hove gronde gelegen deen neven dander inden Ham byden
Jan Tymmermans
Nyeuwen Bruel tusschen Augustyn de Moinck erve, ende
Janne vanden Eynde erve aen dander zyde. Op drie chysgulden
daer voir vutgaende, Ende op haer vyf scellinge groten Brabants
erfflic chys die zy heeft op een huys metten gronde, toebehoirende
den voirscreven Janne hy vanden Eynde gelegen aldair tusschen de
voirscreven yerste drie huysen aen deen zyde, Jans vanden Venne
erve aen dander zyde. A Domino Mechliniensi,   Waranderende etcetera de voirscreven Barble Gheerde ende
Anthonie tSermertens haer man Levabuut
XIX novembry
Gheerd van Rummenen
ende syn wyf
Cristine
Mol, Ghooten. Kerstine van Rummene, met Joes de Zaghere haeren
man, heeft vercocht Gheerde van Rummenen ende haeren vader ende
tot haren vander live ende tot den
Thorien tSermertens synen wive ende ten langhstleven live van
langhstlevenden live van
hen beyden, thien Peters vander munte etcetera te wetene XXXVI groten
Vlaems gelts voir elken der selve Peters gerekent lyfpensien, de
heffene deen helft tot Sint Jansmisse ende dander helft tot Kersmisse
Cristinen
Op ende aen hadde de voirscreven Kerstine thien croonen
vander munten etcetera erffeliker renten, die zy heeft opte stad
van Mechelen vallen jaerlix ten terminen inde brieven daer
op gemaect begrepen, Waranderende etcetera
XVIIIa novembry
Laureys Zueten
Diest, Bossche. Wouter vanden Gersmaelt ende sone, heeft vercocht
Laureys Zuetene de helft van eender banck oft stader vanden
getale oft camelingen vanden twintigen aende zyde ter straten
weert gelegen inde oude vleeschuys, gelegen. A Domino Mechliniensi, Waranderende.
opte helft van zesse scellinge Lovens vuter voirscreven geheelder banck
oft scaden jaerlicx gaende
Assignavit X Rinsgulden
XIXa novembry tempore simile