Blader door transcripties » Lokale Kronieken uit de Nederlanden 1500-1850

archieftoegang 1499_Rott_Jans, pagina 29

27


meesters van Rotterdam over ende in hoeren handen die reliquieen van den heiligen, also elcx genoomt100 is, om die tot Rotterdam te brengen, daer ic Jannes1 mede bij was, ende up sinte Laureisdach [10 aug.] daeran doe worden die reliquieen eerlic mit groeter processie ingehaelt2.

Endev int selve jaer upten XVIen dach van julio doen vacht mijn heere van Chairloes3 een grooten strijt te Montschery, boven [f. 260] Parijs omtrent seven mijlen, jegens den coninck van Vranckerijc ende den coninck wart off geslagen alle sijn upperste capiteinen ende veel volcx an beide zijden, also men seide datter wel verslagen worden VIM off VIIM man, ende den coninc moste in Parijs wijken dat hij tvelt niet houden en dorste4. Ende up sinte Cornelisavonde [13 sept.] int jaer van LXV voirs. doen was smargens een mist an den hemel ende die sonne scheen dairdoer als blaeu lasuer dat menich mensche wonder gaf. Ende mijn heere van Chairloes creech sijnen wille van den coninc ende creech veel gelts ende veel lants, te weten tlant van Pontieu5, ende quam also mit sijnen here uut Vranckerijc ende kreech sijnen wille van Ludic in januario int jaer [M IIIIC] LXVI6.