Blader door transcripties » Lokale Kronieken uit de Nederlanden 1500-1850

archieftoegang 1499_Rott_Jans, pagina 32

breviata:

Natalem puram pepigit per fata figuram7.










29


[f. 260v] Noch van den hartooch van Gelre.

Item. Int jaer dusent IIIICLXIIII na Kerssavonde vinc Adolf, mijn jonge heere van Gelre8, hartoch Aernout sijnen vader9, hoewel dat hij nochtans een enige zoon was, mitten burgermeesters ende scutten van Nijmmagen up dat slot te Grave, dat all omme bevrosen was mitten ijse, ende nam hem uuten slote van sijn bedde blootsbeens, sonder cousen, in eenen langen tabbert ende voerde ten Nijmmagen10, ende vandair upt slot te Buyeren11 daer hij lange lach. Ende doen quamen mijn heere van Cleve12 ende mijn heere van Egmond13 ende ontseiden mijn jonge heere van Gelre ende brandent all off dat buyten slote was ende slogen ende vinghen up malcander veel volcx. Ende up een tijt was Otte van Vuyre14 capiteyn van den Gelresse ende sende over een deel volcx tot IJselstein ende dat volc brande IJselstein alsoet mijn heere van Egmonde15 toebehoerde, hoewel dat hijt van der graflicheit te leen hilde van Hollant, ende namen cleederen ende andere juweelen mit hem ende slogen oick luyden ende kinderen aldaer doot. Ende sij quamen weder over die Lec ende mijn joncker