Blader door transcripties » Lokale Kronieken uit de Nederlanden 1500-1850

archieftoegang 1666_Gent_Bill_01, pagina 159

ende felle rasende beesten plachten te doen.
Anno
1453
Hebbende ghehoort den goeden hertoch Philips, hoe dat de
ghemeente van Ghendt langhst om meer waeren
verghetende hun devooren in sijn regaert, ende hoe dat sij
met hun ghewapent Crijchsvolck, teghens sijnen
dienst, ende sijn ghetrauwe Vassaelen daghelicx te
velde waeren, wat sij t'Audenaerde in sijn preju¬
ditie hadden meenen te doen; hoe dat sij
bij
Denremonde
Cornelis sijnen Bastaerts sone, met andere Ridders,
ende Noblesse hadden verslaghen. Wat sij tot Poucke
meenden uijt te voeren, hadden sij daer niet ghestuijt
gheweest. Dit alles met hertsweere verstaen, ende
gheconsidereert hebbende, soo en wilde hij gheenen tijt
meer verliesen, maer met sijn legher de selve van
Ghendt te dwijnghen, te commen tot hun devoor,
daer toe hij maer en socht een bequame occasie te
hebben, die hij met het belegheren van het Casteel van
Gavere haest heeft ghevonden, want den Gouverneur
vant selve Casteel was doen Juijst absent, ende om
eenighe affairren binnen Ghendt, die aldaer an de
ghemeenten wijsmaeckten datter noeijt gheen beter
gheleghentheijt en was, als nu, om hertoch Philips
ende
147.
ende sijn volck te slaen, ende eenen grooten rijcken buijt
te maecken, met meer ander dierghelijcke abusive worden
waer door het meeste mannevolck seer qualick ghewa¬
pent, ende onervaren naer het ontset van Gaveren
trock, soo dat daer een groote menichte van Ghente¬
naers bij een vergaert waeren. Den goeden hertoch
Philips, die maer een middelmatich legher en hadde in
ghetal ontrent 2/3 deelen min als die van Ghendt,
maer ghemaeckt van goet aut volck, ende gheex¬
perimenteerde soldaeten, voorsien van goede bevelhebbers
ende ghewillighe Noblesse, de welcke in slachordre
ghestelt sijnde, ende seer nauwe ghesloten, quamen
marcheren naer het legher van die van Ghendt, die
een sterck legher hadde, maer meest ghemaeckt van
onnut hantwerck volck, metsers, temmerlien,
schippers cnaepen, aerbeijders etca Den meerderen deel
qualick ghewapent, ende die noeijt gheenen vijandt in
orloghe en hadden ghesien, boven dien qualick ghecondui¬
seert van hoofden, Capiteijnen, en Commandeurs om
cort te maecken dese twee leghers quamen bij malkan¬
deren om te vechten, ende het legher van Ghendt wiert
eerst gheattacqueert van t Princen volck, die haest
daer af in groote menichte doodt ter plaetse leijde
die
Anno