Blader door transcripties » Stadsarchief Mechelen

archieftoegang 2, inventarisnummer 935, pagina 5

Egidius Vrancx
Hamme, Duffle. Henrick Stuers, Mathys Stuers soon, Ende Katheline
Baillens syn wettst:t; wyff, hebben vercocht Gielisen Vrancx
thien gouden Rynsgulden goede etcetera. Te wetene veertich groten
Vlaems gelts voir elken van dien gerekent erffelicx chys
Te heffene altyt tot twee termynen, te wetene deen helft, daeraf opte
novembry
yersten dach van meyest:t; ende dander helft opten yersten dach van meye
op des voirscreven Henricx ende syns wyfs drie huysen metten gronde etcetera
streckende achterweerts totten vliete toe gelegen deen neven dander
inde yerste Vleeschouwer strate, tusschen eenen wech gaende tot
voirscreven vlyete aen deen zyde ende wylen Adams van Achele diemen
heet vander strate erve aen dander zyde, op sessenveertich oude groten
me, twee chysgulden twee capuynen, Eenen pond vier scellinge
payments ende drie gouden Peters vander munten etcetera daer jaerlicx voir
vutgaende, Item op een stuc lants metten gronde etcetera geheeten
Cuetenborch, der voirscreven Kathelinen toebehoirende, gelegen buyten der
Oeversterpoirten, op Barbleghemercoute, tusschen des huys vanden
Ziekenliede erve aen deen zyde ende des goidshuys erve vanden Nonnen
stuc lange
bynnen Mechelen, aen dander zyde. Item op deselver Kathelinen ee metten gronde
houdende omtrent een halff buender gelegen tot Hombeke byden Hombeksteenwech
tusschen wylen Jans van Bauwegem erve aen deen zyde ende der heeren Dele et capel
erve van Sinte Rommonts aen dander zyde, op twee veertelen rogge daer jaerlicx
voir vutgaende. Item op des voirscreven Henricx ende syns wyfs huys metten hove
gronde gelegen inden Nieuwenbruel, tusschen Valentyns van Hilden
priester huyse aen deen zyde ende Jan Barbier huys aen dander zyde streckende
achterweerts met eenen vutgange ende stalle tot inde Ouden Bruel, op vier
gouden Rynsgulden, de goede etcetera drie chysgulden ende een halve oude
myte daer jaerlicx voir vutgaende. Item op de voirscreven Kathelinen huys
metten hove gronde etcetera gelegen inden Ouden Bruel, tusschen wylen Willem
zelen huyse aen deen zyde ende des voirscreven Henricx ende syne wyfs huys aen
dander zyde, opte weerde van drie scellinge neghen penninge groten Brabants
gelts daer jaerlicx voir vutgaende. Item op hen deselver Katheline
erffstrate tote
Bailline Bancke oft stadst:t; staende int vleeshuys van Mechelen
op zesse scellinge Lovens daer jaerlicx voir vutgaende. Item op de
voirgenoemde Kathelyne helft van eenen huyse metten gronde etcetera, den
Vossensteert geheeten, geh gelegen achter der scepenen huys van
Mechelen, tusschen thuys den Creeft geheeten aen deen zyde ende st:t;
wylen Machiels van Berlaer, aen dander zyde, opte weerde van twintich
scellinge groten Brabants, die jaerlicx vuten selven geheelen huyse voir
die
vutgaende, Ende op alle dandere des voirgenoemde Henricx Stuers ende
Kathelinen syns wyfs haeffelike beruerlike, onberuerlike ende
erffelike goeden metten gronde ende allen haere toebehoirten
die sy nu ter tyt hebben ende hen verstorven syn ende die oic hier
namaels hebben endest:t; vercrigen ende hen in eeniger manieren
toecomen ende versterven zelen, bynnen der stad ende verheyt
van Mechelen, wesende ende A Domino Mechliniensi Waranderende etcetera.
