Blader door transcripties » Stadsarchief Mechelen

archieftoegang 2, inventarisnummer 935, pagina 93

Corde Beringen
man
met daen
Jehannen have
ende Margriete
Baerdegen, Duffle. Jan Van Puersse voir deen vierendeel ende
Lijsbeth vander Bruggen natuerlike dochter Jans vander
bruggen, die hy van wylen Lysbetten Van Puersse vercregen
heeft voir dander vierendeel, hebben bekent dat hem
Cornelis van Beringen, weduere vanden voirscreven wylen
Lysbetten van Puersse dueghdelic vernueght betaelt
ende oic goede rekeninge ende bewys gedaen heeft vander
helft van allen den haeffeliken goeden, die den voirgenoemde
Janne ende Magriete van Puersse ende oic de voirscreven Lysbetten
vander Brugge ende eenen yegelike van hen voir syn voirscreven
deel byder doot vander voirgenoemde wylen Lysbette van
Puersse, desselfs Jan ende Magrieten moeyen, der selve
Lysbette vander Bruggen moeder ende des voirscreven Cornelis
wyf doen sy leefde in eeniger manieren verstorven moegen syn
XXIIII decembris
Jo huysscher
Vaerder, Duffle. Rommond vanden Broeke wylen Jans sone vanden Broeke
heeft vercocht Janne de Huysheere, twee huysen oft cameren metten
hoven gronde, gelegen deen neven dander inde Cattenstrate tusschen
Jan Vlyeghs erve ende Laureys Smeets hof aen dander zyde
A Domino Mechliniensi, Waranderende. Op twee scellinge Lovens ende acht scellinge
payments, daer vutgaende
van
Assignavit XII Peters
supra tempore simile
Hic hove helft in
Xa des positus
seggen
et aly
Mol, Gorttere, Machiel, Henric ende Jan Moelen Jan Melkens
wettige kynderen, hebben bekent van dat sy gehadt ende ontfangen
hebben van Henricken van Eyghen ende van Henricke synen soon ende
oic van Janne van Voesdonc, van Rommond Machtilden, Henricke
Verluyten, Janne Scamelaert ende Aerde Roelants de somme van
twee hondert gouden gulden, elken van dien tot thien stuvers
gerekent, die sy tanderen tyden, als borgen voir tzoeninck dat
gemaect is vanden dootslage gedaen, by Janne van Eyghen
Janne Machtilden ende Peteren van Voesdonc inden persoon van
wylen Roeland Meelkens, de voirgenoemde kynderen moelkens brueder
ongevrydt na der divisen recht, gelooft hadde te betalene
tot drie overledenen termen, Ende van dien sommen ende oic
vanden weghe tot test:t; tot Romen ende vanden vierdalfhondert
Zielmissen, die de voirscreven borgen, oic gelooft hadde te doene
hebben de voirgenoemde Machiel, Henric ende Jan Meelkens
quytgesconden los vry ende ledich, de voirscreven Henricke van
teghen den ouden, den voirscreven Janne van Voesdonc ende
Rommonde Machtilde, tot haere ende haerer voirscreven medegeloven
behoef ende oic tot behoef vanden voirscreven Janne van Eygen
Janne Machtilde ende Peteren van Voesdonc ende alle andere dies
quitancie behoeven, geheelic ende al, Gelovende de selve
gebruederen meeskene, ongevryt als boven allen den voirscreven
boven
vanden personen, voir genoemt hier af tegen eenen yegeliken
altyt scadeloos quyt te houdene ende tontlasten, sonder wederseggen
XXVIII decembris
Nicolas de
Achelpoele
Mol, Gorttere. De voirgenoemde Machiel, Henric ende Jan Melkene
gebrueder hebben quytgesconden los vry ende ledich, Clasen van
Achelpoele vander voirscreven sommen van twee hondert gouden
weghen ende ende als haerlieder p van Henricke van Eyge
gulden vanden voirscreven pryse, die hy vander voirscreven worde meelkene
Ryngen
gemachticht
ende van Henricke synen soon ende oic van Janne van Voesdonc, Rommont
Machtilden, Henricken Verluyten, Janne Schamelaert ende Aerde Coelants
als borgen van Janne van Eyghen, Janne Machtilde ende Peteren van
Voesdonc, gehadt ende ontfangen hadde voir tzoeninck vanden
dootslaghe, die tanderen tyde, byde selve Janne van Eygen, Janne
Machtilde ende Petere van Voesdonck inde persoon van wylen Roeland
Meelkens, der voirscreven kynderen meelkens brueder, gedaen ende geschiet te
ende alle andere dies quitancie behoeven, geheelic ende al
XXVIII decembry
onder Eyndoven alias
Meertstekere
van Eynderen diemen
heeft
Begen Mol Laureys de Smet, heeft vercocht Janne de Eertstek
de
spellemakere, een stuck lants metten gronde, dair op tanderen
tyden wyngaert gestaen heeft gelegen buyten Sinte Katheline
poorte by Hoebergen, tusschen Merten Zegers erve ende der
goidshuys erve van Blidenberge, streckende achterweerts tot Lodewycx
van Heyst erve. A Domino Mechliniensi, Waranderende. Op twee chysgulden chysgulden
ende eenen halven ende zesse pondt payments, daer vutgaende
Assignavit VI libris groten
XXIa decembris
Henrick Peters
Voesdonc, Gorttere. Jan Cools Wouters sone, heeft vercocht, Henricke de Pretere
drie veertelen Rogs goet ende custbair Mechelscher maten, te wetene
elke veertele dairaff op eenen halven grooten naest den besten jaerlix
een erffelix pachts de leveren altyt tot Kersmisse op ende aen
des voirscreven Janne helft der erffelike goeden hier nae bescreven
inden jersten van eenen stuck lands metten gronde etcetera houdende
int geheele omtrent een halff buender gelegen buyten der over
Overstepoorten op Barblegeemvelt tusschen Henrick van Campenhout
tgasthuys van Onsen Vrouwen. Item van eenen stuck lands houden
oic int geheele omtrent een halff buender gelegen tot Hombeke
byden Steenwech, tusschen de strate aldaer ende tgasthuys erve
vander Heyligen Drievuldicheit, Item van eenen soe lands houdende
int geheele oic omtrent een halff buender gelegen aldaer tusschen
Gheerdt vander Aa ende de voirscreven strate. Item van eenen stuck lands
houdende int geheele omtrent anderhalf vierendeel, gelegen buyten
de voirscreven poirten op Stocmans velt tusschen Denys Sanders ende
wylen Joes van Boesschote, end van eenen stuc lands houdende
oic int geheele omtrent anderhalff vierendeel, gelegen aldair
tusschen Machiels van Cortbeke ende Gielis Putter. A Domino Mechliniensi,
Waranderende. Opte weerde van vier scellinge groten Brabants, die middelen
Rogs erffelicx vuten voirscreven geheelen goeden ende noch drie veertelen
Rogs lyf ende diest:t; der voirscreve helft der selver goeden jaerlicx
voir vutgaende
Assignavit XX Peters
XX decembry