Blader door transcripties » Lokale Kronieken uit de Nederlanden 1500-1850

archieftoegang 1499_Rott_Jans, pagina 25

24


koer76 over die gedamde sluysvliet door den nyeuwen toern ...p.

[f. 258v] Inq tuytgaen van april in den jaere [XVC] XLVI heeft men tAmsterdam gecoft een last rogge om zeven ende tsestich goltgulden. Ende in den jaere acht ende veertich in tuytgaen van april coft men binnen derselver stede een last tarwe, een last rogge, een last gerste, een last havers, een vat Iepen77 biers, een vat Rostycker78 bier, een scippont79 caesen, noch een scippont hantcaesen, een vet vercken, een paer hoesen, een wambuis, een hoet, om seven ende tsestich goltgulden ende daer schoet twee Karolusgulden over voer de wijncoep.

Item. Int jaer [MIIIC]LXII omtrent sinte Bavendach [1 okt.] coft men Tordrecht een vat taru van III achtendeelen Dorts, een vat havers, een myngel80 Rinswijns, ende eenen gebraden entvogel al tsamen om eenen gouden Rinsgulden, Gode lof. Ende twee dagen na sinte Bavendach int selve jaer vroest so zeer dat men over dat ijs liep, ende up dieselve tijt en quam gheen Rinswijn van boven Tordrecht81 ende die van Dordrecht haelden veel Rinswijns tAndworpen.

Int jaer [M IIIIC] LXIII omtrent sinte Jansdach te midsomere [24 juni] wart binnen der stede van Leyden gecoft ende vercoft een achtendeel gueder taru, een vette gans, ende eenen stoop Poitaeus82 al tsamen om 12 groot, te weten den taru om zes groot, die gans om drie groot ende den wijn om drie groot, Gode lof.