Blader door transcripties » Lokale Kronieken uit de Nederlanden 1500-1850

archieftoegang 1499_Rott_Jans, pagina 41

daerenboven mit veel volcx voer een stede, hiet Huy, die van mijns heeren wege van Bourgoengen beset was, ende wonnen die ende worpen dat slot neder, ende vilden een capitein levendich ende deden veel quaets an vrouwen ende an mannen41. Ende den jongen prinse ontboot sijn edelen ende maicte heervaert, ende vergaderde wel vijftichdusent paerden, behalven die voetgangers, ende toech int lant van Loen ende Ludich42 ende wan43 die stede van Sint Truye; daer worden verslegen wel IIIIM Lukenaers44. Doen hij die gewonnen hadde dede hij die poorten ende vesten all nederleggen45; desgelijcx Hevetongeren46,
36
Hasselt47 ende allen die andere steden48 ende barndet ende destrueerde alle dat lant van Loen ende van Ludic dattet nye zo gedestrueert en was. Ende dese heervaert began hij in septembri anno LXVII, ende up sinte Martijnsdach [11 nov.] quamen die bastaert van Bourgoengen49, den grave van Nassou50 ende andere heeren51 in Ludic binnen der stad ende waren weder in gena gecomen, ende drie off vier dagen daerna quam mijnen genadigen heere mit zoe groeten volke ende menichte van luyden ende van paerden in de stad van Ludic ende was die stad machtich, ende dede hem oick hoir poerten ende vesten nederleggen, ende scattede se zo seer boven die eerste scattinge, ende brocht hoeren [f. 263] biscop van Bourbon oick daerin52, ende scattede oick dat lant van Loen zo seere ende brocht dat weder an Brabant, also men seide53. Ende den coninck van Vranckerijc soude die Lukenaers te hulpe gecomen54 hebben maer sijn volc wart gescut van den Palensgrave55, ende den hertoge van Barry56 ende van Bertaenge57 quamen in Noormandie ende wonnen Caen