Blader door transcripties » Stadsarchief Mechelen

archieftoegang 2, inventarisnummer 936, pagina 10

Hubrecht Nys
Diest, Bossche. Katlyne van Verkendonck met Willeme
Puttaert haeren man ende momboer hebben quyt
geschonden los vry ende ledich, Hubrecht Nys
van allen alsulken haeffelike goeden als haer
verstorven mogen syn byder doot van wylen
Katlynen Scheers haerer moeder die
wettich wyf was doen sy leefde den
voirscreven Hubrechts ende alle andere
XIIIIa novembry tempore simile
Rommond van Puersse
Bossche, Ghooten. Willem Huyckaert alias Puersse, wilen Willemssone
heeft vercocht Rommond van Puersse, synen oem de helft
van eenen huyse metten gronde etcetera gelegen opten hoeck
vander Sweenstraten tusschen de selve strate aen deen
zyde ende der kinderen vanden Vekene erve aen dander
zijde. A Domino Mechliniensi, Waranderende etcetera
XVa novembry
Denys Sanders et uxor
Aa, Mol. Jan van Yssche wylen Rommonds van Yssche soone, Ende
heeft vercocht Denisen Sanders ende Marien Beys synen wive
een stuc lants metten gronde houdende omtrent een vierendeel
gelegen buyten der Overste poorten op Schoenjansvelt tusschen
des voirscreven Denys erve ende Willems van Yssche erve. A Jacobo
Schooff, Waranderende. Opte weerde van op tderdendeel van eenendertich
grote Brant thien maten erfflic ende die
vierentelen rogs lijftochte
scellinge negen penninge ^ en nuten daer vutgaende. Behoudelic
dien dat onderpant es voir dander twee derdendeelen vanden
selven chyse gaende jaerlicx vut zekeren lande daer naest gelegen
Xa novembris
Henrick Versteveren
et uxor
Aa, Bossche. Jan van Beningnen heeft vercocht Henricken Versteven
ende Marien Bollaerts synen wiven, Een huys metten hove gronde
gelegen op Neckerspoele inde Rechtestrate tegen tkerchoff aldair
over tusschen Jans vanden Broeke erve ende de weduen wile
Claes sPotters erve. A Domino Mechliniensi, Waranderende. Op anderhalven chysgulden
thien pondt payments ende vier scellinge Lovens erfflic ende twee
Peters vander munten etcetera lyftochten daer vutgaende
Assignavit XXV Peters
XVIIIa novembris
Barble ende Magriete
vander Heyden
Mol, Bossche. Lysbeth vander Heyden wylen Rommonds dochter
heeft gewilt ende openbaerlic voir ons geordineert dat
Daneel vanden Heyde wilen Romonde sone Lijsbeth Ruelens
Vrancx dochter by ende Lysbeth vanden Broeke, Henricx dochter
evengelyc Barblen vander Heyden ende ende wylen Margrieten
vander Heyden haerer zuster kynderen eenengelyc hebben houden
aenveerden ende deylen zelen met Daneele vander Heyden
haer brueder sone, in alle alsulke haeffelike erffelike
ende omberuerlike goeden als naer de doot vander selver Lysbetten
boven haer wettige scult costen ende van vut naers vutvaerden
overschieten ende bliven zelen. Behoudelic dien dat ander
deylingen die naer haer doot vanden voirscreven goeden geschieden
sal der voirscreven Barblen vander Heyden kynderen voir vut hebben
zelen een huys metten hove ende met eenen vierendeel
lante daer aen gelegen, alsoe dat gelegen is tot Hevere
aende Heyde aldair tusschen de strate aldair aen deen zyde
ende Rommonde Tessche erve aen dander zyde ende dat voir vut
genomen synde, soe zelen zy alsdan in dandere goede deylen gelyc
voirscreven staet sonder argelist, ende behoudelic haer hier inne
haer minderen meerden etcetera ut in forma
XVIa novembry tempore simile
Jan Hansen
Item. Rommond Keldermans, Jan vander Eyken ende Gielis Boydens
inden van Katheline vander Eyken, synen wive absent wesende
die hy in hem verving, hebben quytgeschonden los vry ende
ledich Janne Hansen van allen den haeffeliken goeden die
henlieden byder doot van wylen Lysbetten vander Eyken
haerlieder nichten ende die wyf was doen zy leefde des voirscreven
Jan Hans ons in eeniger manieren verstorven mogen syn
ut supra
Jan vander Stock
Aa, Bossche. Willem de Vettere alias Vet, heeft vercocht Janne
vander Stoct, Een huys metten hove gronde etcetera gelegen
gelegen opte Hergracht ende byde Kerchofstrate, tusschen Jans
Vekemans erve, aen deen zyde ende Diericx van Orssele
erve aen dander zyde. A Domino Mechliniensi, Waranderende. Op negen groten
Brabants gelts daer vutgaende, Ende oft men bevonden
dat vuten selven huyse metten hove, meer oft myn chys
vutginge bevonde vutgaende, dat selen de voirscreven partyen aen den anderen
ende quyten
oprichten ende betalen, sone elken penninge dair aff met
zesthien geliker penningen
ut supra