Blader door transcripties » Lokale Kronieken uit de Nederlanden 1500-1850

archieftoegang 1666_Gent_Bill_01, pagina 160

die door schrick d'ander al vechtende deden retiren
ende haer slachordens breken, te meer als de Prince
Cavaillerije daer onder begonst te commen loopen,
eijndelinghe om cort te maecken den goeden hertoch
Philips creech de victorie, ende die van Ghendt ###
onghemeene groote nederlaeghe, daer af de
circomstantien te siene sijn in de groote Cro¬
nijcke van den Aucteur.
Anno
1453
Wat onsteltenisse, rauwe, ende droefheijt dat de##
groote Nederlaghe binnen de stadt van Ghendt cau¬
zeerde, hoorende datter wel 15 a 16000 mannen
in diversche manieren doodt ghebleven waeren, can
men beter bedencken als beschrijven, maer t' sanderdaeghs
commende eenen herault van wapenen met eenen
brief van den goeden hertoch Philips, met den
welcken hij haerlieder verthoont, eerst haere groote
ghecomitteerde faulten, ten tweede de schoone
victorie die Godt an sijn gherechtighe saecken had
believen te gheven, ende ten derden dat hij niet teghen¬
staende bereedt was haere voorgaende misdaden
ende faulten
bereedt was die
te
vergheven, en te vergheten,
was bereedt
ende
hemlieden in ghenaede te
ontfanghen, ende ander eenighe besprocken conditien
den Paijs ofte vrede te gheven, dat an die van Ghendt,
an
148.
an haeren groote druck en droefheijt, noch eenen anghena¬
men troost was. De welcke presentacien in dancke
wierden ontfanghen, den Paijs wiert ghemaeckt seer
favorabel,
anden Prince
ende naerdeelich voor die van Ghendt,
maer den noodt en heeft gheen weth, ende Dusdanighe
accidenten gheen ofte cleen remedie.
Anno
1454
Soo traude int beginsel van de maendt novembre Charles
van Bourgoignen, Grave van Charlois, sone van den goeden
hertoch Philips van Bourgoignen etca vrau Isabeeu van
Bourbon (dochter van Charles den Ien van dien name, hertoch
van Bourbon, ende van vrau Agnes, dochter van hertoch
Jan van Bourgoignen) voor sijn tweede huijsvrau; sijnde
vrau Catharina, dochter van Charles den VIIen Co: van
Vranckrijcke overleden in den Jaere 1446 (die sijn
eerste huijsvrauwe was)
1454
Soo wierter eenen generaelen Paijs ghemaeckt tusschen
alle de Souverainnen, Princen, ende Republicquen van
Italien met een generael contentiment, ende daer
diversche Pausen soo dickmaels met groote devooren
hadden toeghetracht, ende tot het effect van diere niet
en hadden connen geraecken, ende desen goeden, grooten
en