Blader door transcripties » Stadsarchief Mechelen

archieftoegang 2, inventarisnummer 935, pagina 178

tot Kersmisse, daeraf den yersten termyn van betalingen
vallen sal, tot Kersmisse naestcomende, Ende opten voirchys
vander weerde van drie scellinge seven penninge
ende eenen halven groten Brabants gelts daer jaerlicx vutgaende
Om welke twee chysgulden des voirscreven chys, alsoe te
betalene ende om der meerder zekerheyt wille, de voirscreven
Meester Gielisen daeraf te doene hebben Jan van Dorspoele
als een tochtenere ende de voirscreven heer Jan syn soon als
erfgenaem, de voirscreven meester Gielis daervoir verbonden
ende te pande geset haer voirscreven ander huys, metten hove
gelegen by tvoirscreven vutgegeven huys tusschen tselve
bewel
aen deen zyde ende Willems de Beckere erve
huyse aen dander zyde, opte weerde van st:t; neghen
scellinge der voirscreven groten daer jaerlicx voir vutgaende
XVIaaugusti
Jacobus Loot
Duffle, Bossche. Weynde Daneels weduwe wylen Peters
de Raet met haere momboir, heeft opgedragen haer tocht
die sy hadde in een huys metten gronde etcetera gelegen inde
Nauwstrate, tusschen Meester Jans vanden Broeke huys aen
deen zyde ende wylen Willem Back, diemen heet int
e
Woudt huyse aen dander zyde. A Domino Magriete de Hane
juravit etcetera tot behoef van Jacoppen, Lysbettenst:t; Janne
Lysbetten ende Marien Raid wylen Peters R Raid
die de voerscreven weduen soon was doen hy leefde
kynderen welke, Jacop Lysbeth ende Marie tot haeren ende
des voirscreven Jans haers brueders behoef, warde daer
inne gegoet ende geerft, Ende daerna hebben de selve
syn zusteren
Jacop ende oic Lijsbeth ende Marie met haere momboir
inde name van hen selve ende vanden voirscreven Janne
haeren brueder absent ende buyten lants wesene, die sy
in hen vervingen, vercocht Jacoppen Loot tvoirscreven huyse
met synen toebehoirten, waranderen, op zestien pond
payments ende sesse chysgulden daer jaerlicx vutgaende
XXX July tempore simile
Weynder Paneels
Item de voirgenoemde Jacop Loot heeft bewesen, der voirscreven
weduen haere tocht paysselic ende vredelic te
gebruykene int voirscreven huys met synen toebehoirt
A Domin Mareta predit, Waranderende. Opte voirscreven chys daer
vutgaende
ut supra tempore simile
Libery Peter
vande met
Lysbetten ende Marien de Rad, tot haere ende des voirscreven
Duffle, Bossche
Item de voirgenoemde Jacop Loot, debet den voirscreven Jacoppen
Jans haers brueders behoef, Eenentwintich gouden
Peter vanden munte etcetera goede etcetera te wetene XXXV
groten Vlaems gelts voir elken van dien gerekent
Te betalene, terstont naer de voirscreven weyndelen
der weduen doot, Ende daervoir heeft hy verbonden
ende te pande geset, te tvoirgenoemde syn huys met synen
toebehoirten, Ende daertoe alle syne haeffelike goeden
presenta et futura.
ut supra tempore simile
Ghevoets
Duffle, Bossche, Katheline Ghevoets weduwe wylen Willem Colibrants
diemen heet Heylen met haere momboir heeft opgedragen tot
behoef van Lysbetten Ghevoets wylen Henricx Gheets
alle trecht dat sy hadde in
der voirscreven Kathelinen brueder dochter, Een huys metten hove
heereman
gronde, dat de voirscreven wylen Willeme toe plach te hoiren
gelegen inde Vetterstrate tusschen Bartelmeus Merman huys
aen deen zyde ende Mathys vander Moels huys, aen dander zyde
A Domino Mechliniensi, Waranderende. Opten last ende chys daervutgaende. Behoudelic
der voirscreven weduen daerinne haer tocht
IX July tempore simile
Metten Ghevaerts
Item de selve Katlyne Lysbeth Ghevoets met haeren momboir
heeft bewesen de voirscreven Katlyne daer weduen haere tocht
paysselic ende vredelic te gebruyken, int tvoirgenoemde huyse
metten hove. A Domino Mechliniensi, Waranderende etcetera.
ut supra tempore simile
Johannes Borgere
Jan van Machiel ende Jan de Keyser
Baerdege, Bossche Jan ende Dierick Eynaerts wylen Jacop Eynaerts kynderen gebruederen
voir hen selven, Ende oic Jan van Merchteren ende Jan de Keyser van
svaders wegen ende Jan vander Bloke vander moeder wegen als momboir
ende inden name van Lysbetten Eynaerts de voirscreven bruederen zuster
infra annos etc, die sy negen vervingen, hebben bewesen vut saken
van wisselingen voir ander erfgoeden tot Rumpst gelegen Janne den
Borgere wylen Jans sBorgers sone, eenen gouden Peter vander munten
goet te wetene XXXVI groten Vlaems gelts voir dien Peter
gerekent, Te heffene altyt tot Sint Jansmisse daeraff den
telc chys ende
yersten termyn van betalingen syn sal tot Sint Jansmisse naestcomende
Op huerlieder stuc bempts metten gronde houdende omtrent
vyf hondt gelegen te Heffene inde Clevelst tusschen Jans
de Cale erve, aen deen zyde ende wylen Peter ambachter kynderen
erve aen dander zyde Aegidio Vrancx, Waranderende. Op twee groten
Brabants daer voir vutgaende
Ultima July tempore simile
Lare Verwere
et Symon de
Yndevelde
Item Gheerd de Verwere, heeft opgedragen ende overgegeven
Baerdegen bossche
tot behoef van Lauretten de Verwere synder dochter ende
Claes van Yndevelde der ouder huysvrouwe, als tot haerer
tocht ende tot behoef van Symoen van Yndevelde, des
voirscreven Claes ende Lauretten soon, als tot synder erffelicheyt
tderdedeel van eenen huyse oft woeningen metten hoven
plaetsen stalle ende oic metten gronde ende alle anderen syne
toebehoorten, den Spiegel geheeten, dwels de voirscreven Gheerd
tanderen tyden tegen Clasen van Yndevelde, des voirscreven Claes
soon, gecocht ende gecregen heeft gelegen opte Corenmarct
tusschen thuys tVerke geheeten dat wylen Henricke vanden
Broeke toe plach te hoiren, aen deen zyde ende thuys de
Coppe geheeten, toehoerende Henricke Breugelmans, aen dander
zijde. A Domino Mechliniensi, Waranderende. Opten chys daer jaerlicx vutgaende
Ultima July tempore simile