Blader door transcripties » Lokale Kronieken uit de Nederlanden 1500-1850

archieftoegang 1580_Antw_Wese, pagina 4

1e Chronyke van het voorgevallen binnen den stad Antwerpen
van het jaer 1567 tot 1580, voor afgegaen door eenige
onderhandeling stuks met den hertog van Alba, gecollect##
by Jan van Wesenbeke.
Propositie Van Duc d'Alve
Mijn heeren, hebbende de Hertoghe van Alve Stadthouder, Gou¬
verneur ende Cap ne generael voirden Co: onsen alder genadichsten
heere ende natuerlycken Prince in dese zijne erf nederlanden over lange
soe u wel kennelyck es by synen Mt herwaerts over gesonden ghe¬
weest om den Troubel ende beruerte alder opgestaen. neder te
leggen, Pausieren ende oick voirden toecomenden tijt sulcke remedie
ende provisie te stellene dat deselve landen van gelycke Inconve¬
nienten bewaert ende beschermt souden mogen wesen heeft zyne Exce
eerst ende voiren voir goet aengesien haer te doen Informeren ende be¬
wegen van Rechte te procederen tegens de gene die autheurs vande
voirseyde beruerte syn geweest, t welck sijne Exce behoort hadde
eer te volbringen om zyne Mat des te beter vervuegen ende satifactie
te geven ende die zelve tot gacie ende genade te bewegen, tegen die me¬
nich die hem hebben laten abuseren. ende verlieden, ende dese landen
wederom te bringen ende stellen in Ruste ende tranquiliteyt, soe die
daer te voiren waeren, Indien tselve door die boose aenslagen vanden
voirseyden hoefden ende hueren aenhangeren niet belet en hadde geweest
die welcke bij huere Invasie ende heijrcracht zyne Exce zoe veele te
doen hebben gegeven, dat de selve den meestendeel vanden Jaere te
velde heeft moeten liggen, ter tyt toe, dat sij vuyt dese landen tot huere
groote schande ende confusie verdreven ende verjaecht syn geweest.
Ende aenmerckende syne Exce dat de voirseyde hoofden vanden beroerten
tprincipal vanden fondement, aenslagen gestelt hadden. op der
veranderinge vander Religie, die welcke gemeenlyck ende ordinairlyck
mede bringen een onmatelycke moetwillicheyt ende ongehoirsaemheijt
tegens de overste ende der Justicie, om zulcx des te lichtelycker
t volck tot hun voirnemen te trecken, hebbende te dien eynde een be¬
derffelycke ende hinderlicke conspiratie aengericht ende gemaect,
om die ordonnantie, Statuten, Rechten Wetten ende Placaten te
nijeten te Doen, ende te abolieren, Duer middel vande welcke men
tot dien tyde in goede Ruste, eendrachticheyt ende voorspoet geleeft
heeft gehadt Soe heeft zyne Exce volgende Den expressen last
ende bevel van sijne Mat Sorge dragende dat die Catholicquen Religie
ten alre eersten dat doenlyck zoude wesen in hueren staet weder
gestelt, ende die ordinantien statuten Rechten ende Wetten onderhouden
worden als voren daer toe syne Exce haer wellicht geemployiert
toe gelaten hebben, sunderlinge met die hulpe vande Bisschoppen
Prelaten ende goede Pastoren met Intencie Daerinne te Doen
continueren by alle gevuechelicke ende bequame weeghen ende
middelen
Ende alsoe ghij myn heeren wel cont verstaen dat die bewaernisse
en persuatie