Blader door transcripties » Stadsarchief Mechelen

archieftoegang 2, inventarisnummer 935, pagina 94

Symon de
Beckere
de Diest. Bartelmeus vanden Eede heeft vercocht Symoene
de Beckere, Twee huysen metten hove gronde etcetera gelegen
deen neven dandre inde Nuwestrate tusschen Gielis
vanden Brande erve aen deen zyde ende Jan Boeyenants
al
erve aen dander zyde. A Domino Petro de Herbeys, Waranderende. Op twee
capuynen ende eenen chysgulden, dair vutgaende
Assignavit XVI Rinsgulden
de
Aa ende
Joes Bruynbaert
De die Henrick voet, Jan vander Stappen, Henrick de
Voldere ende Henrick vanden Broeke, als gesworene ende
inden name vanden ambachte vanden schoenmakere boven
Mechelen et hebben opgedragen tot behoef van Peteren
Bruynbaert, twee ende eenen halven Peters vander munten
te goede etcetera oft de weerde dair voer erffelic chys die
selve ambacht hadde de selve Peter tanderen tyden
den voirscreven ambachte tot behoef van eender missen
bewyst hadde, op syn huys metten gronde gelegen
inde Nauwstrate tusschen Henricx de Hamer erve ende
Willem Trabukiers erve streckende achterweert
totten water, Ende op syn huys metten hove gronde
gelegen inde Molenstrate tusschen Willem vander
Nuwermolen ende brueder Peters vanden Dycke erve
A Domino Mechliniensi, Waranderende.
s
de quade misse
Celleman in hoven
de Crispen et
Crispian
Item. De selve Peter Bruynbaert, heeft bewesen den voirscreven
gesworene tot de behoef van sonder erffeliker missen die
een vanden ouden onsen gesworene ende een vanden
ondersten proviseurs vanden voirscreven ambachte, die altyt by
tyden syn zelen naer de doot de vanden selven Peteren
ende van Kathelinen Baertmakers synen wive alsdan
tot eeuwigen dagen voir haere beyde ende huerer
ouders zielen ter eenen van Sinte Caspen ende Cristiaen
alle weken des donderdaeghs by eenen verbaren priester
sculdich zelen syn te doen doene ende te celebreren in
eenige kercke, binnen der stad van Mechelen daer hem
alsdan gelieven sal, vyf mottoene te wetene
derthien ende eenen halven groten Brabants gelts voir
elken mottoen gerekent erffelic chys Te heffene altyt
tot Kersmisse daeraf den yersten termyn van betalinge
syn sal tot Kersmisse als van yerst vallende, Op ende
aen de voirscreven Peters huys metten gronde gelegen
ander Nauwstrate tusschen Henricx de Hamer erve ende
Willem Trabukiers erve streckende achterweert totten
Delen toe, Ende op synen hof metten gronde gelegen
opte Tiechelrie tusschen Willems vander Molen erve
ende des cloester vanden Pickeren erve. A Domino Mechliniensi, Waranderende.
op vyf chysgulden daer vutgaende
ut supra
Pende Orssele
Segere, Diest. Jan Annos wylen Jan Mols soone ende Mathys
Reyniers van Reth, hebben vercocht Peteren van
Orssele, tvierendeel van eenen huyse metten hove gronde
dat wylen Henricken Block toe plach te hoiren gelegen
inde Kerchofstrate tusschen Diericx van Orssele erve aen
beyde zyden, gelyc ende inder manieren tvoirscreven vierendeel
vander voirscreven huyse metten hove den voirscreven Janne ende
Mathys verstorvenst:t; byder doot vanden voirscreven wylen Henricke
block, haerlieder neve, dat zy leefde A Domino Mechliniensi, Waranderende.
verstorven de
op drie chysgulden derthien pont payments erffelic ende
anderhalven Peter lyfpensien ten live van Katheline
ende Claren van Orssele des voirscreven Diericx dochteren daer
vuten voirscreven heelen huyse metten hove jaerlicx gaende
Assignavit VI Peters
V novembry tempore simile
Jan tSermartens
Baerdege, Duffle. Katheline Smartens wylen Henricx tSermartens dochter
met Janne Massye haeren wettigen man heeft vercocht Janne
tSermartens wylen Peters soon, tvierendeel vander helft van
eenen stuc bempts houdende omtrent een half buender, metten gronde
gelegen tot Battele int Diepbroeck, tusschen
Item tvierendeel van twee vierendeele
Be van eenen stuc bempts houdende omtrent drie vierendeelen
metten gronde gelegen aldaer tusschen
hy metten gronde, Ende tvierendeel van eenen stuc bempts
metten gronde, houdende omtrent een halff buender, gelegen
aldaer, tusschen der st:t; kysten erve staende bynnen den beghynhove
van deser stad aen deen zyde ende
van welken drie parcheelen bempts dander
vierendeel, den voirgenoemde Janne Sermartens ende synder zuster toebehoirt
Aegidio Vrancx, waranderende. Op veerthien penninge Lovens ende
twee broode, vuten helft vanden vier voirscreven drie stuck bempts
jaerlicx gaende
Assignavit XXXII Peters
Ultima decembry
Mathias vanden
Nuwermoelen et
Katlyne Tucbacxe uxore
Duffle, Bossche
Item Jacop Tucbake ende Katheline Jacops syn wyf, hebben opgedragen
ende overgegeven may tot behoef van Mathysen vander
Nuwermoelen ende van Kathelinen Tucbacx de voirscreven synen
wive ende des voirscreven Jacops ende syns wyfs dochter, Een huys
metten hove gronde, dat wylen Kathelinen van Hindelaer der
voirscreven Kathelinen Jacops moeder doen sy leefde, toe plach te hoiren
gelegen inde Vetterstrate opten vlyet, tusschen des goidshuys
huys van Blydenberge aen deen zyde ende der weduen van
wylen Willemen Heylens aen dander zyde. A Domino Mechliniensi, Waranderende. Op vier
chysgulden vyf capuynen, elf pont ende vyff scellinge payments
daer jaerlix vutgaende, st:t; op alsulker condicie, dat de voirscreven
Mathys ende syn wyf sculdich zelen syn, nade doot vanden voirscreven
Jacoppen ende van synen wive inde voir de voirscreven opdracht in te
tusschen der voirscreven Katheline Tucbaer
brengen inder deylinge, die tusschen onder hadde ende de anderen
haeren bruederen ende zuster, van allen desselfs Jacops ende syn wyf anderen
goeden geschieden sal, Een gouden croone vander munte etcetera te wetene
XLVIII groten Vlaems gelts voir die gerekent ende dat niet te min
moegen deylen met desselfs Jacops ende synen wyfs anderen kynderen
alle dander haere goeden, voirscreven sonder wederseggen
ut supra tempore simile