III may
Idem
Item de voirgenoemde Henric ende Stuers ende syn wyf, om der meerder zekerheyt wille
te doene, de voirscreven Gielisen Vrancx vander gelosten vanst:t;vanst:t;st:t;
vander vierendeel van eenen stuck bosch een luttel meer dan een buender
houdende tot Poeluwe gelegen, dwelc hy tegen de voirscreven Henricken gecocht
heeft, Ende oic vander gelooften van waerscapen, die hy de voirscreven Gielise
daeraf gedaen heeft sonder chys oft comen daer vutgaende, Ende dat
hebben de voirscreven Gielisen, tonderpande geset, alle haere voirgenoemde haeffelike
erffelike ende onberuerlike goeden binnen etcetera wesene ende gelegen, gelyc
die boven man by Specificien ende int Gal verclaert staen opte last
boven bescreven daer vutgaende. A Domino Mechliniensi, Waranderende etcetera.
ut supra
convents de Lelyendal
infra partu
Borre, Hamme. Jan Gulden op heeft vercocht Rommond de Groote, tot behoef
vanden convente van Lelyendale, staende et bynnen den Beghynhove
van deser stad anderhalven chysguldenst:t; gouden Rynsgulden goeden
erffene te wetene XL groten Vlaems voir elken der selver Rynsgulden
gerekent erffelic chys, Te heffene altyt opten yersten dach van
meye, Op des voirscreven Jans huys metten hove gronde etcetera gelegen
inde Keyserstrate tusschen Diericx van Breen erve aen deen zyde
ende Jan Pagien erve diemen heet de Kemmere aen dander zyde
A Domino Mechliniensi, Waranderende. Opte helft van vier chysgulden ende eenen halven
dair voir vutgaende
Assignavit den XXVI denier
ultima aprilis tempore simile
Seger Feerman
Dorpe, Hamme. Henrick vander Besten cleermakere, heeft vercocht Zegeren
Feerman eenen hof metten gronde, gelegen inde Gortterstrate
in Onser Vrouwen prochie van Mechelen, tusschen Henricx de
Bock en hof aen deen zyde ende Adriaens vander Eyken hof aen
dander zyde. A Domino Petro de Heye milite, Waranderende. Op eenen capuyn
ende acht drie penninge Lovens dair vutgaende
Assignavit XI Peters
ut supra tempore simile
Peter Van Orssele
Hanne, Duffle. Jan ende Wouter Cochaert alias van Tremen gebruederen
hebben vercocht Peteren Van Orssele de helft van eenen huyse
wylen
metten hove, dat Henricken Block toe plach te hoiren, gelegen
inde Kerchofstrate tusschen Diericx van Orssele erve aen beyde
zyden streckende achterweerts metten voirscreven hove tot eenen
anderen hof die Joesen Vrancx toebehoirt. A Domino Mechlienst:t; gelyc ende inde
manieren de voirscreven helft vanden voirscreven huyse den voirscreven gebruederen
toecomen ende verstorven byder doot van wylen Bellen Cochaerts
haerer zuster ende des voirscreven wylen Henricx wyf doen sy leeft
toecomen ende verstorven is. A Domino Mechliniensi, Waranderende. Op drie chysgulden
derthien pondt payments erffelic ende anderhalven Peter lyfpensie
ten live van Kathelinen ende Claren van Orssele des voirscreven
staende Diericx dochteren die ter quitingen staen vuten voirscreven geheelen
huyse metten hove jaerlicx gaende
XV septembris
III may tempore simile
Jan tSarens
et uxore
wylen Sceplies soon
Hamme, Duffle. Cristane van Merhout heeft vercocht Janne
tSarens tot synen ende Magrieten vander Beke synder huysvrouwe behoef
de helft van eenen huyse metten g hove gronde etcetera dat den Zwaen
haer te heeten plach ende dat nu Spaengien geheeten in gelegen
daeraf dander helft, den voirscreven Janne ende syne wive toebehoirt gelegen
byden Steenweghe tusschen thuys Henegouwe geheeten, toebehoirende
Janne van Post aen deen zyde ende thuys den Olyfant geheeten
toehoirende Arthur van Maldere, aen dander zyde, streckende achterweert
metten voirscreven hove totten vlyete toe aldaer. A Domino de Ghestelle
Waraderende op vyfthien chysgulden ende vyfthien pond payments
vuten voirscreven geheelen huyse jaerlicx vutgaende
Assignavit C Peters
ut supra tempore simile