Blader door transcripties » Stadsarchief Mechelen

archieftoegang 2, inventarisnummer 935, pagina 95

Marie Machiels et
Amelbeys Buydelcans
es filia
Duffle
toe Diest. Jan Machiels metsere, heeft vercocht heer Gheerde
Buydelcans priester, tot behoef ende ten live van
Margrieten, Machiels ende Amelbergen Buydelcans haeren
synder dochter dochter ende ten langhstlevenden live vanden
selver Magrieten ende Amelbergen haere dochter twee
gouden Peters vander munten op te wetene zessendertich
lyfpensien
groten Vlaems voir elken der selver Peters gerekent Te
heffene deen helft tot Sint Jansmisse ende dander helft tot
Kersmisse Op ende aen desselfs Jans huys metten
hove gronde gelegen inde Corte Scipstrate tusschen
Meester Jan vanden Broeke diemen heet inden
Boutten Osse aen deen zyde ende Meester Hermans Hermans
erve, aen dander zyde streckende achterweert totten
vliete toe aldaer. A Domino Mechliniensi, Waranderende. Op vyfthien scellinge
Lovens dair voir vutgaende, de voirscreven heer Gheerdt levabit
ut supra ende na syn doot de voirscreven Amelberch
Buydelcamen
Jan
Jan Machiels
Item de voirscreven heer Gheerd inden name vanden voirscreven Magriete
ende Amelbergen heeft geconsenteert ende gewillekeurt
den voirscreven Janne Machiels dat zy de voirscreven twee Peters
sal mogen quyten altyt als hem dat gelieven sal te
wetene elken Peter dairaf om negen gelike Peter
eens met vollen chyse dairvoir te betalen ende haer
hebben by geweest als getuygen steven vander hoeven
ende Aert Cleyne
Item Jan ende Katheline wettige kynderen wylen Jacop vanden
Heyden
ve vanden Rode
Gorttere, Diest
Item Jan vander Heyden wylen Jacops vander Heyden wettich
soon voir deen helft, Ende Katheline vander Heyden syn zuster
met haere momboir, voir dander helft, hebben by bywesene
wetene ende wille van Lysbetten van Steenbroeck, weduen
des voirscreven wylen Jacop haerer moeder vercocht Peteren
vanden Rode, Een stuc lants metten gronde etcetera, houdende
omtrent een halff buender, gelegen tot Hevere aende Verbiest
tusschen de selve voirbiest aen deen zyde ende de tvelt
geheeten Noevelt aen dander zyde ende A Beato Rumoldo
Waranderende op een halve vercocht Rogge ende dest:t; drie moeken
Rogge min een quarteel daer jaerlicx vutgaende
Assignavit XIIII Peters
Juny tempore simile
Augustines de
Tyelt
Voesdonck, vierdegen. Henric vanden Vonde, heeft getransporteert, tot
behoef van Augustine van Tyelt alsulke scult van twee ponden
elff scellinge thien penninge groten Brabants, als wille vander cammere
den voirscreven Henricken sculdich ende tachter is, Ende oic alsulken scult
penning
van XXI scellinge zesse der voirscreven groten, die Peter van Berthem
den selven Henricke van huyshueren oic sculdich es tusserene
ac volens ut in forma
III January
Jan vanden Be
Voesdonc, Mol. Jan Henrick Aerdt ende Luyck van Morchoven
gebruederen, Lijsbeth van Morchoven haerlieder zuster
met Janne Beyaert haeren man, Digne van Morchoven
oic haerlieder zuster met Willeme Sporteneren haeren
man hebben quytgeschonden los vry ende ledich
Janne vanden Rode, wedueren van wylen Marien
van Morchoven van allen den haeffeliken goeden
die henlieden byder doot vander selve wylen Marien
van Morchoven haerlieder zuster ende die wyf was
doen zy leefde de voirscreven Jans vanden Rode, in eeniger
manieren verstorven mogen syn
ut supra
Anthonis Caluwaert
XVc et
Baerdege, Dyest. Katheline vanden Wynckele, wylen Peters dochter
vanden Wynkele met Peteren vander Hoeven haeren wettige
man, heeft vut zaken van wysselingen voir ander een zelenst:t;
gelegen deen neven dandere byde Heymeysbrugge opgedragen
twee huysen metten plaetsen ende allen anderen haere toebehoirten
ende overgegeven, tot behoef van Anthonisen Caluwaerts
geheetenst:t; goet te Wynkele
haer vierendeel van eender hoeven metten huyse schueren
hove wynnende landen eeusselen, bosschen ende allen anderen
haeren toebehoirten, houdende int geheele eenentwintich
buenderen luttel min oft meer, dwelc haer byder doot
vanden voirgenoemde wylen Peteren haeren vader verstorven is
daeraf dander drie vierendeelen haeren brueder ende zusteren
toebehoirende, gelegen buyten de Coepoirte ende buyten de Neckpoel
poirte in Sinte Jans prochie, byde vyfweeghscheeden aldaer
in alle der vueghen ende manieren, alsoe de voirgenoemde wylen
Peter de voirgenoemde hoeve met alle haerer toebehoirten voirscreven
aldaer beset. A Domino Mechliniensi, Waranderende. Op eenentwintich veertelen Rogs
anderhalve veertel evenen vier vo Rynsgulden ende de
weerde van neghen scellinge zeven penningen hen zeven myten
Brabants erffelic ende veerthien Rynsgulden lyven ten live vanden
weduen voirscreven wylen Peters vuten voirscreven geheeten hoeven jaerlicx vutgaende
VIII January tempore simile
Gode Gebuers
eus ut supra
et ware Weyenborch
I
Gorttere, Dyest, Jan de Buyssche Moldere heeft vercocht Godevaerd
Gebuers tot synen ende Barblen van Weyenborch syns wyfs
behoef, als tot haerer beyder tocht ende tot behoef van
Lysbetten ende Kathelinen Gebuers haerer beyder kynderen
als totter selver kynderen erffelicheit, Een huys metten hove
ende metter rechte van eenen wege ende oic metten gronde
gelegen te Neckerspoele inde Wyngaertstrate, tusschen Willem
Schuermans erve ende Jans vanden Venne erve. A Domino Mechliniensi,
Waranderende. Op eenen chysgulden twee hynnen ende twintich
scellinge payments daer vutgaende
Assignavit X Peters
III January