Blader door transcripties » Stadsarchief Mechelen

archieftoegang 2, inventarisnummer 935, pagina 4

Executores testate
quonde Egidy noots
Kerman Dorpe, Lysbeth Nots natuerlike dochter wylen Gielis Nots heeft
bekent dat huer byderst:t; Jan Boots priester ende Rommond tSergysele
als executeur ende indenst:t; vanden testamente ende vutersten wille
vanden d voirscreven wylen Gielisen, dueghdelic vernueght ende betaelt
van alleene alsulken maten ende legaten
hebben ^ als huer byden voirscreven wylen Gielisen hueren vader in sinen
voirscreven testamente gemaect ende gelaten heeft, Ende heeft dairaff
ende oic oic van alle moeyenissen ende quellingen die sy den voirscreven
van dien
executters vut saken van voirscreven st:t; in eeniger manieren soude
mogen doen, quyt geschonden los vry ende ledich Wouteren noot tot
der voirscreven executeurs behoef ende alle andere dies quitancie behoeven
geheelic ende al
XXVIII aprilis tempore simile
Machiel ende Katlyne
vanden Moirtere
ende namen doot den
selven synen kynderen
alsoe lange als sy ende
de langhstlevende
van hen alsdan
leven zelen
Kerman, Dorpe, Jan vander Hagen ende Katheline vander Straten syn
wyf, hebben gelooft woenende tot Remenam, hebben gelooft
ende elc van hen besunder ende voir al ongevrydt naer der divisen
recht Te gevene ende te betalene Janne vanden Morte tot behoef alsoe
van Machielen ende Kathelinen vanden Morte synen kynderen, die
hy van Margrieten vanden Dycke synen wive vercregen heeft van
lange gelegen beheelen
alsulken pondt grote Brabants gelts als de voirscreven Jan vander
Hagen ende syn wyf den voirscreven Janne vanden Morte tot behoef ende te live
van synen voirscreven kynderen ende ten lastlevenden live van hen beyden vercocht
ende op zelen huer goede tot Rymenam gelegen ver bewesen hebben
gelyc den scepenen brief van Antwerpen, daer op gemaect
dat claerliker vutwyf ende begrypt, alle jaere tot twee termyn
te wetene deen helft dairaf tot Sint Jansmisse ende dander helft
tot Kersmisse, daeraf den yersten termyn van betalingen
syn sal tot Sint Jansmisse naestcomende
Ut supra tempre simile
Lysbeth Vydts
man, Dorpe Jan vanden Bossche van Leest, heeft bewesen
Janne Vyd scipman tot behoef ende ten live van Lysbetten Vyd
synder dochter, drie veertele Rogs goede etcetera Mechelscher maten
lyfpachts Te betalen altyt opten yersten dach van meye, daeraf
den yersten termyn van betalinge syn sal van opten yersten dach van
meye naestcomende, bynnen eenen jare daer naer volgende, tot haere
huyse bynnen Mechelen, op des voirscreven Jans vanden Bossche huys
metten hove gronde etcetera houdende omtrent een vierendeel, gelegen
tot Leest byde Heyde, tusschen de strate aen deen zyde ende jouffrou
Lysbetten vanden Venne Jans vanden Dale huysvrouwe erve aen
dander zyde. A Domino Mechliniensi, Waranderende. Op eenen halven chysgulden daer jaerlicx
voir vutgaende
ut supra tempore simile
Rommont Gheens
Dorpe, Hamme. Katheline wylen Jans dochter vanden Rode met Peteren
Caluwaerts haeren man, heeft opgedragen tot behoef van Rommond
Ghorys, een hofstad daer tanderen tyden een schuere heeft op
plegen te stane metten hove gronde etcetera gelegen buyten der
Oversterpoorten inde strate daermen gaet te Bruessel waert
tusschen des voirscreven Rommonds erve ende de Jans de Maesondere erve
Ende twee vyfthien oude groten Turnoyse vander munten etcetera
erffelicx chys die sy hadde opte voirscreven hofstad metten hove aen
Johannes de Oeyenbrugge, Waranderende etcetera
XXVIII aprilis tempore simile
Hem van Eygen
van Eyghen
Broeke, Hamme. Henric van Eyghenam Henricx sone, heeft
quytgeschonden los vry ende ledich, den selven Henricken
synen vader van allen den haeffeliken goeden die hem
byder doot van wylen Barblen sWeends synder moeder ende
desselfs Henricx syns vader yerste wyf doen sy leefde
in eeniger manieren verstorven mogen syn
ultima aprilis tempore simile
Jan de Visschere et ut
Broeke, Hamme, Wouter sVolders, heeft vercocht Janne de Busschere
tot synen live ende oic tot behoef ende ten live van Margriete
sBusschers synder natuerliker dochter ende ten langhstlevende
live van hen beyden twee gouden Rynsgulden goede etcetera
te wetene XL groten Vlaems voir elken der selver Rynsgulden
gerekent jaerliker lyfpensien, Te heffene deen helft dair
af opten yersten dach van octobry ende dander helft opten
yersten doch van meye, op des voirscreven Wouters huys metten
hove gelegen inde Befferstrate tusschen Jan Schaengaerts
erve ende Jans van Wielebeke erve. A Domino Mechliniensi, Waranderende. Op derthien
chysgulden daer voir vutgaende, sal ende Johannes et
Katheline van Lysbetten erve van levabit et inde dispoont
ut supra tempore simile
Berge vanden Brande
Item Peter de Weend, heeft vercocht Gielisen vanden Brande
eenen hof metten gronde, den voirscreven Peteren verstorven byder
doot van wylen Janne de Weend synen vader gelegen
opten hoeck vander Straten geheeten de Gulden Mouwe
tusschen de selve strate aen deen zyde ende des voirscreven Gielis
huyse aen dander zyde. A Domino Mechliniensi, Waranderende. Op een oude myte daer
jaerlicx vutgaende
Assignavit VIII Peters
supra tempore simile
hue locum collem Convents de Lelyendale ende
XXXVIII aprilis positum