Transkripte durchsuchen » Lokale Chroniken aus den Niederlanden 1500-1850

Archivzugang 1580_Antw_Wese, Seite 167

286 syne voersaten Dat gelyck geweest syn De P hij zal moegen nemen tot synen bewaernisse ondersaten van dese Nederlanden volgende De Pacificatie gelyckmen bevinden sal toe behoorene tot syne nae volghinge om te gaene ter plaetsen Daer hem gelieven sal // Datter egheene particuliere Gouverneurs en selen sijn Inde Steden Daer van Ouden tyden egheen en syn gheweest Dat alle Gouverneurs ende Coronnelz ende Volck van Oorlogen van Dese landen hen selen vinden bij sijne hoocheijt zoe wanneer sij ontboden zelen worden ende onder Danich te wesen als Capitaeijn generael // Dat syne hoocheyt als Gouverneur generael sal moeghen ordonneren vande Officien ende lasten Dier vallen zullen, behoudelyck Dat het nijet en sij tegens De Pacificatie ende Previlegien vanden lande // Midts Dat De Staten over sekere Dagen hebben geadviseert te maken een Rolle Oft liste van alle de ghene Die sij verstaen bequaem ende gequalificeert te syne omme te comen in heure vergaderinge Dat De selve Rolle word De metten Iersten gesonden omme te besien Ofter eenighe persoonen syn suspect wesende van quaden Dienst te doene Oft De ghene Die aldaer nyet en behooren mede te comen Ingevalle Dat De Prince van Oraengien ende De Staten van Hollant ende zeelandt nyet en willen van poincte tot poincte voldoen De Pacificatie ende accoordt gemaect tusschen zijne hoocheyt Inden Naeme vanden Coninck, ende tusschen De generale Staten dat sij voordane nyet en selen houden eenige correspondentie Oft verstant 287 Oft verstant met Den voirß Prinche ende Staten, Maer Dat sy hen vuegen met syne hoocheyt, omme Daer aff reden te hebbene naevolgende De Pacificatie, Ende Dit al op Dat syne voirß Mat Daer Deure alzoe mach hebben behoirlycke onderdanicheyt Die De voirß Staten hem gelooft hebben ende syne hoocheyt In zijnen Naeme het respect ende Authoriteijt Die gehadt hebben andere Gouverneurs vanden bloede syne voersaten, om de selve te mogen onderhouden Inden Ruste Die sij begheeren // Inne geroepene Tot Bruessele opten [...] Dach omme aldaer te Compareren Conte Darenberg. Mansfelt. Barlaymont. Hierges Meghem. floyon. Houtepenne. Reulx. Monssr De falcquenberg. foncque. Assomville. Berthij. Scharenberg. Monssr Diure. De Brus. De Merlemon. De Melron. Philippe De Marbais. Laudiencier. Croonendael. Vasseur Opten 20 Septembris 1577 Is De tydinge comen hoe Dat De Staten waeren geaccordeert met De Duytsche soldaten bynnen schertoghen Bossche wesende, ende Dat de selve soldaten midts sekere betalinge vuijt de voirß stadt waeren getrocken Opten 22 xxijen Septembris 1577 Syn alhier gecomen vuyt Breda x Oft xj Duytsche soldaten gedeputeert van Dandere om te comen appoincteren met Den Prinche van Oraengien // Item hoe Dat sij Den Coronel fronsberg ende Dandere Capiteynen op stadthuys gevangen hielen