Blader door transcripties » Stadsarchief Mechelen

archieftoegang 2, inventarisnummer 935, pagina 179

Jacobus tSermartens
pester
Gorttere, Bossche. Jacop Sintens beckere, heeft verre endest:t;
alle trecht, dwelc Magdaleene Wagemans hadde ende haer
toehoirde, in een huyse metten hove gronde etcetera gelegen
tot Neckpoele inde Broecstrate, tusschen den vlyet, aen
deen zyde ende de veste van Mechelen ende de voirscreven strate
aen dander zyde, voir schult, die sy de voirscreven Jacopen
van broeder sculdich te
Ultima July
Jacop tSermartens
goede
Baerdegeem, Bossche. Aert Cleynaert, tot behoef van
Jacoppen van tSermartens huyvetter, heeft verreyct
Een huys metten hove gronde etcetera dat Barblen Gielis
Lanceloots vanden Vlyere wyf toehoirde, gelegen
inde Moelestrate, tusschen eenen wech gaende totten
watere, aldaer aen deen zyde ende de voort aen dander
zyde. Ex censu
ut supra tempore simile
Peters
Ymbrechts
Baerdegem Duffle, lutte ende st:t; Ymbrechts, heeft
R tot behoef van Peteren Ymbrechts synen vader
verreyct, de erfgoeden h metten gronde etcetera hier nae
bescreven, die b Nicasius Challe toe plagen te hoiren
men
ierst een huys oft woeninge met alle haer toebehoirten
inde Kerchofstrate byde Kerchoffbrugge gelegen streckende
achterweerts tot Sinte Jans kerchof toe ende metten eender
zyde comende inde Byest ende metten andere zyde
in een cleyn straetken, tusschen tselve straetken aen
een
deen zyde ende Aerts van Beringen ende huys aen
dander zyde. Item een huys de Waghe geheeten
gelegen inde Coestrate, tusschen wylen Jans vanden Lare
huys, aen deen zyde ende Jans van Beringen huys aen
dander zyde. Item eenen hof metten huyse daer toe
hoirende, gelegen opt Coebruyken inde strate vanden
hove, tusschen tsWingheemstraetken aen deen zyde
ende den vlyet aen dander zyde, streckende achterweerts
tot Bartelmeus vander Voort hof. Item acht buenderen
lants oft bempts gelegen tot Oudegheem int Hoocht
Item een half buender bempts aldaer int Nederbroeck
ander
gelegen, et alle de erffelike goeden, die de voirscreven
Nicasius toe plagen te hoiren, bynnen etcetera gelegen, die hy
nu heeft ende namaels hebben ende vercrigen sal de
ut supra tempore simile
Johannes vander
straten
Bege, Duffle. Jan ende Henrick Diericx gebruederen inden name
van hen selven ende oic inden name, Lysbetten Diericx
haerlieder zuster absent wesende die sy in hen vervangen
hebben quytgeschonden los vry ende ledich Janne vanden
straten, wedueren van wylen Marien Diericx van
allen den haeffelike goeden die henlieden byder doot
vander selver wylen Marien Diericx haer dese noch
ende die wyf was doen hy leefde de voirscreven Jans vander
straten, in eeniger manieren verstorven syn oft die hem
naer de doot vanden selven Janne in eeniger manieren
souden mogen toecomen ende versterven
stede aen
Meeus Smet
Egge, Duffle. Peter van Vesdonck heeft vercocht Laureys
Smed anderhalven chysgulden jaerlicx ende erffelicx chys
Te heffene altyt tot Sint Jansmisse daeraf den yersten
termyn van betalingen syn sal tot Sint Jansmisse naestcomende
Op des voirscreven Peters huys metten hove gronde
gelegen inde Raemstrate, tusschen Andries van Boechout
erve diemen heet Prick aen deen zyde ende der weduen
wylen Henricx van Heymbach erve, Op twee chysgulden
ende eenen halven, daer voir vutgaende, Ende op des
voirscreven Peters hof metten gronde gelegen inde voirscreven
Raemstrate tusschen des voirscreven Andries erve ende der
voirscreven Peters erve aen dander zyde, Op vyf scellinge
groten Brabants vuten selven huyse ende hove jaerlicx
voir vutgaende. A Domino Mechliniensi, Waranderende etcetera.
Assignavit X denier
Scutte
Hennings sVos ende
Duffle, Dyest
Henricken van Spechoven, heeft vercocht Kathelinen
van Quaeyrebbe R Romen sVos wive, tot haere
ende desselfs haere mans behoef drie chysgulden
erffelic chys, Te heffene altyt opten yersten dach
van Augusto, Op ende aen des voirscreven Henricx stuck
bempts metten gronde houdende omtrent een buender
gelegen te Heffene inde Voesdoncstrate tusschen Jan
Bruegelman ende Peter Caluwaerts erve aen deen zyde
ende wylen Jan Nouts kynder erve aen dander zyde
A Domino Mechliniensi, Waranderende. Op acht scellinge groten Brabants gelts
daer voer vutgaende
Assignavit den XVI denier
ut supra tempore simile
venditior predinis juravit medi juravit mile
Petra parte exebaten priest
Jacop Joes ende Jan van Ysschot vander taflen
des Heylichs Geest ende Machiel vander Beke ende Rommond
van Beningnen vander fabriken der kerken van Neckerspoele
van
proviseurs hebben inden name ende van wagen der selver
taflen ende fabriken bekent gehadt ende ontfangen te hebben
van Jan vander vende van jare van sessaghen
als proviseurs vander taflen t des Heylichs Geests en
van Heyst vander selve taflen wegen zesthien ponden
by houden Jan vander Voort ende Jans van Orssaghen
proviseurs vander selver taflen, sestien pond groten Brams gelts
die Henrick vanden Dycke ende Jan den tanderen tyden vander
selve taflen van Heyst wegen, de voirscreven taflen ende fabriken
van Neckerspoele gelooft hadde te ve gulden ende te betalene, van welke
sesthien pond der voirscreven groten, hebben de voirscreven proviseurs
inde name vanden voirscreven taflen ende fabrike quytgesconden
los etcetera de voirscreven Henricke ende Janne Yde de voirscreven Janne
vander voort ende Janne van Orssagen tot haere ende der voirscreven
tafle de van Heyst behoef ende alle andere dies quitancie behoeven
geheelic ende al