Blader door transcripties » Stadsarchief Mechelen

archieftoegang 2, inventarisnummer 935, pagina 180

Elizabeth Tyelens ende
Johannes Lauwers
Duffle, Bossche. Lysbeth Tyelens met Gielis Giels diemen
heet de Raet haeren wettigen man, heeft bekent dat sy
Verhuert heeft Janne Lauwers woende tot weerde
onder Zempse ende onder derde van des joncheer van
Genbergen, Ende de selve Jan, heeft bekent dat hy gehuert
heeft tegen de voirscreven Lysbetten, Een stuc lants houdende
een halff buender, Anckel min oft meer, gelegen tot wordenst:t;
der voirscreven Lysbetten toehoerende, gelegen tot weerde opte
Berch, tusschen sHeeren strate aen deen zyde ende der heeren
van Zellaer erve aen dander zyde, den termyn van vyftich
jaeren langh geduerende ende deen na dander terstont
vervolgende die in nu in gaen ende beghinen zelen
ende voertaen zelen gedueren, den selven termyn ende vut
zaken van deser hueringen, heeft de voirscreven Jan Lauwers
gelooft voir hem ende syne nacomelingen ongevrydt
na der divisen recht te geven ende te betalen, den
voirscreven Lysbette ende haeren nacomelingen, de alle jaere
de voirscreven vyftich jaeren langhe, altyt tot Kermisse
daeraf den yersten termyn van betalingen syn sal, tot
Kersmisse naestcomende, met alsulker condicien oft gebuerenst:t;
dat de voirscreven Jan met en betaelde de voirscreven Lysbeth
alle jaer vier scellinge grote Brabants gelts
met alsulker condicien, oft gebuerde, dat de voirscreven Jan
der voirscreven Lysbetten, oft haeren nacomelingen metten
betaelde, de selve vier scellinge grooten alle jaere
ten voirgenoemde termyne ende hy daeraf in gebreke waer
soe sal, in dien gevalle de voirscreven hueringe te
nieuwte ende van gheen weerden syn ende zelen de
selve Lysbeth ende haer nacomelingen alsdan deen
metten voirscreven stuc lants haeren vryen wille moegen
doen, sonder eenich wederseggen
III July
Johanne Claes
Henricken Zeger
toehoirende
Baerdeghem, Mol. Jouffrou Lysbeth Paerdaens beghyne, wedue
gronde geheeten Beecregoet gelegen tot Hombeke
van wylen Bartelmeus vanden Eede met haere momboir
heeft opgedragen haer tocht, die sy hadde inde helft
van drie veertelen Rogs goede etcetera Mechelscher maten
van vier capuynen ende van drie pond payments
erffelicx pachts ende chys, Op een huys metten hove
o
Adriaen Zeyle
byden Holtenen driesch, tusschen Jan Gheerts erve aen
deen zyde ende derve dat Janne vanden Houte toe plach
te hoiren ende dat nu toebehoirt Janne Poesels
aen dander zyde. A Beato Rumoldo, Juravit etcetera tot behoef
van Bartelmeus vanden Eede haeren soon, die ierst inne
gegoedt was, Ende daer naer heeft de selve Bartelmeus
de sone vercocht Janne Claes Ghellemaker, de helft
vanden voirscreven drie veertelen Rogs vanden voirscreven vier capuyn
ende vanden voirscreven drie pond payments, Waranderende etcetera
Assignavit XVI Peters
usti tempore simile
Jan vanden Zype, heeft vercocht Janne va Blandyn
dreven he heet Pauwels, drie veertelen Rogs goeden
Mechelscher maten erfpachts, die hy hadde, op een huysen
metten hove gronde etcetera dat Janne Berthout toe plach te
hoeren ende dat nu den voirscreven Janne toebehoirt, gelegenst:t;
houdende omtrent drie buenderen gelegen tot Leest inde
Wynkelstrate, tusschen Henricx van Cricke erve aen deen
zyde ende Jan Gommaers ende Jan Stuers erve aen dander zyde
streckende achterweerts tot Leester Couter, Ende op een stuck
lants houdende omtrent de vierendeel, metten gronde etcetera
gelegen aldaer aen Tennecouter, te dat oic de voirscreven Janne
Berthout toehoirde ende nu toebehoirt, den voirscreven Janne
Pauwels, tusschen Gheerds vanden Hane, aen beyde zyde
A Domino Mechliniensi, Waranderende etcetera.
ve Johannes van
met erve uxor
Baerdege Duffle. Jan vander laet ende Lysbeth sMollen syn wyff, hebben
gewilt ende openbairlic voir ons geordineert, dat alle haere
danderen vercrigen, evengelyc ende in gelyken deele ende porcien
alsoe wel meyskens als knechtkens ende knechtkens als meyskens
kinden, die sy nu tsamen ende naemaels tsamen deen vanden
hebben houden baenveerden ende deylen zelen alle haerlieder
haeffelike ende erffelike goeden, waer die buere oft buyten
der stad ende vryheyt van Mechelen gelegen syn oft bevonden
zelen worden, die naer de doot vanden voirscreven haeren onderen
in eeniger manieren bliven selen
V augusty tempore simile
in alsoe lange
al
Wilis
Jan Schoerttere
sy et filia
Item. Jan van Berckelaer, Gielisene, Wouter vander Byest ende
Gielis van Berkellaer, Claessene, ingeseten ende kerckmeests
tot van Reeth, Ende hebben inden name vander selver kerken
van Reeth ongevrydt na der divisen recht gelooft te betalene alle
Janne de Schoezittere, tot sinen behoef live ende oft tot behoef
ende ten live van Kathelinen de Schoezitte, zynder natuerliker
dochter, leven zelen elcx jaers altyt tot Sinte Laureysmisse
alst vyf gouden Rynsguldenen goede etcetera te wetene XL groten
Vlaems voir elken der selve Rynsgulden gerekent, Ende
hebben de selve Gelovers, gelooft inden name als boven, te
gevene ende te betalene, Kathelinen Boems des voirscreven
Jans Schonsetters wivest:t; den selven Janne de Schoezitte, alle
jaere alsoe lange als Katheline Loens syn wyf ende de voirscreven
Katheline de Schoezittere syn natuerlike dochter leven zelen
lutte
Elcx jaers altyt tot Bamisse inde gelike Rynsgulden vanden
voirscreven weerden ende pryse, gelycst:t; als sy ghiften, op zeker goeden
der voirscreven kerken toebehoerende, bynnen der voirscreven prochien van gelegen
bewesen ende bepant hebben, gelyc de brieve dair op gemaect
dat claerlic vutwysen ende begrepen hebben hebben
ut tempre simile